Isibonelo esiseBhayibhelini esingakusiza:

• Shu 12:1-8—Ngamazwi asankondlo, iNkosi uSolomoni ichaza izinkinga eziza nokukhula, njengokungaboni kahle emehlweni (‘izintokazi ezibuka ngaphandle emafasiteleni zithola kumnyama’) nokungezwa kahle ezindlebeni (“izintombi ezihlabelelayo sezizwakalela phansi”)

Izibonelo eziseBhayibhelini ezingakusiza:

• 1Sa 12:2, 23—Umprofethi uSamuweli osekhulile uyayazi indlela okubaluleke ngayo ukuthandazela abantu bakaJehova

• 2Sa 19:31-39—INkosi uDavide iyamazisa uBharizilayi osekhulile ngokuyisekela ngobuqotho futhi uBharizilayi ngokuzithoba uyavuma ukuthi kunezinto angeke asakwazi ukuzenza

• Hu 71:9, 18—INkosi uDavide isaba ukuthi uJehova ngeke esayisebenzisa ngakho iyamncenga ukuba ayiphe amandla futhi angayeki ukuyisebenzisa ukuze ifundise izizukulwane ezizayo ngoJehova

• Luk 2:36-38—Umprofethikazi ongumfelokazi osekhulile, u-Ana, uyabusiswa ngenxa yokukhonza kwakhe uNkulunkulu ngokuzinikela nangokwethembeka

Izibonelo eziseBhayibhelini ezingakusiza:

• Gen 12:1-4—Lapho u-Abrahama eseneminyaka engu-75, uJehova umnikeza isabelo esishintsha ukuphila kwakhe

• Dan 10:11, 19; 12:13—Ingelosi itshela umprofethi uDaniyeli, oneminyaka eyevile kwengu-90, ukuthi uyigugu kuJehova nokuthi uzobusiswa ngenxa yobuqotho bakhe

• Luk 1:5-13—UJehova ubusisa uZakariya no-Elizabethe ngendodana yabo uJohane ezalwa ngokuyisimangaliso

• Luk 2:25-35—UJehova unika uSimeyoni osekhulile ilungelo lokubona usana olwaluzoba uMesiya; uSimeyoni usho isiprofetho esiphefumulelwe esiphathelene noMesiya

• IzE 7:23, 30-36—Lapho umprofethi uMose eneminyaka engu-80, uJehova umenza umholi wabantu baKhe, ama-Israyeli

Izibonelo eziseBhayibhelini ezingakusiza:

• Gen 45:9-11; 47:12—UJosefa uyala ukuba kulandwe uyise osekhulile, uJakobe futhi umnakekela aze ashone

• Rut 1:14-17; 2:2, 17, 18, 23—URuthe usekela uNawomi osekhulile ngamazwi nangezenzo

• Joh 19:26, 27—Lapho efa esigxotsheni, uJesu ucela umphostoli amthandayo uJohane ukuba anakekele umama wakhe osekhulile