Yijubel; oy xa sjabilalik
¿Kʼusi chkʼot ta jtojolaltik kʼalal chijyijube?
Kʼelo xtok «Spatobil oʼontonal: Kʼalal oy xa kʼusi mu spas kuʼuntik ta skoj ti chij-ipaje o ti oy xa jabilaltike».
-
Loʼiletik ta Vivlia ti tskoltautike:
-
Ekl 12:1-8. Li ajvalil Salomone ta nichimal kʼop laj yal kʼusi chkʼot ta stojolalik li buchʼutik oy xa sjabilalike, ti chmak xa satike («mu xa x-ilvanik lek li antsetik ti tskʼelik lokʼel osil ta ventanae») xchiʼuk ti chmak xa xchikinike («chchʼay xa batel yechʼomal yeik li jkʼejimol antsetike»).
-
¿Mi xuʼ van xmuyubajik li buchʼutik oy xa sjabilalik akʼo mi ep svokolik xchiʼuk oy xa kʼusitik mu spas yuʼunike?
-
Loʼiletik ta Vivlia ti tskoltautike:
-
1Sa 12:2, 23. Kʼalal oy xa ox sjabilal li j-alkʼop Samuele, laj yakʼ venta ti tsots skʼoplal ti jechuk-o spas orasion ta stojolal li steklumal Jeovae.
-
2Sa 19:31-39. Li ajvalil Davide la stoj tajek ta vokol ti koltaat yuʼun li Barsilaie akʼo mi oy xa ox sjabilal; kʼalal oy kʼusi akʼbat spas li Barsilaie, bikʼit laj yakʼ sba xchiʼuk laj yal ti oy xa kʼusitik mu spas yuʼune.
-
Sl 71:9, 18. Kʼalal mol xa ox li ajvalil Davide, la svul yoʼonton ti muʼyuk xa chtunesat yuʼun li Jeovae; jaʼ yuʼun la skʼanbe vokol Dios ti akʼo mu xpʼajate xchiʼuk ti x-akʼbat yipal sventa xalbe achʼ jchʼieletik ta sventa li Jeovae.
-
Lu 2:36-38. Li meʼ j-alkʼop Ana ti oy xa sjabilal xchiʼuk ti chamem smalale akʼbat bendision yuʼun Jeova ta skoj ti tukʼ tun ta stojolale.
-
¿Kʼuxi chakʼ ta ilel Jeova ti toj ep sbalil chil li buchʼutik oy xa sjabilalike?
Sl 92:12-14; Pr 16:31; 20:29; Is 46:4; Tit 2:2-5
-
Loʼiletik ta Vivlia ti tskoltautike:
-
Je 12:1-4. Kʼalal 75 xa ox sjabilal li Abraane, oy kʼusi akʼbat spas yuʼun Jeova ti jel-o xkuxlejale.
-
Da 10:11, 19; 12:13. Kʼalal mas xa ox ta 90 sjabilal li j-alkʼop Daniele, ay kʼelatuk yuʼun jun anjel sventa x-albat ti ep sbalil ch-ilat yuʼun li Jeovae xchiʼuk ti ch-akʼbat smoton ta skoj ti jech-o tukʼ yakʼoj sbae.
-
Lu 1:5-13. Li Sakarias xchiʼuk Elisabet ti oy xa sjabilalike akʼbatik bendision yuʼun Jeova, yuʼun laj yil to yuni keremik ti Juan sbie.
-
Lu 2:25-35. Li Simeon ti oy xa sjabilale akʼbat yil yuʼun Jeova li neneʼ ti jaʼ chkʼot ta Mesiase; ta tsʼakale, li Simeone laj yal jun albil kʼop ta stojolal li neneʼe.
-
Ech 7:23, 30-36. Kʼalal 80 xa ox sjabilal li Moisese, albat yuʼun Jeova ti jaʼ tsbeiltasbe lokʼel li steklumale.
-
¿Kʼu yelan skʼan xkiltik li yajtsʼaklomtak Kristo ti oy xa sjabilalike?
-
Loʼiletik ta Vivlia ti tskoltautike:
-
Je 45:9-11; 47:12. Kʼalal mol xa ox li Jakobe, take ta ikʼel yuʼun Jose sventa xchiʼin ta naklej xchiʼuk ti xchabiat ti kʼu sjalil kuxule.
-
Rut 1:14-17; 2:2, 17, 18, 23. Li Rute laj yakʼ ta ilel ta skʼopojel xchiʼuk ta stalelal ti oy ta yoʼonton li Noemi ti oy xa sjabilale.
-
Jn 19:26, 27. Kʼalal jaʼo te jokʼol ta jtel teʼ li Jesuse, la skʼanbe vokol yamigo ti jaʼ li jtakbol Juan ti akʼo xchabibat li smeʼe.
-
¿Kʼutik yelan xuʼ jkoltatik li buchʼutik oy xa sjabilalik ta tsobobbaile?
Xuʼ van chakʼupin skʼelel xtok liʼe
LI JKʼEL˗OSIL TA TOYOLE (SVENTA CHICHʼ CHANEL)
Kʼalal mi kʼot ta atojolal li «cʼusitic tsots ta xvul ta loqʼuele»
¿Kʼusi xuʼ xapas yoʼ lek tsotsuk-o xchʼunel avoʼonton xchiʼuk ti xatun-o ta Jeovae? Chano kʼuxi muyubajik jlom buchʼutik malubemik ti chalbe skʼoplal ta Vivliae.
LI JKʼEL˗OSIL TA TOYOLE
Kʼuxi xuʼ junuk noʼox koʼontontik xijyijub
¿Mi xuʼ junuk noʼox koʼontontik kʼalal mi lijyijube? Vaktos tojobtasel ti tskoltautik sventa xnop xkaʼitik ti jelel xa li jkuxlejaltike.
LI JESUSE: JAʼ LI BEE, JAʼ LI MELELE, JAʼ LI KUXLEJALE
Li olol ti albil onoʼox skʼoplale
Kʼalal laj yikʼik batel ta templo neneʼ Jesus li Jose xchiʼuk Mariae te tal chaʼvoʼ j-israeletik ti oy xa sjabilalike, laj yalbeik skʼoplal kʼusi tspas ta mas tsʼakal li Jesuse.
JCHANBETIK LI XCHʼUNEL YOʼONTONIKE
Rut: «Ti bu chabate, te chibat ec»
¿Kʼu yuʼun oy ta yoʼonton laj yikta yutsʼ yalal xchiʼuk slumal li Rute? ¿Kʼusitik stalelal laj yakʼ ta ilel ti jaʼ oyo sbalil ilat yuʼun Jeovae?
