Ñucanchijta ayudangapaj ejemplocuna:

• Ec 12:1-8, NWT. Rey Salomonca mayoryashpa shuj canto shinapimi ima tucushcata intindichirca. Paica: ‘Ventanacunamanta ricujcunapish amsatami ricunga’ nircami. Chashna nishpami mayorllacunapaj ñahui mana alli ricui tucushcata intindichirca. Shinallataj mayorllacuna ña mana tanto uyai pudishcata ricuchingapajca “ushushicuna cantajpipish paicunapaj cantoca ashallami uyaringa” nircami.

Ñucanchijta ayudangapaj ejemplocuna:

• 1Sa 12:2, 23. Profeta Samuel mayorlla cashpapish Jehová Diosta sirvijcunamanta mañashpa catina importante cashcatami reconocirca.

• 2Sa 19:31-39. Rey David Barzilaita Jerusalenpi sirvichun mañajpica paica ña mayorlla cashcamanta imata mana ashtahuan rurai tucushcatami nirca. Shinapish Davidca paita siempre apoyashcamantami Barzilaita achcata valorarca.

•  Sl 71:9, 18. Davidca mayorlla cashcamantami Jehová Dios paita ña mana ashtahuan utilizanata yuyarca. Chaimantami Diostaca: ‘Ñuca ña yuyaj cajpipish ama shitangui. Qꞌuipa huiñaicunaman huillangacama ama saquihuaichu’ nishpa mañarca.

• Lu 2:36-38. Ana shuti profetaca mayorlla cashpapish Diosta tucui shunguhuanmi sirvirca. Chaimantami Diosca bendiciarca.

Ñucanchijta ayudangapaj ejemplocuna:

• Gé 12:1-4. Abrahán 75 huatacunata charijpimi Jehová Diosca shuj mushuj asignacionta curca. Chai asignacionta chasquishca huashami Abrahanpaj causaica cambiarca.

• Da 10:11, 19; 12:13. Profeta Daniel 90 yalli huatacunata charijpimi shuj angelca Jehová Dios paita valorashcata, shuj punlla bendicianatapish yuyachirca.

• Lu 1:5-13. Zacarías y Elisabetca mayorlla cajpipish Jehová Dios bendiciajpimi shuj huahuata chari tucurcacuna.

• Lu 2:25-35. Simeón mayorlla cajpica Jehová Diosca Mesías cagrishca huahuata rijsichunmi saquirca. Chai huashaca chai huahuamantami shuj profeciata nirca.

• Hch 7:23, 30-36. Moisesca ña 80 huatacuna charishpapish israelitacunata ñaupajman pushana responsabilidadtami chasquirca.

Ñucanchijta ayudangapaj ejemplocuna:

• Gé 45:9-11; 47:12. Jacob ña mayorlla cajpica Joseca paipaj yaya paipajman apachunmi mañarca. Chashnami huañungacama cuidarca.

• Rut 1:14-17; 2:2, 17, 18, 23. Noemí ña mayorlla cajpica Rutca paipaj nishcacunahuan, ruraicunahuanpishmi paita ayudarca.

• Jn 19:26, 27. Jesús caspipi huañucushpaca paipaj cꞌuyashca amigo Juantaca paipaj mamata cuidachunmi mañarca.