Umzekelo oseBhayibhileni onokunceda:

• INt 12:1-8—UKumkani uSolomon uchaza ezinye iingxaki zempilo eziza nokwaluphala, ezinjengokungaboni kakuhle (“kube mnyama nakumanenekazi ajonge ngeefestile”) nokungeva kakuhle (“iintombi zengoma zivakala kancinci”)

Imizekelo eseBhayibhileni enokunceda:

• 1Sa 12:2, 23—Umprofeti uSamuel osele ekhulile uyayazi indlela ekubaluleke ngayo ukuqhubeka ethandazela abantu bakaYehova

• 2Sa 19:31-39—UKumkani uDavide uyibulela kakhulu indlela uBharzilayi osele ekhulile amxhase ngokuthembeka ngayo, futhi xa uBharzilayi ecelwa ukuba enze into engaphezu kwamandla akhe uyathobeka aqonde ukuba kukho izinto angasakwaziyo ukuzenza

• Nd 71:9, 18—UKumkani uDavide woyika into yokuba kungabikho yakhe ngenxa yokuhamba kweminyaka, ucenga uYehova ukuba angamlahli kodwa amnike amandla ukuze akwazi ukufundisa isizukulwana esilandelayo ngaYe

• Luk 2:36-38—Umprofetikazi uAna, umhlolokazi osele ekhulile, uyasikelelwa ngenxa yokukhonza kwakhe ngokuzinikela nangokuthembeka

Imizekelo eseBhayibhileni enokunceda:

• Gen 12:1-4—Xa eneminyaka eyi-75, uAbraham unikwa nguYehova umsebenzi otshintsha ubomi bakhe

• Dan 10:11, 19; 12:13—Ingelosi iya kumprofeti uDaniyeli, osele eqabele kwiminyaka eyi-90, ukuze imqinisekise ukuba uxabisekile kuYehova nokuba uza kuvuzwa ngenxa yokuthembeka kwakhe

• Luk 1:5-13—UYehova usikelela uZekariya noElizabhete abasele bekhulile ngokubenza bazale ngokungummangaliso unyana onguYohane

• Luk 2:25-35—UYehova unika uSimeyon inyhweba yokubona usana oluza kuba nguMesiya; uSimeyon uprofeta ngalo olu sana

• IZe 7:23, 30-36—Umprofeti uMoses uneminyaka eyi-80 xa uYehova emenza inkokheli yabantu Bakhe, amaSirayeli

 Imizekelo eseBhayibhileni enokunceda:

• Gen 45:9-11; 47:12—UYosefu uthumela ukuba kuziwe notata wakhe osele ekhulile, uYakobi, aze amhoye de asweleke

• Rut 1:14-17; 2:2, 17, 18, 23—URute uxhasa umama osele emdala, uNahomi, ngamazwi nangezenzo

• Yoh 19:26, 27—Ngaphambi nje kokuba asweleke, uYesu ucela umpostile wakhe amthandayo uYohane ukuba ahoye umama wakhe