Uchekuru; Ŵachekuru
Kasi chikuchitika ntchivichi para tikuchekura?
Wonaniso “Chisangulusko—Kutondeka kuchita vinandi chifukwa cha ulwari panji uchekuru”
-
Viyelezgero vya mu Baibolo ivyo vingamovwirani:
-
Mu 12:1-8—Themba Solomoni likalemba masuzgo ghanyake agho ghakwiza chifukwa cha uchekuru, nga kuleka kulaŵiska makora (“ŵanakazi awo ŵakulingizga mu mawindo ŵakuwona chisi”) kweniso kupulika (“ŵana ŵanakazi wose ŵa sumu ŵati waka loloŵa”)
-
Kasi ŵachekuru ŵangalutilira kukondwa nangauli ŵakusangana na masuzgo kweniso kutondeka kuchita vinthu vinyake?
-
Viyelezgero vya mu Baibolo ivyo vingamovwirani:
-
1Sa 12:2, 23—Ntchimi yichekuru Samuyeli, yikamanya kuti ntchakuzirwa chomene kulutilira kulombera ŵanthu ŵa Yehova
-
2Sa 19:31-39—Themba Davide likalongora lusungu Barazilayi, muchekuru wakugomezgeka, ndipo Barazilayi nayo wakajiyuyura na kuzomerezga kuti pali vinthu vinyake ivyo wangakwaniska yayi kuchita
-
Sa 71:9, 18—Themba Davide likaghanaghananga kuti Yehova walitayenge para lachekura, ntheura likalomba Yehova kuti wangalitayanga yayi, kweni walipe nkhongono kuti lisambizge muwiro wakulondezgapo vyakukhwaskana na Yehova
-
Lu 2:36-38—Ntchimi yanakazi Ana, iyo yikaŵa yichekuru kweniso chokoro, yikatumbikika chifukwa cha chipulikano kweniso kuteŵetera mwakugomezgeka
-
Kasi Yehova wakulongora wuli kuti wakuzirwiska ŵachekuru?
Sa 92:12-14; Zi 16:31; 20:29; Yes 46:4; Tit 2:2-5
-
Viyelezgero vya mu Baibolo ivyo vingamovwirani:
-
Ge 12:1-4—Apo Abrahamu wakaŵa na vyaka 75 Yehova wakamupa uteŵeti unyake uwo ukakhumbanga kuti wafumeko ku charu chake
-
Da 10:11, 19; 12:13—Apo ntchimi Daniyeli yikaŵa na vyaka vya m’ma 90, kukiza mungelo wa Chiuta uyo wakayisimikizgira kuti Yehova wakuyiwona kuti njakuzirwa chomene ndipo wayipenge njombe chifukwa cha chipulikano chake
-
Lu 1:5-13—Yehova wakatumbika Zekariya na Elizabeti awo ŵakaŵa ŵachekuru chomene ndipo ŵakababa mwana zina lake Yohane
-
Lu 2:25-35—Yehova wakatumbika Simiyoni uyo wakaŵa muchekuru kuti wawone mwana uyo wazamuŵa Mesiya
-
Mil 7:23, 30-36—Ntchimi Mozesi yikaŵa na vyaka 80 apo Yehova wakayipa mulimo wakuti yilongozge ŵanthu ŵake
-
Kasi tikwenera kuŵawona wuli ŵachekuru?
-
Viyelezgero vya mu Baibolo ivyo vingamovwirani:
-
Ge 45:9-11; 47:12—Yosefe wakachema adada ŵake a Yakhobe awo ŵakaŵa ŵachekuru kuti ŵalute ku Eguputo ndipo wakaŵapwelelera m’paka apo ŵakafwira
-
Ru 1:14-17; 2:2, 17, 18, 23—Rute wakawovwira chomene Naomi uyo wakaŵa muchekuru
-
Yoh 19:26, 27—Apo wakaŵa pa khuni lakusuzgikirapo, Yesu wakaphalira mpositole wake Yohane kuti wapwelelere amama ŵake a Mariya awo ŵakaŵa ŵachekuru
-
Kasi ni nthowa wuli zinyake izo Ŵakhristu ŵangawovwilira ŵachekuru mu mpingo?
Panji Mungatemwa Kuŵerengaso Nkhani Izi
GONGWE LA MULINDA—LAKUSAMBIRA PA MPINGO
Kuteŵetera Yehova mu “Mazuŵa Ghaheni”
Usange ndimwe muchekuru, kasi mungachita wuli kuti mulutilire kuteŵetera Yehova? Wonani ivyo ŵakachita ŵachekuru ŵanyinu awo ŵakuzunulika mu Baibolo.
GONGWE LA MULINDA
Ivyo Vingawovwira Ŵachekuru Kuti Ŵakondwenge
Pali fundo 6 za mu Baibolo izo zingamovwirani kuti mukondwenge para mukuchekura.
YESU NI NTHOWA, UNENESKO, NA UMOYO
Mwana Uyo Wakalayizgika
Apo Yosefe na Mariya ŵakiza na bonda Yesu ku tempile, Ŵaisrayeli ŵaŵiri ŵachekuru ŵakachima ivyo Yesu wazamuchita.
YEZGANI CHIPULIKANO CHAWO
Rute—“Uko Imwe Mukuya Ndiko Nane Niyenge”
Chifukwa wuli Rute wakazomera kuleka ŵabali ŵake na charu chakwake? Kasi Rute wakaŵa na makhaliro wuli agho ghakawovwira kuti Yehova wakondwe nayo?
MANYANI VYA ISE
Pemphani Kuti Musambirenge Baibolo
Dumbiskanani fumbo la mu Baibolo, panji manyani vinandi vyakukhwaskana na Ŵakaboni ŵa Yehova.
