វ័យចាស់

លេង

វ័យចាស់

តើមានអ្វីកើតឡើងពេលយើងកាន់តែចាស់?

ចសព. ៧១:៩; ៩០:១០

សូមមើលដែរ «សម្រាលទុក្ខ៖ ចំណងជើងតូច‹ជំងឺនិងភាពវ័យចាស់បានដាក់កម្រិតលើសមត្ថភាពរបស់អ្នកខ្លះ›»

កំណត់ហេតុគម្ពីរដែលទាក់ទង៖
- អទ. ១២:១-៨—នៅក្នុងកំណាព្យ ស្ដេចសាឡូម៉ូនបានរៀបរាប់អំពីភាពចុះខ្សោយមួយចំនួនដែលមកតាមអាយុដូចជា ភ្នែកខ្សោយ («ស្រីៗមើលទៅខាងក្រៅតាមបង្អួចឃើញតែភាពងងឹត») និងត្រចៀកស្ដាប់មិនសូវឮ («កូនស្រីៗទាំងអស់ច្រៀងមិនសូវឮ»)

ទោះជាបញ្ហានិងភាពវ័យចាស់បានដាក់កម្រិតលើសមត្ថភាពរបស់បងប្អូនខ្លះ ហេតុអ្វីពួកគាត់នៅតែអាចរក្សាអំណរ?

២កូ. ៤:១៦-១៨; យ៉ា. ១:២-៤

កំណត់ហេតុគម្ពីរដែលទាក់ទង៖
- ១សាំ. ១២:២, ២៣—ពិតមែនថាអ្នកប្រកាសទំនាយសាំយូអែលមានវ័យចាស់ តែគាត់ដឹងថាគឺជាការសំខាន់ណាស់ ដែលគាត់បន្តអធិដ្ឋានឲ្យរាស្ត្ររបស់ព្រះ
- ២សាំ. ១៩:៣១-៣៩—ស្ដេចដាវីឌដឹងគុណបាស៊ីលឡាយណាស់ ដែលបានគាំទ្រគាត់យ៉ាងស្មោះត្រង់ ទោះជាបាស៊ីលឡាយមានវ័យចាស់ក្ដី។ បាស៊ីលឡាយមានចិត្តសុភាពរាបទាប ដោយស្គាល់កម្រិតរបស់ខ្លួន។ ដូច្នេះ គាត់ប្រាប់ដាវីឌថា គាត់មិនអាចទៅក្រុងយេរូសាឡិមជាមួយដាវីឌបានទេ
- ចសព. ៧១:៩, ១៨—ក្នុងពេលស្ដេចដាវីឌមានវ័យចាស់ គាត់ខ្លាចថាខ្លួនលែងមានប្រយោជន៍ទៀត។ ដូច្នេះ គាត់បានអង្វរព្រះយេហូវ៉ាឲ្យផ្ដល់កម្លាំងដល់គាត់ ដើម្បីគាត់អាចបង្រៀនមនុស្សជំនាន់ក្រោយអំពីលោក
- លូក. ២:៣៦-៣៨—អ្នកប្រកាសទំនាយម្នាក់ឈ្មោះអាណា ជាស្ត្រីមេម៉ាយមានវ័យចាស់ តែព្រះយេហូវ៉ាបានឲ្យពរគាត់ ដោយសារគាត់បម្រើលោកយ៉ាងស្មោះត្រង់

តើអ្វីបង្ហាញថាព្រះយេហូវ៉ាឲ្យតម្លៃមនុស្សវ័យចាស់?

ចសព. ៩២:១២-១៤; សុភ. ១៦:៣១; ២០:២៩; អេ. ៤៦:៤; ទីត. ២:២-៥

កំណត់ហេតុគម្ពីរដែលទាក់ទង៖
- ដក. ១២:១-៤—ពេលអាប្រាហាំអាយុ៧៥ឆ្នាំ ព្រះយេហូវ៉ាបានឲ្យភារកិច្ចមួយដល់គាត់ ដែលតម្រូវឲ្យគាត់ចាកចេញពីស្រុកកំណើតអស់មួយជីវិត
- ដាន. ១០:១១, ១៩; ១២:១៣—ទេវតាមួយរូបបានមកជួបអ្នកប្រកាសទំនាយដានីយ៉ែល ក្នុងពេលគាត់មានអាយុប្រហែល៩០ឆ្នាំ ដើម្បីប្រាប់ថាគាត់មានតម្លៃណាស់ចំពោះព្រះយេហូវ៉ា ហើយថាលោកនឹងផ្ដល់រង្វាន់ដល់គាត់ ដោយសារគាត់ស្មោះត្រង់ចំពោះលោក
- លូក. ១:៥-១៣—ព្រះយេហូវ៉ាឲ្យពរដល់សាការីនិងអេលីសាបិតដែលមានវ័យចាស់ ដោយធ្វើអព្ភូតហេតុឲ្យពួកគាត់មានកូនប្រុសម្នាក់ឈ្មោះយ៉ូហាន
- លូក. ២:២៥-៣៥—ព្រះយេហូវ៉ាបានឲ្យពរដល់បុរសវ័យចាស់ម្នាក់ឈ្មោះស៊ីម្មាន ដោយឲ្យគាត់មានឯកសិទ្ធិឃើញទារកដែលនឹងទៅជាមេស្ស៊ី។ បន្ទាប់មក គាត់បានប្រកាសទំនាយអំពីទារកនោះ
- សកម្ម. ៧:២៣, ៣០-៣៦—ពេលម៉ូសេអាយុ៨០ឆ្នាំ ព្រះយេហូវ៉ាបានឲ្យគាត់ធ្វើជាអ្នកនាំមុខជនជាតិអ៊ីស្រាអែល ដែលជារាស្ត្ររបស់លោក

តើយើងគួរប្រព្រឹត្តយ៉ាងណាចំពោះបងប្អូនវ័យចាស់ដ៏ស្មោះត្រង់?

ចល. ១៩:៣២; ១ធី. ៥:១

កំណត់ហេតុគម្ពីរដែលទាក់ទង៖
- ដក. ៤៥:៩-១១; ៤៧:១២—យ៉ូសែបបានយកយ៉ាកុបជាឪពុកមានវ័យចាស់មករស់នៅជាមួយ ហើយបានមើលថែគាត់ រហូតដល់ថ្ងៃគាត់ស្លាប់
- រូថ ១:១៤-១៧; ២:២, ១៧, ១៨, ២៣—រូថបានគាំទ្រណាអូមីជាស្ត្រីវ័យចាស់ ទាំងពាក្យសម្ដីទាំងការប្រព្រឹត្ត
- យ៉ូន. ១៩:២៦, ២៧—មុនពេលលោកយេស៊ូស្លាប់លើបង្គោលទារុណកម្ម លោកបានសុំយ៉ូហានជាសាវ័កដែលលោកស្រឡាញ់ជាងគេ ឲ្យមើលថែម្ដាយរបស់លោក