Botsofadi; Batho ba Hodileng
Ho etsahalang ha re tsofala?
Sheba le “Ho Tshedisa—Mathata a bakwang ke ho kula kapa ho tsofala”
-
Mohlala wa Bibele o ka o thusang:
-
Moe 12:1-8—Morena Solomone o ile a sebedisa mokgabopuo ho hlalosa mathata a bakwang ke ho hola, a kang ho se bone hantle (“bafumahadi ba bona ho le lefifi ha ba nyarela ka difensetere”) le ho se utlwe hantle (‘dibini tsohle tsa basadi ha di utlwahale hantle’)
-
Na batho ba tsofetseng ba ka dula ba thabile ho sa tsotellehe mathata a bakwang ke ho hola?
-
Mehlala ya batho ba ka Bibeleng e ka o thusang:
-
1Sa 12:2, 23—Le hoja moprofeta Samuele a ne a se a tsofetse, o ne a ntse a nka ho le bohlokwa ho rapella batho ba Jehova
-
2Sa 19:31-39—Morena Davida o ile a ananela thuso ya Barzilai ya neng a se a tsofetse empa Barzilai o ile a hana ho ya le morena Jerusalema hobane o ne a tseba hore ha a sa na matla jwalo ka pele
-
Ps 71:9, 18—Ha Morena Davida a ne a tshohile hore Jehova a ke ke a hlola a mo sebedisa hobane a tsofetse, o ile a mo kopa hore a mo fe matla a hore a nne a mo sebeletse
-
Lu 2:36-38—Jehova o ile a hlohonolofatsa moprofeta Anna ya neng a tsofetse ebile e le mohlolohadi hobane o ne a mo sebeletsa ka botshepehi
-
Jehova o bontsha jwang hore o tsotella batho ba hodileng?
Ps 92:12-14; Pr 16:31; 20:29; Esa 46:4; Tit 2:2-5
-
Mehlala ya batho ba ka Bibeleng e ka o thusang:
-
Ge 12:1-4—Ha Abrahama a ne a le dilemo di 75, Jehova o ile a mo fa mosebetsi o neng o hloka hore a yo phela naheng e nngwe bophelo bohle ba hae
-
Dan 10:11, 19; 12:13—Jehova o ile a romela lengeloi ho moprofeta Daniele hore le mo bolelle hore o a mo rata le hore o tla mo hlohonolofatsa ka lebaka la botshepehi ba hae
-
Lu 1:5-13—Jehova o ile a hlohonolofatsa Zakaria le Elizabetha ka hore a ba fe mora ka mohlolo, eo ba ileng ba mo reha Johanne
-
Lu 2:25-35—Jehova o ile a fa Simeone ya neng a se a hodile monyetla wa hore a bone lesea leo e neng e tla ba Mesia. Ha Simeone a bona lesea leo, o ile a bua dintho tse neng di tla le etsahalla
-
Dik 7:23, 30-36—Moprofeta Moshe o ne a le dilemo di 80 ha Jehova a mo etsa moetapele wa setjhaba sa hae sa Iseraele
-
Re lokela ho tshwara batho ba hodileng jwang?
-
Mehlala ya batho ba ka Bibeleng e ka o thusang:
-
Ge 45:9-11; 47:12—Jakobo o ne a se a hodile ha mora wa hae Josefa a re a tliswe ho yena e le hore a ka mo hlokomela ho fihlela a shwa
-
Ru 1:14-17; 2:2, 17, 18, 23—Ruthe o ne a hlokomela Naomi ya neng a se a hodile, a bontsha ka diketso le ka tsela eo a buang le Naomi ka yona hore o a mo tsotella
-
Joh 19:26, 27—Ha Jesu a le palong a le haufi le ho shwa, o ile a kopa moapostola Johanne hore a sale a hlokomela mme wa hae ya neng a se a hodile
-
Re ka thusa Bakrestemmoho le rona ba hodileng jwang?