Gifezegeselo gidi mu Biblia giajiya gugukuatesa:

• Mulo 12:1-8​—Fumu Salomo wasonegele malamba ana buila muthu gula wakola, gifua gufua gua meso, (‘akhetu adi mutala ha fenetre adi mumona phipha gu meso’) nu gufua gua matshui (‘ana a akhetu ana yimba ngimbo ahuila’)

Ifezegeselo idi mu Biblia yajiya gugukuatesa:

• 1Sam 12:2, 23​—Hakhalele profete Samuele muthu wa gukola, wakhalele mujiya egi idi nu ndando ha gulandula gukombelela mukunda nu akombeledi a Yehowa

• 2Sam 19:31-39​—Fumu Davidi watshiginyile guya nu Barzilayi ha gumuhana lutumbu mukunda nu ndaga jiabonga jiakalegele muene, uvi Barzilayi wakhalele muthu wa gudibulumuisa, wawamblele Davidi egi gashigo nu luholo lua guya n’enji gu Yelusalema

•  Ngi 71:9, 18​—Tangua Fumu Davidi wabuile muthu wa gukola, wavile woma ha gutangiza egi gashigo luko nu funu gu meso a Yehowa, hene watogele egi gamubembigo, uvi amuhane ngolo hagula wajiya gulongesa gindongo gidi muza malongo a Yehowa

• Luk 2:36-38​—Profete Ana wakhalele muthu wa gukola, wakhalele nji mukhetu wa gafunda, uvi wahetele gubonga handaga wakhalele ya gujinginyina gudi Yehowa nu gu mudimo wenji

Ifezegeselo idi mu Biblia yajiya gugukuatesa:

• Gis 12:1-4​—Tangua Abalahama wakhalele nu ivo 75, Yehowa wamutogele ha gukatuga mu dimbo dienji ha guya mukhala mu gifutshi giko

• Dan 10:11, 19; 12:13​—Hakhalele profete Danyele nu ivo 90, muanjelo wajile gumuwambela egi udi nu ndando gu meso a Yehowa, nu mbawushimbigiwa mukunda nu gujinginyina guenji

• Luk 1:5-13​—Yehowa washimbigile Zakaliya nu Elizabete hakhalele ene athu a gukola ha guvuala mona mu luholo lua gushimana

• Luk 2:25-35​—Simeone wakhalele muthu wa gukola tangua Yehowa wamuhanele luendu lua gumona muthu mbawubua Masiya; Simeone wazuelele profesi mukunda nu mona muene

• Mkl 7:23, 30-36​—Moize wakhalele nu ivo 80 tangua Yehowa wamubuishile mutuameji wa enya Isalele

Ifezegeselo idi mu Biblia yajiya gugukuatesa:

• Gis 45:9-11; 47:12​—Yozefe watamegele sh’enji Yakoba hakhalele muene muthu ya gukola, wamukuatesele uu nu gu gufua guenji

• Luta 1:14-17; 2:2, 17, 18, 23​—Hakhalele Naomi muthu wa gukola, Luta wamukuatesele mu makalegelo nu mu mbimbi jienji

• Yon 19:26, 27​—Hakhalele Yesu hehi nu gufua ha mutshi wa lamba, wabembele gin’enji ha mago a mupostolo Yone