Ɛho nhwɛso a ɛwɔ Bible mu:

• Ɔsɛ 12:1-8—Ɔhene Solomon kaa anwensɛm bi a ɛma yehu ɔhaw a nkwakoraabɔ ne mmerewabɔ de ba. Ebi ne sɛ, wɔnhu ade yiye (“mmabaa a wɔhwɛ mfɛnsere mu no ani so ayɛ wɔn wusiwusi”) na wɔnte asɛm yiye (“mma mmea nnwontofo nyinaa nne brɛ ase”)

Ɛho nhwɛso a ɛwɔ Bible mu:

• 1Sa 12:2, 23—Ná odiyifo Samuel a wabɔ akwakoraa no nim hia a ehia sɛ ɔkɔ so bɔ mpae ma Yehowa nkurɔfo

• 2Sa 19:31-39—Akwakoraa Basilai boaa Ɔhene Dawid, na Dawid ani sɔe. Akyiri yi, bere a Dawid kaa sɛ Basilai nyɛ biribi no, Basilai hui sɛ ɛboro n’ahoɔden so, na n’ahobrɛase nti, ɔkaa sɛ ɔrentumi nyɛ

• Dw 71:9, 18—Ná Ɔhene Dawid suro sɛ wayɛ akwakoraa nti, Yehowa remfa no nyɛ adwuma bio, enti ɔsrɛɛ no sɛ, mma ɔnntow no nnkyene; mmom, ɔmma no ahoɔden na ama watumi aka Yehowa ho asɛm akyerɛ nkyirimma

• Lu 2:36-38—Ná aberewa Hana a ɔyɛ odiyifobea ne okunafo no som Yehowa yiye na odi no nokware; wei nti, Yehowa hyiraa no

Ɛho nhwɛso a ɛwɔ Bible mu:

• Ge 12:1-4—Bere a Abraham dii mfe 75 no, Yehowa maa no adwuma bi a ɛsesaa n’asetena koraa

• Da 10:11, 19; 12:13—Yehowa maa ɔbɔfo kɔhyɛɛ odiyifo Daniel a wadi mfe 90 ne akyi no den, na ɔmaa no awerɛhyem sɛ ɔsom bo ma Yehowa, na ne nokwaredi nti, Yehowa behyira no

• Lu 1:5-13—Yehowa hyiraa Sakaria ne Elisabet a na wɔanyinyin paa no, na ɔma wɔwoo ba anwanwakwan so, na wɔtoo no din Yohane

• Lu 2:25-35—Yehowa maa akwakoraa Simeon hokwan soronko bi; ɔma ohuu abofra kumaa a daakye ɔbɛba abɛyɛ Mesia no, na ɔmaa Simeon hyɛɛ abofra no ho nkɔm

• Aso 7:23, 30-36—Bere a odiyifo Mose dii mfe 80 no, Yehowa ma odii ne manfo Israel anim

Ɛho nhwɛso a ɛwɔ Bible mu:

• Ge 45:9-11; 47:12—Yosef soma ma wɔkɔfaa ne papa Yakob a ne mfe akɔ anim no bɛtenaa ne nkyɛn, na ɔhwɛɛ no kosii sɛ owui

• Ru 1:14-17; 2:2, 17, 18, 23—Rut de n’anom nsɛm ne ne nneyɛe nyinaa boaa Naomi a ne mfe akɔ anim no

• Yoh 19:26, 27—Bere a na Yesu sɛn dua so a ɔrewu no, ɔde ne maame hyɛɛ ɔsomafo Yohane a na ɔdɔ no no nsa sɛ ɔnhwɛ no