Ukurupe; Vakurupe
Yisinke ayi horoka ngomu tuna kukurupa?
Epis 71:9; 90:10
Tara hena “Ehengagwido—Nokuvhura si kurugana unene morwa kuvera ndi ukurupe”
-
Yihonena yomoBibeli eyi nayi tu vatera:
-
Muud 12:1-8—Hompa Saromo kwa singonona eyi ayi tu horokere ngomu tuna kukurupa, ngwendi kudira kumona nawa (“meho goge ngaga uvira”) ntani kudira kuzuvha ko nawa (‘ngo zuvha ko noudigu marusumo apa ngava ga dimba’)
-
Kuvhura vakurupe va kare noruhafo nampili ngomu pamwe ava dili nonkondo morwa ukurupe?
-
Yihonena yoBibeli eyi nayi tu vatera:
-
1Sam 12:2, 23—Muporofete Samwere apa ga kurupire ga divire omu ya kara nomulyo yokutwikira kukanderera po vantu vaJehova
-
2Sam 19:31-39—Hompa Ndafita kwa pandwire mukurupe Barasirayi kweyi ga mu kwatesere ko, ntani Barasirayi kwa linunupikire nokutantera hompa Ndafita asi kapi ta vhuru kuza nendi koJerusarema
-
Epis 71:9, 18—Apa hompa Ndafita ga kere nosinka asi Jehova kapi ana kumuruganesa hena unene morwa ukurupe, age kwa likwamberere Jehova a dire kumuzumba, nye a mu pe ko nonkondo yipo a vhure kuronga ava ngava ka kara ko
-
Ruk 2:36-38—Muporofete gomukadi Ana, mufisayendi gokukurupa kwa mu tungikire morwa ulimburukwi nelituromo lyendi
-
Ngapi omu Jehova ayi likida asi age kwa hara vakurupe?
Epis 92:12-14; Yis 16:31; 20:29; Jes 46:4; Tit 2:2-5
-
Yihonena yomoBibeli eyi nayi tu vatera:
-
Ge 12:1-4—Apa ga kere nonomvhura 75, Abirahamu kwa gwene situmbukira sokutunda kwaJehova esi sa tjindjire eparu lyendi
-
Ndan 10:11, 19; 12:13—Muengeli kwa monekerere muporofete Ndaniyera ogu ga kere nonomvhura 90, nokumutantera asi Jehova ga mu hara ntani asi nga mu futa morwa ulimburukwi wendi
-
Ruk 1:5-13—Jehova kwa tungikire Sakaliya naElisabeta moukurupe wawo, apa ga rugene sitetu mokuvaninka va rete Johanesa
-
Ruk 2:25-35—Jehova kwa tungikire Simiyoni pokumuninka a mone mukeke ogu ga ya kara Mesiyasa, ntani Simiyoni kwa porofetere kuhamena Mesiyasa
-
Yirug 7:23, 30-36—Muporofete Mosesa kwa kere nonomvhura 80 apa Jehova ga mu pere situmbukira sokupitisira vantu vendi, Vaisraeli
-
Ngapi omu natu tekura vakurupe wovalimburukwi?
-
Yihonena yomoBibeli eyi nayi tu vatera:
-
Ge 45:9-11; 47:12—Josefa kwa tumine va ka rete oguhwe Jakopo wokukurupa, ntani age kwava pakerere mbili dogoro konomfa dawo
-
Rutu 1:14-17; 2:2, 17, 18, 23—Rutu kwa pakerere mbili Naomi ogu ga kurupire, kupitira mononkango nomoyirugana
-
Joh 19:26, 27—Apa ga kere Jesus pepi nokufa, age kwa tanterere mupositoli Johanesa a pakere mbili ozina vaJesus
-
Yisinke natu rugana mokuvatera vakurupe mombungakriste?
Kuvhura o hafere hena
HONENA EPURO LYAWO
Rutu—“Nkenye oku ngo za, name yiko”
Morwasinke Rutu ga sigilire ekoro lyendi nosirongo sawo? Yikara musinke ga likidire eyi ya ninkisire Jehova a mu hare?
KUTUHAMENA
Tura mo ehundiro
Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.
