Xikombiso xa le Bibeleni lexi nga ku pfunaka:

• Ekl 12:1-8 — Hosi Solomoni a tlhamusele swikarhatu leswi vaka kona loko munhu a guga, swa ku fana ni ku kala a nga ha voni kahle (“vavasati lava nga ta hlometela hi ka majanela va nga ta kuma swaku ku ni munyama”) ni ku kala va nga ha yingisi kahle (“nkama lisimu leli vavasati va li yimbelelaka li nga ta twalela hansi”)

Swikombiso swa le Bibeleni leswi nga ku pfunaka:

• 1Sa 12:2, 23 — Muprofeta Samuwele lweyi se a a gugile a a swi tiva swaku a swi li swa lisima kuva a tama a khongelela vanhu va Yehovha

• 2Sa 19:31-39 — Hosi Davhida a mu khense swinene Barzilayi lweyi se a a gugile hileswi a nga mu pfuna, kambe nkama a nga mu kombela swaku a yendla swa ku tlula leswi a a swi kota, Barzilayi a nga pfumelanga hikusa a a swi tiva swaku a ntanga a yi nga ha pfumeli

• Ps 71:9, 18 — Hosi Davhida a karhatekile hileswi a a pimisa swaku Yehovha a a nga ha ta mu tirhisa hileswi se a ntanga ya yena a yi ya yi famba, hi mhaka leyo a khongelile ka Yehovha a mu kombela swaku a mu nyika ntamu wa ku tama a va djondzisa hi Yehovha lava a va psaliwa

• Luk 2:36-38 — Muprofeta wa xisati Ana lweyi a a gugile a tlhela a feliwe hi nuna, a katekisiwile hileswi a a tinyiketelile ka Yehovha a tlhela a mu tirhela hi ku tshembeka

Swikombiso swa le Bibeleni leswi nga ku pfunaka:

• Gen 12:1-4 — Nkama Abrahamu a a ni 75 wa malembe, Yehovha a mu kombelile swaku a yendla nchumu lowu a wu ta txintxa wutomi la yena hi ku helela

• Dan 10:11, 19; 12:13 — Ntsumi yi yendzele muprofeta Daniyele nkama na a ni kolomu ka ku tlula 90 wa malembe yi tlhela yi mu tiyisekisa swaku a a li wa lisima ka Yehovha ni leswaku Yehovha a a ta mu katekisa hi mhaka ya ku tshembeka ka yena

• Luk 1:5-13 — Yehovha a katekise Zakariya na Elizabeti lava se a va gugile hi kuva a yendla leswaku va psala n’wana, ku nga Yohani

• Luk 2:25-35 — Yehovha a yendle leswaku Simiyoni lweyi se a a gugile a va ni nkateko wa ku vona xibebetani lexi a xi ta va Mesiya, naswona a tlhele a yendla swaku Simiyoni a profeta hi leswi a swi ta yendlekela Mesiya

• Min 7:23, 30-36 — Moxe a a ni 80 wa malembe nkama Yehovha a nga mu langa swaku a rhangela vanhu va yena ku nga Vayisrayele

Swikombiso swa le Bibeleni leswi nga ku pfunaka:

• Gen 45:9-11; 47:12 — Yosefa a rhumele vanhu swaku va ya teka papayi wa yena Yakobe lweyi se a a gugile, leswaku a ta mu hlayisa anze a ya fa

• Rut 1:14-17; 2:2, 17, 18, 23 — Hi marito ni swiyendlo, Ruti a pfune Nawomi lweyi se a a gugile

• Yoh 19:26, 27 — Nkama Yesu na a fa ka mhandzi ya nxaniso a kombele mupostolo Yohani lweyi a a mu rhandza swinene swaku a sala a hlayisa mamani wa yena