တၢ်အဒိအတဲာ်လၢ လံာ်စီဆှံပူၤ–

• စံၣ် ၁၂:၁-၈—စီၤၡလိၤမိၤ ကွဲးဝဲထါလၢအဘၣ်ဃးဒီး ဖဲပှၤတဂၤ သးပှၢ်ထီၣ်အခါ အတၢ်အိၣ်ဆူၣ်အိၣ်ချ့ တဂ့ၤလၢၤဘၣ်. အဒိ အတထံၣ်တၢ်ဆှဲဆှဲလၢၤဘၣ် (“ပိာ်မုၣ်တဖၣ် လၢအကွၢ်စိတၢ်လၢ ပဲတြီဖိန့ၣ် ကကွၢ်တၢ်ဖျါကဒုလီၤ”) ဒီးတနၢ်ဟူတၢ်ဂ့ၤဂ့ၤလၢၤဘၣ် (“ပိာ်မုၣ်ခဲလၢာ်လၢ အသးဝံၣ်တၢ်န့ၣ် အကလုၢ်ကလီၤစၢ်”).

တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁၂:၂, ၂၃—ဝံၡမူၤအ့လးန့ၣ် အသးပှၢ်ထီၣ်သနာ်က့ အသ့ၣ်ညါဝဲလၢ အကဘၣ် ဃ့ထုကဖၣ်န့ၢ်တၢ်လၢ ယဟိဝၤယွၤ အပှၤဂီၢ်မုၢ်တဖၣ်အဂီၢ်န့ၣ် မ့ၢ်တၢ်လၢအရ့ဒိၣ်ဝဲ.

• ၂ မူၤ ၁၉:၃၁-၃၉—စီၤဘၢ်စံးလဲန့ၣ် အသးပှၢ်လံသနာ်က့ စီၤပၤဒၤဝံး စံးဘျုးအီၤခီဖျိလၢ အသးတီဒီးအီၤအဃိ. ဒီးဖဲစီၤပၤဒၤဝံးအဲၣ်ဒိးလၢ အကမၤစၢၤတၢ်လၢ ဝ့ၢ်ယရူၤၡလ့ၣ်အခါ စီၤဘၢ်စံးလဲ တဲဝဲလၢ အသးပှၢ်လံအဃိ အမၤဝဲတန့ၢ်ဘၣ်.

• စံး ၇၁:၉, ၁၈—ဖဲစီၤပၤဒၤဝံး သးပှၢ်ထီၣ်အခါ အဘၣ်ယိၣ်လၢ အတကဲဘျုးလၢ ယဟိဝၤယွၤ အတၢ်မၤအပူၤလၢၤဘၣ်. အဃိ စီၤဒၤဝံးဃ့ဝဲလၢ ယဟိဝၤယွၤ ကဟ့ၣ်အီၤ တၢ်ဂံၢ်တၢ်ဘါဒ်သိး အကသိၣ်လိ ပှၤလၢခံတဖၣ်လၢ ယဟိဝၤယွၤအဂ့ၢ်.

• လူၤ ၂:၃၆-၃၈—ဝံမုၣ်နီၢ်အၣ်နၤ မ့ၢ်ဝဲမုၣ်ကမဲလၢအသးပှၢ်တဂၤ ဘၣ်ဆၣ် ကစၢ်ယွၤဆိၣ်ဂ့ၤအီၤ ခီဖျိလၢ အဟ့ၣ်လီၤအသး ဒီးမၤကစၢ်ယွၤတၢ်မၤ လၢတၢ်သးတီပူၤအဃိ.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၁၂:၁-၄—ဖဲစီၤအၤဘြၤဟၣ် သးအိၣ် ၇၅ နံၣ်န့ၣ် ယဟိဝၤယွၤ ဟ့ၣ်အီၤမူဒါလၢ အရ့ဒိၣ်ဒိၣ်မးတခါ.

•  ဒၤ ၁၀:၁၁, ၁၉; ၁၂:၁၃—ဖဲစီၤဒၤနံးယ့လး အိၣ်အနံၣ် ၉၀ အခါ မူခိၣ်ကလူးတဂၤ လဲၤလၢအအိၣ် ဒီးတဲဘၣ်အီၤလၢ ယဟိဝၤယွၤ ပာ်လုၢ်ပာ်ပှ့ၤနၤဒိၣ်မး ဒီးကဆိၣ်ဂ့ၤနၤ ခီဖျိလၢ နအိၣ်ဒီးတၢ်သးတီအဃိ.

•  လူၤ ၁:၅-၁၃—စီၤစဃၤရံ ဒီးနီၢ်အ့းလံၤစါဘ့း သးပှၢ်လံဘၣ်ဆၣ် ယဟိဝၤယွၤ ဆိၣ်ဂ့ၤအဝဲသ့ၣ် ဒီးဟ့ၣ်လီၤအဝဲသ့ၣ်လၢ ဖိခွါတဂၤ.

• လူၤ ၂:၂၅-၃၅—စီၤစူၤမ့းအိၣ် တဲဝဲဝံအတၢ်စံးပာ် ဘၣ်ဃးဒီး မ့းၡံအၤအဂ့ၢ်. ဖဲစီၤစူၤမ့းအိၣ် သးပှၢ်ထီၣ်အခါန့ၣ် ယဟိဝၤယွၤ ဒုးထံၣ်အီၤဖိသၣ်တဂၤလၢ အကဲထီၣ် မ့းၡံအၤ အဃိ စီၤစူၤမ့းအိၣ် သးခုဝဲဒိၣ်မး.

• မၤတၢ် ၇:၂၃, ၃၀-၃၆—ဖဲစီၤမိၤၡ့အိၣ်အနံၣ် ၈၀ အခါ ယဟိဝၤယွၤ ဃုထၢထီၣ်အီၤလၢ အကတီခိၣ်ရိၤမဲဝဲ ပှၤအံၣ်စရ့လးဖိတဖၣ်.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၄၅:၉-၁၁; ၄၇:၁၂—စီၤယိၤသး မၢအပါစီၤယၤကိာ် ဟဲအိၣ်ဒီးအီၤ ဒီးအဝဲကွၢ်ထွဲအပါ တုၤလၢအပါသံ.

• ရူၤ ၁:၁၄-၁၇; ၂:၂, ၁၇, ၁၈, ၂၃—နီၢ်ရူၤသး မၤစၢၤဝဲအမံၤပှၢ် နီၢ်နၤဧမံ ခီဖျိလၢ အတၢ်ကတိၤ ဒီးအတၢ်မၤ.

• ယိၤ ၁၉:၂၆, ၂၇—တချုးလၢ ယ့ၣ်ၡူးသံဒံးဘၣ်န့ၣ် အမၢဝဲအတၢ်မၢဖိယိၤဟၣ် ကွၢ်ထွဲက့ၤအမိ.