Kukalamba; Ankhalamba
Ninji cinacitika mu ndzidzi unakalamba ife?
Pontho onani “Cibalangazo—Kucimwana kucita pizinji thangwi ya utenda peno kukalamba.”
-
Citsandzo ca m’Bhibhlya cakuti cinatiphedza:
-
Ekl 12:1-8—Mambo Salomoni aphatisira misangani toera kulonga pinentso pinakhala na ale anakalamba ninga kukhonda kuona mwadidi, (“akazi anayangʼana kunja na pajanela anadzaona cidima”) na kukhonda kubva mwadidi, (“ana akazi onsene anadzaimba mwakusowa mphambvu.”)
-
Kodi ankhalamba anakwanisa kupitiriza kukhala akutsandzaya, maseze atambe nyatwa mbacimwana kucita pinthu pinango?
-
Pitsandzo pya m’Bhibhlya pyakuti pinatiphedza:
-
1Sa 12:2, 23—Mprofeta Samweli wakuti akhadakalamba akhadziwa kuti akhafunika kupitiriza kucita phembero thangwi ya mbumba ya Yahova.
-
2Sa 19:31-39—Mambo Dhavidhi apereka takhuta kakamwe thangwi ya ciphedzo ca Bharzilai wakuti akhadakalamba; mbwenye mambo pidaphemba iye Bharzilai pinthu pyakuti nee mbadakwanisa kupicita, iye acepeseka, mbadzindikira kuti nee mbadakwanisa.
-
Mas 71:9, 18—Mambo Dhavidhi akhagopa kukhala wakusowa basa kuna Yahova thangwi yakukalamba; na thangwi ineyi, iye aphemba Yahova toera ampase mphambvu yakupfundzisa ubalwi wakuti mbudantumikira ntsogolo.
-
Luk 2:36-38—Mprofeta Yana wakuti akhadakalamba, pontho akhali nzice, apaswa nkhombo thangwi yakutumikira kwace Mulungu na kukhala kwace wakukhulupirika.
-
Anyakukalamba anakhala tani na cinyindiro cakuti iwo ndi akufunika kuna Yahova?
Mas 92:12-14; Mis 16:31; 20:29; Iza 46:4; Tit 2:2-5
-
Pitsandzo pya m’Bhibhlya pyakuti pinatiphedza:
-
Gen 12:1-4—Abhrahamu pikhali iye na pyaka 75 pyakubalwa, apaswa basa yakuti yacinja kakamwe umaso wace.
-
Dha 10:11, 19; 12:13—Anju m’bodzi aenda kaona Dhanyeli wakuti akhali na pyaka pyakupiringana 90 pyakubalwa, mbapanga Dhanyeli kuti akhali wakufunika kakamwe kuna Yahova, pontho mbadapaswa nkhombo thangwi yakukhulupirika kwace.
-
Luk 1:5-13—Yahova apasa nkhombo Zakariya na Elizabheti akuti akhadakalamba, mbabala mwacirengo mwana wakuti akhacemerwa Juwau.
-
Luk 2:25-35—Yahova apasa Simeyoni nkhombo yakuona mwana wakuti mbadakhala Mesiya; na ciphedzo ca nzimu wakucena, Simeyoni alonga profesiya thangwi ya mwana unoyu.
-
Mab 7:23, 30-36—Mprofeta Mose akhali na pyaka 80 pidasankhulwa iye na Yahova toera kutsogolera mbumba Yace ya Izraeli.
-
Anyakukalamba akukhulupirika asafunika kutsalakanwa tani?
-
Pitsandzo pya m’Bhibhlya pyakuti pinatiphedza:
-
Gen 45:9-11; 47:12—Zuze acemeresa pai wace, Yakobe, wakuti akhadakalamba, mbantsalakana mpaka kufa kwace.
-
Rut 1:14-17; 2:2, 17, 18, 23—Rute aphedza Noemi wakuti akhali nkazi wakukalamba. Iye am’phedza na mafala, pontho na macitiro.
-
Ju 19:26, 27—Pikhafa iye pamuti wakusikimizira, Yezu apanga mpostolo Juwau wakuti akhanfuna kakamwe toera atsalakane mai wace.
-
Ndi zipi njira zingasi zakuti Akristu anakwanisa kuziphatisira toera kuphedza anthu akukalamba mu mpingo?
Panango Munakomerwa Kudziwa Ipi
YEZU—NDI NJIRA, UNDIMOMWENE NA UMASO
Mwana Adapikirwa
Pidaenda Zuze na Mariya na khombwani wawo Yezu ku templo, aprofeta awiri akugwesera a ku Izraeli aprofetizari thangwi ya tsogolo ya Yezu.
TOWEZERANI CIKHULUPIRO CAWO
Rute—‘Kunaenda Imwe Ndinaendambo’
Thangwi yanji Rute akhali dzololo toera kusiya acibale ace na dziko yace? Ndi makhaliro api adapangiza iye akuti ancitisa kukhala wakufunika kakamwe kwa Yahova?
PYA IFE
Phembani Toera Mucedzerwe
Cedzani pinalonga Bhibhlya, peno pfundzani pizinji thangwi ya Mboni za Yahova.
