Kandai Biblu tọn he gandego (lẹ):

• Yẹ 12:1-8​—Po hogbe milomilo lẹ po, Ahọlu Sọlomọni basi zẹẹmẹ madogán he gbẹtọ nọ tindo dile owhe to owhe ji jẹ delẹ tọn. Di apajlẹ, e dlẹnalọdo nukun he masọ nọ mọnú ganji ba lẹ di “yọnnu he to nupọn hlan gbọn fleṣenu lẹ [bo] mọdọ zinvlu do;” bosọ dlẹnalọdo otó he masọ nọ sènu ganji ba lẹ di “ogbè viyọnnu hànsinọ lẹ tọn [he] nọ yìdo”

Kandai Biblu tọn he gandego (lẹ):

• 1Sa 12:2, 23​—Yẹwhegán Samuẹli he ko yin mẹhomẹ de yọ́n lehe e yin nujọnu sọ nado nọ to dẹ̀ho do omẹ Jehovah tọn lẹ tamẹ zọnmii

• 2Sa 19:31-39​—Ahọlu Davidi dohia Balzilai mẹhomẹ lọ dọ emi yọ́n pinpẹn lehe e yí nugbonọ-yinyin do nọgodona emi do tọn, podọ Balzilai yí whiwhẹ do kẹalọyi dọ nuhe emi gán wà lẹ do dogbó to whenue yè biọ to e si nado wà hú nugopipe etọn

• Slm 71:9, 18​—Na Ahọlu Davidi dibu dọ e ma na yọ́n-na-yizan to yọnhowhe etọn mẹ wutu, e vẹ̀ Jehovah dọ ni ma tùn emi dlan blo, amọ́ dọ ni na emi huhlọn nado sọgan plọnnu whẹndo he bọdego lẹ gando Ewọ go

• Luk 2:36-38​—Yẹwhegán-yọnnu Anna, he yin asuṣiọsi yọnhonọ de, yin didona na mẹdezejo po sinsẹ̀nzọn nugbonọ-yinyin tọn etọn po

Kandai Biblu tọn he gandego (lẹ):

• Jen 12:1-4​—Whenue Ablaham tindo owhe 75, Jehovah de azọ́ndenamẹ de na ẹn he biọ dọ ni basi diọdọ ayidego tọn lẹ to gbẹzan etọn mẹ

• Da 10:11, 19; 12:13​—Whenue yẹwhegán Daniẹli do owhe 90 linlán, angẹli de dla ẹ pọ́n bo na ẹn jide dọ e họakuẹ to nukun Jehovah tọn mẹ podọ dọ nugbonọ-yinyin etọn na yin ahọsuna

• Luk 1:5-13​—Whenue Zekalia po Elizabẹti po ko poyọnho wẹ Jehovah dona yé bọ yé ji visunnu de gbọn azọ́njiawu dali he nọ yin Johanu

• Luk 2:25-35​—Whenue Simeoni ko poyọnho wẹ Jehovah na ẹn lẹblanulọkẹyi lọ nado mọ viyẹyẹ he na wá lẹzun Mẹsia lọ; Simeoni yin gbigbọdo nado dọ dọdai de gando ovi lọ go

• Ow 7:23, 30-36​—Whenue yẹwhegán Mose do owhe 80 wẹ Jehovah deazọ́nna ẹn nado yin nukọntọ na omẹ Etọn Islaelivi lẹ

 Kandai Biblu tọn he gandego (lẹ):

• Jen 45:9-11; 47:12​—Josẹfu dowẹ̀n hlan nado plan otọ́ etọn Jakọbu he ko poyọnho lọ wá, podọ e penukundo e go kaka e do kú

• Lut 1:14-17; 2:2, 17, 18, 23​—Hodidọ po nuyiwa Luti tọn lẹ po hẹn Naomi yọnhonọ lọ lodo

• Joh 19:26, 27​—Whenue Jesu to kúdonu to yatin ji, e deazọ́nna Johanu, yèdọ apọsteli he e yiwanna lọ, nado penukundo onọ̀ emitọn he ko whẹ́n mẹho lọ go