Jwa 12:1-8—Mwenye Solomoni ŵakamulichisye masengo maloŵe gandakatulo pakulondesya yakusawusya yakusasimana nayo ŵakalambale mpela kulepela kulola chenene (“achakongwe ŵakulola pewindo chachichiwona chipi,” NWT) soni kulepela kupikana chenene (“achakongwe chachijimbaga nyimbo ni maloŵe gangali machili,” NWT)

• Alole mtwe wakuti, “Kwamyalasya Ŵane—Kulepela kutenda yindu ligongo lya kulwala kapena uchekulu”

Ngani syakwe m’Baibulo:

• 1Sa 12:2, 23—Jwakulochesya Samuele jujwaliji jwamkalambale jwamanyililaga yakusawusya yayikusayika ligongo lya uchikulile nambope jwapitilisye kwapopelela ŵandu ŵa Yehofa

• 2Sa 19:31-39—Mwenye Daudi ŵamyamichile Balisilayi jujwaliji jwamkalambale ligongo lyakuti jwalakwe ŵamkamuchisyaga Daudiju mwakulupichika, nambo mwakulinandiya Balisilayi jwasasile kuti nganaŵa akombwele kumtumichila mwenye ku Yelusalemu

• Sal 71:9, 18—Mwenye Daudi paŵayiweni kuti akulepela kutenda yejinji pakumtumichila Mlungu ligongo lya ukalamba jwatesile woga mwamti ŵamŵendile Yehofajo kuti amkaleka jwalakwe ligongo lyakuti akalambele nambo ampe machili kuti akombole kuwujiganya m’bado wakuyichisya yakwamba jwalakwe

• Luk 2:36-38—Jwakulochesya Anna, jujwaliji jwamkongwe jwamasije jwamkalambale, jwapochele yindu yambone ligongo jwamtumichilaga Yehofa mwakulipeleka soni mwakulupichika

Ngani syakwe m’Baibulo:

• Gen 12:1-4—Abulahamu paŵaliji ni yaka 75, Yehofa ŵamsalile kutenda yindu yayachenjile umi wakwe kwa umi wosope

• Da 10:11, 19; 12:13—Lilayika lyamyichile jwakulochesya Daniele, jwele pandaŵiji jwakwete yaka ya m’ma 90. Lilayikali lyamsalile jwalakwe kuti ali jwakusosekwa kwa Yehofa soni kuti chachipata mboto ligongo lyakuŵa jwakulupichika kwa Yehofa

• Luk 1:5-13—Yehofa ŵampele upile Sekaliya ni Elisabeti wakukola mwanache lina lyakwe Yohane atamose kuti ŵaliji achakalambale

• Luk 2:25-35—Yehofa ŵamsalile Simiyoni jujwaliji jwamkalambale kuti chachikola upile wakummwona mwanache juchachiŵa Mesiya mwamti Simiyoni jwaŵechete maloŵe gakulochesya pakwamba ya jwalakwe

• Mas 7:23, 30-36—Yehofa ŵampele Mose masengo gakwalongolela ŵandu Ŵakwe ŵaŵaliji Ayisalayeli, pandaŵiji Mose ŵakwete yaka 80

 Ngani syakwe m’Baibulo:

• Gen 45:9-11; 47:12—Yosefe ŵatumisye utenga wakwaŵilanga baba ŵakwe ŵiŵaliji ŵakalambale ni chakulinga chakuti ŵasamalileje kwa umi wawo wosope

• Lut 1:14-17; 2:2, 17, 18, 23—Lute jwamlimbikasyaga Naomi, jujwaliji jwamkongwe jwamkalambale kupitila mu maloŵe soni yitendo yakwe

• Yoh 19:26, 27—Yesu ali asigele panandi kuwa pa chitela chakulagasichila, ŵammŵendile Yohane kuti ŵasamalileje mamagwe ŵaŵaliji ŵakalambale