Behes; Hende di Edat
Kiko ta pasa segun ku nos edat ta subi?
Wak tambe “Konsuelo—Ora nos no por hasi mes tantu ku nos ta deseá debí na malesa òf edat avansá”
-
Ehèmpel di Beibel:
-
Ekl 12:1-8—Usando palabra poétiko, Rei Sálomon a papia di algun difikultat ku behes ta trese kuné, por ehèmpel, bista ku ta bai atras (“e señoranan ku ta wak for di bentana no ta mira bon mas”) i orea ku no ta tende bon mas (“stèm di e yu muhénan ku ta kanta ta zona leu ayá”)
-
Un persona di edat por keda ku su goso apesar di prueba i e limitashonnan ku ta bini ku edat avansá?
-
Ehèmpel di Beibel:
-
1Sá 12:2, 23—Profeta Sámuèl, kende ya tabata di edat avansá, tabata sa ku ta masha importante pa e sigui hasi orashon pa e pueblo di Yehova
-
2Sá 19:31-39—Rei David a keda masha kontentu ku Barzilai, un hòmber di edat avansá, a apoy’é lealmente. Ora David a pidié pa bai Herúsalèm kuné, humildemente Barzilai a nenga pasobra e tabata konsiente di su limitashonnan
-
Sl 71:9, 18—Ora Rei David a bira bieu, e no tabata ke pa Yehova stòp di us’é. P’esei, el a pidi Yehova pa no bent’é afó, sino pa Yehova dun’é forsa pa e por a siña e siguiente generashon tokante Yehova
-
Luk 2:36-38—Profeta Ana tabata un biuda di edat avansá. Yehova a bendishon’é pasobra e tabata sirbi Yehova fielmente
-
Kon Yehova ta mustra hende di edat ku nan ta balioso p’e?
Sl 92:12-14; Pro 16:31; 20:29; Isa 46:4; Tit 2:2-5
-
Ehèmpel di Beibel:
-
Gén 12:1-4—Ora Ábraham tabatin 75 aña di edat, Yehova a dun’é un asignashon ku a kambia su bida
-
Dán 10:11, 19; 12:13—Tempu ku Profeta Dánièl tabatin mas ku 90 aña di edat, un angel a bai serka dje pa sigur’é ku Yehova tabata stim’é mashá i ku Yehova lo a bendishon’é pa su fieldat
-
Luk 1:5-13—Tempu ku Zakarías ku Elísabèt tabata di edat avansá, Yehova a bendishoná nan. Milagrosamente, el a laga nan haña un yu hòmber, ku tabata yama Huan
-
Luk 2:25-35—Yehova a duna Símeòn, un hòmber di edat avansá, e privilegio di mira e bebi ku lo a bira Mesías. Despues, bou di inspirashon, Símeòn a profetisá tokante e bebi
-
Ech 7:23, 30-36—Profeta Moises tabatin 80 aña ora Yehova a skoh’é komo lider di Su pueblo Israel
-
Kon nos mester trata nos fiel rumannan di edat?
-
Ehèmpel di Beibel:
-
Gén 45:9-11; 47:12—Yósef a manda buska su tata, Yákòb, kende tabata di edat avansá. Yósef a pèrkurá pa su tata te dia su tata a fayesé
-
Rut 1:14-17; 2:2, 17, 18, 23—Rut a yuda i animá Noemí, kende tabata un señora di edat
-
Hua 19:26, 27—Nèt promé ku Hesus a muri, el a pidi su bon amigu Apòstel Huan pa sigui kuida su mama, Maria, ku tabata di edat avansá
-
Kon nos por yuda e rumannan di edat den nos kongregashon?