Kʋʋlem, Sẽn kʋʋl-bã
D sã n kʋʋndẽ, bõe n maande?
Ges-y “Belsgo: Bãag wall yʋʋm sẽn vẽsgd sã n kɩt tɩ d pa le tõe n tʋm wʋsgo.”
-
Biiblã kibay sẽn tõe n sõng-yã:
-
Koɛ. 12:1-8: Rĩm a Salomo tũnuga ne gom-nood n bilg kʋʋlmã sẽn wat ne zu-loees ninsã, n yeel tɩ ninã wat n menemame (“tɩ zĩigã lebg lik ne pagb nins sẽn da be fenetaẽ wã n lɩkdẽ wã”), la tɩ tʋbã pa le wʋmd sõma ye (“tɩ kom-pugli nins sẽn da yɩɩndã fãa koees pãng boogã”)
-
Sẽn kʋʋl-bã tõe n kell n talla b sũ-noogã, baa ne zu-loees nins kʋʋlmã sẽn wat ne wã bɩ?
-
Biiblã kibay sẽn tõe n sõng-yã:
-
1 Sãm. 12:2, 23: No-rɛɛs a Sãmwɛll sẽn da kʋʋl wʋsgã ra miime tɩ tara yõod wʋsg t’a ket n pʋʋsd a Zeova nin-buiidã yĩnga.
-
2 Sãm. 19:31-39: Rĩm a Davɩɩd baoome n na n wilg nin-kẽem a Barzilayi t’a sũur nooma ne-a, a sẽn da sõngd-a ne a sũur fãa wã, la a Barzilayi sika a meng n yeel rĩmã t’a pa le tõe n tʋm na-yirã a sẽn kʋʋl wʋsgã yĩnga.
-
Yɩɩn. 71:9, 18: Rĩm a Davɩɩd sẽn da yɛɛsd t’a sã n wa kʋʋl a pa na n le tall yõod wʋsg a Zeova nifẽ wã yĩnga, a kos-a lame t’a ra raag-a n base, la t’a kõ-a pãng t’a tõog n sõng zãmaan ning sẽn watã neb tɩ b bãng-a sõma.
-
Luk 2:36-38: No-rɛɛs poak a Ann sẽn da yaa pʋg-kõor sẽn kʋʋlã paama barka, a sẽn da tʋmd a Zeova tʋʋmdã ne a sũur fãa wã yĩnga.
-
Wãn to la a Zeova wilgd sẽn kʋʋl-bã t’a nand-b lame?
Yɩɩn. 92:12-14; Yel. 16:31; 20:29; Eza. 46:4; Tɩt 2:2-5
-
Biiblã kibay sẽn tõe n sõng-yã:
-
Sɩng. 12:1-4: A Abrahaam sẽn wa n tar yʋʋm 75, a Zeova tʋm-a lame, tɩ ra baood t’a yi n bas a ba-yirã n tɩ zĩnd sãand a yõor tɛka.
-
Dãn. 10:11, 19; 12:13: No-rɛɛs a Dãniyɛll sẽn wa n tar yʋʋm 90, malɛk n wa a nengẽ, n yeel-a t’a yaa ned a Zeova sẽn nand wʋsgo, la t’a Zeova na n keo-a-la a wẽn-sakrã yĩnga.
-
Luk 1:5-13: A Zeova ninga a Zakari ne a pag a Elizabɛt fãa sẽn da kʋʋlã bark tɩ b paam bi-ribla, n pʋd a yʋʋr t’a Zã.
-
Luk 2:25-35: A Zeova kɩtame tɩ nin-kẽem a Sɩmeyõ paam n yã bi-pɛɛlg ning sẽn da na n wa yɩ Mesi wã, la a togs bãngr-gomd biigã wɛɛngẽ.
-
Tʋʋ. 7:23, 30-36: A Zeova sẽn wa n yãk a Moyiiz t’a na n lʋɩ Israyɛll nebã taoorã t’a ra tara yʋʋm 80.
-
D manesem segd n yɩɩ wãn ne neb nins sẽn kʋʋl n ket n tũud a Zeova ne b sũy fãa wã?
-
Biiblã kibay sẽn tõe n sõng-yã:
-
Sɩng. 45:9-11; 47:12: A Zozɛf tʋmame tɩ b tɩ tall a ba wã sẽn da kʋʋlã n wa, t’a ges a yell hal n tãag a kũum.
-
Rut 1:14-17; 2:2, 17, 18, 23: A Rut sõnga a Naomi sẽn da kʋʋlã, ne a no-goam la ne a tʋʋm-tʋmdɩ wã.
-
Zã 19:26, 27: A Zeezi sẽn wa n be ra-lukã zugã, a yeela a Zã sẽn da yaa tẽn-tʋmd ning a sẽn da nong wʋsgã t’a yõd n ges a ma wã yelle.
-
Bõe la d tõe n maan n sõng tigingã neb nins sẽn kʋʋlã?
Découvrez aussi…
A ZEEZI YAA SORE, LA SƖDA, LA VƖƖM
Biig ning b sẽn da togs t’a watame wã
A Zozɛf ne a Maari sẽn tall b biigã n kẽng wẽnd-doogẽ wã, Israyɛll neb a yiib sẽn kʋʋl n gom tʋʋmd ning a Zeezi sẽn na n tʋmã yelle.
TALL-Y B TẼEBÃ BUUDU
A Rut: “Zĩig ninga fo sẽn na n kẽngã, ma-me na n kẽnga be”
Bõe yĩng t’a Rut ra tʋll n bas a tẽngã la a zakã rãmb n tũ a Naomi? Zʋg-sõma bʋs la a tall-yã, t’a Zeova ra nong-a?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
