Tapande ti Bible so apeut ti aidé mo:

• Zo 12:​1-8—Na lege ti suma-tene, Gbia Salomon afa akpale ti seni so zo ayeke wara na ngoi so ngu ti lo ayeke gue na li ni, na tapande, lo yeke bâ ndo nzoni encore ape (“awali so ayeke bâ ndo na lê ti fenêtre abâ so ndo avuko”) nga lo yeke mä ndo nzoni encore ape (‘amolenge-wali so ayeke he bia atoto ngangu encore ape’)

 Atapande ti Bible so apeut ti aidé mo:

• 1Sa 12:​2, 23—Prophète Samuel so aga mbakoro ahinga so a yeke kota ye ti tene lo ngbâ ti sambela ndali ti awakua ti Jéhovah

• 2Sa 19:​31-39—Gbia David akiri singila na Barzillaï so aga mbakoro awe ndali ti so lo mû maboko na lo, nga Barzillaï abâ terê ti lo kete lo yeda so lo yeke na ngangu ape ti sara ye so David ahunda

• Ps 71:​9, 18—Na ngoi so Gbia David asara mbeto ndali ti so lo bâ so Jéhovah apeut ti sara kua na lo encore ape, lo voro yanga na Jéhovah ti ngbâ ti sara kua na lo nga ti mû na lo ngangu tongaso si lo peut ti fa ye na ndö ti Lo na azo so a yeke dü ala

• Lc 2:​36-38—A sara tufa na ndö ti prophète-wali Anne, mbeni wali-mua so ayeke lani mbakoro, ndali ti so lo mû terê ti lo ti sara kua ti Jéhovah nga lo yeke be-ta-zo

Atapande ti Bible so apeut ti aidé mo:

• Ge 12:​1-4—Na ngoi so Abraham ayeke na ngu 75, Jéhovah amû na lo mbeni kua so ahunda ti tene lo quitté kodro ti lo biani biani

• Dan 10:​11, 19; 12:13—Mbeni ange aga abâ prophète Daniel, so ngu ti lo ahon 90, ti tene na lo so Jéhovah abâ lo na nene ni mingi nga so lo yeke futa lo ndali ti so lo yeke be-ta-zo

• Lc 1:​5-13—Jéhovah asara tufa na ndö ti Zacharie na Élisabeth so aga mbakoro awe na lege so lo sara miracle lo sara si ala dü Jean, molenge ti ala ti koli

• Lc 2:​25-35—Jéhovah amû na Siméon, so aga mbakoro awe, pasa ti bâ bébé so ayeke ga ande Messie; Siméon atene mbeni prophétie na ndö ti lo

• Kus 7:​23, 30-36—Prophète Moïse ayeke lani na ngu 80 na ngoi so Jéhovah azia lo ti mû li ni na ndö ti azo ti lo, azo ti Israël

Atapande ti Bible so apeut ti aidé mo:

• Ge 45:​9-11; 47:12—Joseph atokua ti tene a ga na babâ ti lo Jacob so aga mbakoro, na lo bâ lege ti lo juska lo kui

• Ru 1:​14-17; 2:​2, 17, 18, 23—Ruth a-aidé Naomi so aga mbakoro na lege ti atënë ti lo nga na aye so lo sara

• Jn 19:​26, 27—Na ngoi so Jésus ayeke gue ti kui na ndö ti keke ti pasi, lo tene na bazengele Jean so lo ye lo mingi ti bâ lege ti mama ti lo