Bakote
Ñanyi bintu bimweka inge ke tuye na kukota?
Kabiji monai mutwe wa kuba’mba “Lutekenesho—Kukankalwa kwingila mingilo na mambo a kukolwa nangwa bukote”
-
Mashimikila a mu Baibolo:
-
Mus 12:1-8—Mu ñambilo ya nsansawilo, mfumu Solomone walumbulwile makatazho amo eya inge muntu wakota nabiji kubula kumona bulongo (“banabakazhi bakasumbilanga pa bipenze ne kukankalwa kumona na mambo a mfishi”) ne kubula kumvwisha (“nyimbo ya banabakazhi ikomvwanyikilanga munshi”)
-
Nanchi bakote bakonsha kwikala na lusekelo nangwa kya kuba babena kupita mu makatazho ne kukankalwa kwingila mingilo na mambo a bukote nyi?
-
Mashimikila a mu Baibolo:
-
1Sa 12:2, 23—Ngauzhi mukote aye Samwela wayukile buwame bwa kutwajijila kulombelangako bantu ba Yehoba
-
2Sa 19:31-39—Mfumu Davida wasanchijile bingi mukote aye Bazilai pa bukwasho bwanji. Bazilai wipelwile bingi kabiji wabuujile mfumu Davida amba kechi wafwainwe kwingijila mfumu mu Yelusalema ne, mambo wakotele
-
Sl 71:9, 18—Mfumu Davida waakaminwe’mba kyapwa Yehoba kechi ukamwingijishapo jibiji ne. Walangulukilenga bino mambo wimwene’mba wakota kabiji walombele kwi Yehoba kubula kuleka kumwingijisha
-
Luk 2:36-38—Ngauzhi wamukazhi Ana bamupesheshe na mambo a kutemwa Lesa ne pa bukishinka bwanji nangwa kya kuba wajinga mukote kabiji wafwijilwe
-
Yehoba umwesha byepi bakote amba wibanemeka bingi?
Sl 92:12-14; Man 16:31; 20:29; Is 46:4; Tit 2:2-5
-
Mashimikila a mu Baibolo:
-
Nt 12:1-4—Abalahama byo afikizhe myaka 75, Yehoba wamupeele mwingilo wakebewenga’mba afume mu kyalo kyanji ne kuya na kwikala ku kyalo kingi
-
Da 10:11, 19; 12:13—Malaika wapempwile ngauzhi Danyela wajinga na myaka 90. Malaika wamubuujile’mba wanema bingi kwi Yehoba kabiji bakakupesha pa bukishinka bobe
-
Luk 1:5-13—Yehoba wapesheshe Zekaliya ne Elisabeta bajinga bakote byo basemene mwana Yoano mu jishinda ja kukumya
-
Luk 2:25-35—Yehoba walengejile Shimeona mukote kumona lukeke ukekala Mesiasa. Shimeona waawile bungauzhi bwaambile pe Yesu
-
By 7:23, 30-36—Ngauzhi Mosesa wajinga na myaka 80 kimye Yehoba kyo amutongwele kutangijila bantu banji bena Isalela
-
Twafwainwa kulamanga byepi bakote ba kishinka?
-
Mashimikila a mu Baibolo:
-
Nt 45:9-11; 47:12—Yosefwa watumine muntu wa kuya na kusenda Shanji mukote aye Yakoba kabiji wamulamine kufikatu ne byo afwile
-
Lut 1:14-17; 2:2, 17, 18, 23—Luta wakwashishe bingi mwanamukazhi mukote aye Naomi mu byambo ne mu byubilo
-
Yoa 19:26, 27—Saka akyangye kufwa pa kichi kya lumanamo, Yesu wapeele mwingilo wa kulama bainanji ku mutumwa Yoano ye atemenwe bingi
-
Ñanyi mashinda amo o twafwainwa kwingijisha pa kukwasha balongo ne banyenga bakote baji mu kipwilo?