Uukulupe; Aakokele
Oshike hashi ningwa po, sho tatu kulupa?
Eps 71:9; 90:10
Tala wo oshitopolwa: “Ehekeleko — Omangambeko omoluuvu nenge uukulupe”
Iiholelwa yopaMbiimbeli mbyoka tayi vulu oku ku kwathela:
Omuuv 12:1-8 — Omukwaniilwa Salomo okwa yelitha kombinga yuupyakadhi mboka hawu etithwa kuukulupe, ta popi momukalo gwokatewo, ngaashi okwaamona ko nawa (okwa ti: “naamboka taye entamene momakende taa kala momilema”) kombinga yokwaauva ko nawa (okwa ti: “omawi agehe oga gogoma”)
Mbela aakulupe otaya vulu okukala ya nyanyukwa, nonando oye na omangambeko ngoka haga etithwa kuukokele?
2Kor 4:16-18; Jak 1:2-4
Iiholelwa yopaMbiimbeli mbyoka tayi vulu oku ku kwathela:
1Sam 12:2, 23 — Omuhunganeki omukokele, Samuel, okwa li e shi kutya osha simana okutsikila okugalikana, pehala lyoshigwana shaJehova
2Sam 19:31-39 — Omukwaniilwa David okwa li a pandula noonkondo omukokele Barsillai, sho e mu yambidhidha nuudhiginini; Barsillai okwa li a zimine neifupipiko kutya ita vulu okuyakula omukwaniilwa, omolwomangambeko ge
Eps 71:9, 18 — Sho omukwaniilwa David a li ta dhiladhila kutya ke na we oshilonga kuJehova molwaasho a kulupa, okwa li a pula Jehova e mu pe oonkondo, opo a vule okulonga oluvalo lwokomeho kombinga yaJehova
Luk 2:36-38 — Omuhunganeki Hanna, omuselekadhi omukokele, okwa li a yambekwa, omolwiilonga ye yuudhiginini
Jehova oha shilipaleke ngiini aakulupe kutya oku na ko nasha nayo?
Eps 92:12-14; Omayel 16:31; 20:29; Jes 46:4; Tit 2:2-5
Iiholelwa yopaMbiimbeli mbyoka tayi vulu oku ku kwathela:
Gen 12:1-4 — Sho Abraham a li e na omimvo 75, Jehova okwa li e mu pe oshinakugwanithwa shoka tashi mu pula a thige po oshilongo shawo
Dan 10:11, 19; 12:13 — Omuyengeli okwa li i ihololele omuhunganeki Daniel, pethimbo e na omimvo 90 nasha, noku mu shilipaleka kutya oku na ondilo momeho gaJehova nosho wo kutya ota ka lalekwa nuuyamba, omoluudhiginini we
Luk 1:5-13 — Jehova okwa li a yambeke omukokele Sakaria naElisabet nokanona kokamati pashikumithalonga, kedhina Johannes
Luk 2:25-35 — Jehova okwa li a pe omukokele Simeon uuthembahenda wokumona okahanona, hoka ka li taka ka ninga Mesiasa, na Simeon okwa li a hunganeke kombinga yako
Iil 7:23, 30-36 — Omuhunganeki Moses okwa li e na omimvo 80, sho Jehova e mu ningi omuwiliki gwoshigwana she, Israeli
Otu na okuungaunga ngiini naakokele aadhiginini?
Lev 19:32; 1Tim 5:1
Iiholelwa yopaMbiimbeli mbyoka tayi vulu oku ku kwathela:
Gen 45:9-11; 47:12 — Josef okwa li a tumu ko he, Jakob, e ye a kale naye, nokwa kala te mu sile oshimpwiyu sigo a si
Rut 1:14-17; 2:2, 17, 18, 23 — Rut okwa li a yambidhidha omukiintu omukokele, Naemi, e shi ningi moohapu nomiilonga
Joh 19:26, 27 — Sho Jesus a li pokusa komuti gwomahepeko, okwa li a lombwele omuyapostoli Johannes ngoka a li e hole, a sile yina oshimpwiyu
Omomikalo dhilwe dhini Aakriste taya vulu okukwathela aakokele megongalo?
1Tim 5:3-5, 8-10, 16; Jak 2:14-17