Ndiko motudore gi wachno:

• Ekl 12:1-8​—Ruoth Solomon nowuoyo e wi moko kuom chandruoge ma biroga sama ng’ato obedo moti, kuom ranyisi, wengegi ok nen maber (“nyiri ma ng’icho gie dirisa noyud ka piny oyuso”) kendo itgi ok winj wach (“dwond nyiri ma wer ok nowinjre malong’o”)

Ndiko motudore gi wachno:

• 1Sa 12:2, 23​—Kata obedo ni janabi Samuel ne oseti, nong’eyo ni lemo ne jotich Jehova ne en gima dwarore ahinya

• 2Sa 19:31-39​—Ruoth Daudi ne omor gi kaka Barzilai ne omakore kode, kata kamano, ka ne Daudi okwaye mondo odhi kode Jerusalem, Barzilai ne obolore kendo ne onyiso ruoth ni ne ok onyal timo mathoth nikech noseti

• Za 71:9, 18​—Ka ne Ruoth Daudi osebedo moti, noluor nikech noparo ni koro en ng’at manono e wang’ Jehova, omiyo ne okwayo Jehova mondo odhi nyime tiyo kode kendo omiye teko mar puonjo wachne ne tieng’ ma luwo

• Luk 2:36-38​—Janabi ma dhako miluongo ni Hana ne en chi liel kendo ne osebedo moti, kata kamano, Jehova noguedhe nikech ne ochiwore tiyone gi chunye duto

Ndiko motudore gi wachno:

• Cha 12:1-4​—Ka ne Ibrahim jahigni 75, Jehova nonyise ni otim gima ne dhi loko ngimane

• Dan 10:11, 19; 12:13​—Malaika nolimo janabi Daniel ma koro hike nosekalo 90, kojiwe ni Jehova ohere ahinya kendo ni obiro guedhe nikech nomakore kode

• Luk 1:5-13​—Kata obedo ni Zekaria gi Elizabeth ne oseti, Jehova noguedhogi ma ginyuolo Johana e yor hono

• Luk 2:25-35​—Kata obedo ni Simeon ne oseti, Jehova ne omiye thuolo mar neno nyathi ma bang’e ne dhi bedo Mesia kendo nokoro weche moko kuome

• Tic 7:23, 30-36​—Janabi Musa ne en jahigni 80 ka ne Jehova omiye migawo mar tayo Jo-Israel

Ndiko motudore gi wachno:

• Cha 45:9-11; 47:12​—Josef ne oomo wuon-gi ma ne oseti mondo odag kode Misri, kendo norite maber nyaka thone

• Rut 1:14-17; 2:2, 17, 18, 23​—Ruth nokonyo Naomi ma koro hike ne ng’eny, kendo nojiwe kokalo kuom wechene kod timbene

• Joh 19:26, 27​—Kinde matin ka pok Yesu otho, ne omiyo Johana ting’ mar rito min-gi ma ne koro osechako ti