ბიბლიური მაგალითი:

• ეკ. 12:1—8 — მეფე სოლომონმა პოეტური ენით აღწერა ზოგიერთი სირთულე, რომელიც ასაკის მატებას ახლავს თან, მაგალითად, მხედველობისა და სმენის დაქვეითება („სარკმლიდან მომზირალ ქალებს სიბნელე უხილავთ“, „მომღერალ ასულებს ხმა წასვლიათ“).

ბიბლიური მაგალითები:

• 1სმ. 12:2, 23 — ხანში შესულ წინასწარმეტყველ სამუელს კარგად ესმოდა, რამდენად მნიშვნელოვანი იყო, არ შეეწყვიტა ღვთის ხალხისთვის ლოცვა.

• 2სმ. 19:31—39 — როცა მეფე დავითს უნდოდა, რომ მისადმი გამოვლენილი ერთგულების სანაცვლოდ ბარზილაისთვის საკადრისად ეცა პატივი, მან მოკრძალებულად აღნიშნა, რომ ასაკის გამო მეფის შეთავაზებაზე უარის თქმა მოუწევდა.

• ფს. 71:9, 18 — მეფე დავითი შიშობდა, რომ ასაკში იეჰოვას ვეღარ გამოადგებოდა. ამიტომ სთხოვდა, არ მიეტოვებინა და ძალა მიეცა, მომავალი თაობებისთვისაც მოეთხრო მასზე.

• ლკ. 2:36—38 — ხანდაზმულ წინასწარმეტყველ ანას, რომელიც ქვრივი იყო, იეჰოვამ დაუფასა ერთგულება.

ბიბლიური მაგალითები:

• დბ. 12:1—4 — აბრაამმა 75 წლის ასაკში იეჰოვასგან ისეთი დავალება მიიღო, რომელმაც მისი ცხოვრება რადიკალურად შეცვალა.

• დნ. 10:11, 19; 12:13 — ანგელოზი გამოეცხადა 90 წელს გადაცილებულ წინასწარმეტყველ დანიელს და დაარწმუნა, რომ იეჰოვა აფასებდა და ერთგულებისთვის დააჯილდოვებდა.

• ლკ. 1:5—13 — იეჰოვამ სასწაული მოახდინა და ზაქარიასა და ელისაბედს სიბერეში შვილი აჩუქა.

• ლკ. 2:25—35 — იეჰოვამ ასაკოვან სიმონს ჩვილი იესოს ნახვის პატივი არგუნა წილად. ამ დროს სიმონმა ღვთის შთაგონებით წინასწარმეტყველებაც წარმოთქვა.

• სქ. 7:23, 30—36 — იეჰოვამ 80 წლის მოსე თავისი ხალხის წინამძღოლად აირჩია.

ბიბლიური მაგალითები:

• დბ. 45:9—11; 47:12 — იოსებმა თავისთან ჩამოაყვანინა მოხუცი იაკობი და სიცოცხლის ბოლომდე იზრუნა მასზე.

• რთ. 1:14—17; 2:2, 17, 18, 23 — რუთი ყველანაირად მხარში ედგა ხანში შესულ ნაომის.

• ინ. 19:26, 27 — ძელზე ჩამოკიდებულმა იესომ დედაზე ზრუნვა მოციქულ იოანეს დაავალა.