Baebolo kɛlɛtokɛ mɔɔ boa:

• No 12:​1-8—Belemgbunli Sɔlɔmɔn hanle ninyɛne mɔɔ yɛlɛnyi a ɔto yɛ le kɛ ɛnyelɛ mɔɔ ɛnnwu debie kpalɛ (‘mbɛlɛra mɔɔ nea nvɛnzɛlɛ ne anu la anye zo yɛ bɛ kisii’) nee ɛnzolɛ mɔɔ ɛnde edwɛkɛ kpalɛ (‘mraalɛ mɔɔ to edwɛne la kɔsɔɔti ane ka aze’) la anwo edwɛkɛ

Baebolo kɛlɛtokɛ mɔɔ boa:

• 1Sa 12:​2, 23—Ɛnee ngapezonli Samoɛle mɔɔ ɛyɛ kpanyinli la ze kɛ ɔhyia kɛ ɔkɔ zo ɔsɛlɛ ɔmaa Gyihova menli ne

• 2Sa 19:​31-39—Belemgbunli Devidi anye zɔle kɛzi Bazelae mɔɔ ɛyɛ kpanyinli la vale nɔhalɛlilɛ boale ye la, na Bazelae bɛlɛle ɔ nwo aze na ɔliele ɔdole nu kɛ ɔnrɛhola ɔnrɛyɛ dɔɔnwo ɔnrɛboa belemgbunli ne bieko

• Ed 71:​9, 18—Kɛmɔ ɛnee Belemgbunli Devidi sulo kɛ yeyɛ kpanyinli na ɔ nwo ɛnlɛ nvasoɛ ɛmmaa Gyihova la ati, ɔzɛlɛle ye kɛ ɔmmakpo ye, emomu ɔmaa ye anwosesebɛ ɔmaa ɔha ɔ nwo edwɛkɛ ɔhile awolɛndoazo fofolɛ

• Lu 2:​36-38—Bɛyilale ngapezonli raalɛ Ana wɔ ye tunwomaa ɛzonlenlɛ nee ye nɔhalɛlilɛ ne anwo

Baebolo kɛlɛtokɛ mɔɔ boa:

• Gyn 12:​1-4—Mɔɔ Ebileham lile ɛvolɛ 75 la, Gyihova maanle ye gyima bie mɔɔ maanle ɔdule ɔvile ye sua zo bɔkɔɔ la

• Da 10:​11, 19; 12:13—Anwumabɔvolɛ bie rale ngapezonli Daneɛle mɔɔ yebo ɛvolɛ 90 la ɛkɛ, na ɔhanle ɔhilele ye kɛ ɔsonle bolɛ ɔmaa Gyihova na ɔbanyia ye nɔhalɛlilɛ ne anwo ahatualɛ

• Lu 1:​5-13—Gyihova yilale Zɛkalaya nee Ɛlezabɛte mɔɔ bɛyɛ mgbanyinli la ɔmaanle bɛwole Dwɔn

• Lu 2:​25-35—Gyihova maanle Semɛyɔn mɔɔ ɛyɛ kpanyinli la nyianle nwolɛ adenle nwunle adɔma ne mɔɔ bayɛ Mɛzaya ne la; Semɛyɔn hanle ɔ nwo ngapezo

• Gyi 7:​23, 30-36—Mɔɔ ngapezonli Mosisi lile ɛvolɛ 80 la, Gyihova maanle ɔyɛle ye menli Yizilayɛma adekilevolɛ

Baebolo kɛlɛtokɛ mɔɔ boa:

• Gyn 45:​9-11; 47:12—Dwosefi maanle bɛhɔvale ye papa Gyekɔbo mɔɔ ɛyɛ kpanyinli la bɛrale, na ɔnleanle ye too ɔhɔle ewule nu

• Wut 1:​14-17; 2:​2, 17, 18, 23—Wulutu luale ye edwɛkɛhanlɛ nee ye nyɛleɛ zo boale Nawome mɔɔ ɛyɛ kpanyinli la

• Dwɔn 19:​26, 27—Mɔɔ Gyisɛse henda baka ne azo na ɔlɛwu la, ɔvale ye mame ɔwulale ɛzoanvolɛ Dwɔn mɔɔ ɔkulo ye edwɛkɛ la asa anu