Ekyokulabirako okuva mu Bayibuli:

• Mub 12:​1-8​—Kabaka Sulemaani alaga ebimu ku bizibu omuntu by’afuna bw’agenda akaddiwa, gamba ng’obutalaba bulungi (“abakyala abalingiza mu madirisa nga tebakyalaba bulungi”) n’okuba nga takyawulira bulungi (“abawala bayimba mu ddoboozi ery’ekimpoowooze”)

• Laba ne “Okubudaabuda​—Okulemererwa okukola ebintu ebimu olw’obulwadde oba olw’okukaddiwa”

Ebyokulabirako okuva mu Bayibuli:

• 1Sa 12:​2, 23​—Nnabbi Samwiri akaddiye akimanyi nti kikulu nnyo okweyongera okusabira abantu ba Yakuwa

• 2Sa 19:​31-39​—Kabaka Dawudi asiima nnyo obuyambi bwa Baluzirayi akaddiye, era Baluzirayi ayoleka obwetoowaze bw’agamba kabaka nti tasobola kuweereza mu lubiri e Yerusaalemi

• Zb 71:​9, 18​—Kabaka Dawudi bw’alowooza nti ayinza obutaba wa mugaso ng’akaddiye, yeegayirira Yakuwa obutamwabulira, wabula amuwe amaanyi asobole okubuulira omulembe oguliddawo ebikwata ku Yakuwa

• Luk 2:​36-38​—Nnabbi omukazi Ana akaddiye era nnamwandu, aweebwa emikisa olw’okwemalira ku Yakuwa n’olw’okumuweereza n’obwesigwa

Ebyokulabirako okuva mu Bayibuli:

• Lub 12:​1-4​—Ibulayimu bw’aba alina emyaka 75, Yakuwa amuwa obuvunaanyizibwa obukyusiza ddala obulamu bwe

• Dan 10:​11, 19; 12:13​—Danyeri bw’aba alina emyaka nga 90, malayika amulabikira n’amukakasa nti wa muwendo nnyo eri Yakuwa era nti ajja kuweebwa empeera olw’obwesigwa bwe

• Luk 1:​5-13​—Yakuwa asobozesa Zekkaliya ne Erizabeesi abakaddiye okuzaala omwana mu ngeri ey’eky’amagero

• Luk 2:​25-35​—Yakuwa awa Simiyoni akaddiye enkizo okulaba omwana omuwere ajja okufuuka Masiya; Simiyoni ayogera obunnabbi obukwata ku mwana oyo

• Bik 7:​23, 30-36​—Yakuwa awa nnabbi Musa ow’emyaka 80 obuvunaanyizibwa obw’okukulembera abantu be Abayisirayiri

Ebyokulabirako okuva mu Bayibuli:

• Lub 45:​9-11; 47:12​—Yusufu atumya kitaawe Yakobo akaddiye era amulabirira okutuusa lw’afa

• Lus 1:​14-17; 2:​2, 17, 18, 23​—Ebyo Luusi by’ayogera ne by’akolera Nawomi akaddiye biraga nti amufaako

• Yok 19:​26, 27​—Yesu bw’aba ali ku muti ogw’okubonaabona ng’anaatera okufa, agamba omutume Yokaana okulabirira maama we