بڑھاپا/وڈیرے لوک
جیویں جیویں ساڈی عمر ودھدی اے، ساڈے نال کیہہ ہوندا اے؟
زبور 71:9؛ 90:10
”تسلی—بیماری تے بڑھاپے دی وجہ توں زیادہ نہ کر سکنا“ نُوں وی ویکھو۔
-
پاک کلام چوں مثال:
-
واعظ 12:1-8—سلیمان نے شاعرانہ انداز چ بڑھاپے چ آن والیاں مشکلاں بارے دَسیا جیویں کہ بڑھاپے چ نظر کمزور ہو جاندی اے (جیہڑیاں عورتاں کھڑکیاں چوں ویکھدیاں نیں، اوہناں نُوں دُھندلا نظر آن لگے) تے گھٹ سُنائی دیندا اے (نغمے دِیاں ساریاں دِھیاں دی آواز گھٹ ہو جائے)۔
-
کیہہ وڈیرے لوک مسئلیاں تے بڑھاپے دِیاں مشکلاں دے باوجود خوش رہ سکدے نیں؟
2-کُرنتھیوں 4:16-18؛ یعقوب 1:2-4
-
پاک کلام چوں کجھ مثالاں:
-
1-سموئیل 12:2، 23—سموئیل نبی بڑھاپے چ وی ایس گل نُوں چنگی طرحاں سمجھدا سی کہ یہوواہ دے بندیاں دی خاطر دُعا کردے رہنا بوہت ضروری اے۔
-
2-سموئیل 19:31-39—بادشاہ داؤد برزِلّی دی وفاداری لئی اوہدا بڑا شکرگزار سی۔ برزِلّی نے بڑی خاکساری نال منیا کہ اوہ وڈیرا ہون دی وجہ توں یروشلم چ بادشاہ داؤد دے زیادہ کم نئیں آ سکے گا۔
-
زبور 71:9، 18—جدوں بادشاہ داؤد بُڈھا ہو گیا تے اوہ ایس گلوں بوہت پریشان ہو گیا کہ اوہ پہلاں وانگوں یہوواہ دی خدمت نئیں کر سکے گا۔ ایس لئی اوہنے دُعا کیتی کہ یہوواہ اوہنوں آن والیاں نسلاں نُوں اوہدے بارے دَسن دی طاقت دَوے۔
-
لُوقا 2:36-38—حناہ نبِیّہ اِک بیوہ سی تے بوہت وڈیری سی۔ یہوواہ نے اوہنوں اوہدی وفاداری دا انعام دِتا۔
-
یہوواہ وڈیرے لوکاں نُوں ایہہ یقین کیویں دَواندا اے کہ اوہ اوہناں دی بڑی قدر کردا اے؟
زبور 92:12-14؛ اَمثال 16:31؛ 20:29؛ یسعیاہ 46:4؛ طِطُس 2:2-5
-
پاک کلام چوں کجھ مثالاں:
-
پیدائش 12:1-4—جدوں ابراہام 75 سال دا ہویا تے یہوواہ نے اوہنوں اِک ایہو جیہا کم دِتا جدی وجہ توں اوہدی زندگی بدل گئی۔ اوہنوں اپنا گھر ہمیشاں ہمیشاں لئی چھڈنا پیا۔
-
دانیایل 10:11، 19؛ 12:13—دانیایل اوہدوں 90 سال دا سی جدوں اِک فرشتہ اوہدے کول آیا تے اوہنوں دَسیا کہ اوہ یہوواہ دِیاں نظراں چ بوہت انمول اے تے یہوواہ اوہنوں اوہدی وفاداری دا انعام ضرور دَوے گا۔
-
لُوقا 1:5-13—زِکریاہ تے الیشبع وڈیرے سن جدوں یہوواہ نے اِک معجزے دے ذریعے اوہناں نُوں اِک پُتر دِتا۔
-
لُوقا 2:25-35—یہوواہ نے شمعون نُوں اوہدے بڑھاپے چ مان بخشیا۔ اوہنوں اوس بچے نُوں ویکھن دا موقع مِلیا جنہے اَگے چل کے مسیح بننا سی۔ شمعون نے ایس بچے بارے بڑی زبردست پیشینگوئی کیتی۔
-
اعمال 7:23، 30-36—موسیٰ اوہدوں 80 سال دا سی جدوں یہوواہ نے اوہنوں اپنے لوکاں دی رہنمائی کرن دی ذمےداری دِتی۔
-
سانوں وڈیرے لوکاں نال کیہو جیہا سلوک کرنا چاہی دا اے؟
احبار 19:32؛ 1-تیمُتھیُس 5:1
-
پاک کلام چوں کجھ مثالاں:
-
پیدائش 45:9-11؛ 47:12—یوسف نے اپنے وڈیرے پیو نُوں اپنے کول بلا لیا۔ اوہنے اپنے پیو دے مرن تک اوہدا خیال رکھیا۔
-
رُوت 1:14-17؛ 2:2، 17، 18، 23—رُوت نے اپنی وڈیری سّس نُوں اپنیاں گلاں تے کماں نال تسلی تے سہارا دِتا۔
-
یوحنا 19:26، 27—جدوں یسوع سُولی تے بڑی تکلیف چ سی تے مرن والا سی تے اوہنے اپنی ماں دا خیال رکھن دی ذمےداری اپنے پیارے رسول یوحنا نُوں دِتی۔
-
کلیسیا دے بھین بھرا کیہڑے کیہڑے طریقیاں نال وڈیرے بھین بھراواں دی مدد کر سکدے نیں؟
1-تیمُتھیُس 5:3-5، 8-10، 16؛ یعقوب 2:14-17
ایہہ وی ویکھو
ساڈے بارے معلومات
یہوواہ دے گواہواں نُوں مِلن لئی درخاست گھلو
بائبل چوں کسے سوال تے گلبات کرو یاں فیر یہوواہ دے گواہواں بارے ہور جانو۔
