Emyaka y’Obukulu; Abakulire
Bikabya biti tukaghenda tukakula?
Esy 71:9; 90:10
Lebaya na “Erikirania—Eritaluka erikola bingyi busana n’endwala kutse busana n’erikula”
-
Eby’erileberyako ebiri omo Biblia:
-
Omu 12:1-8—Omwami Solomona mwakolesya ehisimo akakania oko myatsi milebe eyikahikira abasyakulu n’abakekulu, ng’eritendisyalangira ndeke (“abandu abakasamalira eyihya omo lidirisa basyahirwa kw’omwirimya”) n’eritendisyowa ndeke (“abali bosi b’eriimba basyakehya emirenge yabo”)
-
Abasyakulu n’abakekulu banganabya ibanatsemire nibya ibanemulaba omo maligho n’erilemererwa ebikasa busana n’emyaka yabo?
-
Eby’erileberyako ebiri omo Biblia:
-
1Sa 12:2, 23—Omuminyereri Samweli iniabiribya musyakulu, abya inianasi ngoko ni ky’endundi eriyitsinga erisabira abandu ba Yehova
-
2Sa 19:31-39—Omwami Daudi mwasima omusyakulu ye Barzilai kundi mwamuwatikya butaluha, na Barzilai naye mwayiminya lulengo amabwira omwami ati syangatoka eriyamukolera e Yerusalema
-
Esy 71:9, 18—Omwami Daudi mwasagha ati alinga Yehova syangatasyamukolesya busana n’obusyakulu, neryo mwasaba Yehova ati syamulekeranaye aliwe amuhe amaka atoke erikanirya ekizazi kilere oko Yehova
-
Luk 2:36-38—Omuminyerere w’obukali ye Ana abya mukwakali. Mwatsumulwa busana n’eryanza oMungu n’erimukolera butaleghula
-
Yehova akakanganaya ati ngoko atsomene abakekeluhire?
Esy 92:12-14; Em 16:31; 20:29; Isa 46:4; Tit 2:2-5
-
Eby’erileberyako ebiri omo Biblia:
-
Enz 12:1-4—Abrahamu inianawite myaka 75, Yehova mwamuha omubiiri owamusaba erihumira omo kindi kihugho n’eribindula engebe yiwe
-
Dan 10:11, 19; 12:13—Omuminyereri Danieli inianawite emyaka nga 90, omumalaika mwamulenderera akasyamubwira ngoko Yehova akamulangira mo w’obughuli kandi ngoko akendisyabana ekihembo busana n’obutaleghula
-
Luk 1:5-13—Yehova mwakola ekitiko-tiko, amatsumula omusyakulu Zekaria n’omukekulu wiwe Elizabeti, bamabuta omwana ye Yohana
-
Luk 2:25-35—Yehova mwahererya omusyakulu Simeoni olusunzo lw’erilola oko lumekeke olukendisyabya Masiya. Simeoni mwabugha obuminyereri obulebirye omwana oyo
-
Mib 7:23, 30-36—Omuminyereri Musa abya awite emyaka 80 omughulu Yehova amusombola erisondola abandu biwe, Abaisraeli
-
Abakekulu n’abasyakulu abateleghula litolere itwabakolera tuti?
-
Eby’erileberyako ebiri omo Biblia:
-
Enz 45:9-11; 47:12—Yozefu mwatumira oko tata wiwe ye Yakobo, oyuwabya iniabiribya musyakulu. Mwasulubirira Yakobo erihika oko luholo
-
Rut 1:14-17; 2:2, 17, 18, 23—Ruta mwawatikya omukekulu Naomi, omo binywa n’omo mikolere
-
Yoh 19:26, 27—Yesu iniane oko muti, mwabwira omukwenda Yohana oyo abya anzire kutsibu ati asulubirire mama wiwe
-
Ni myatsi nga yahi eyo twangakola eriwatikya abakekulu n’abasyakulu abali omo ndeko?
