Biblu’n nun ndɛ mɔ be kwla uka e’n:

• Yol 13:​2-5; 14:23—Kɛ Pɔlu nin Baanabasi bé sínsín asɔnun’m be su’n, be sieli aniaan wie mun asɔnun kpɛnngbɛn. Like kunngba’n yɛ akpasua sunianfuɛ’m be yo i andɛ-ɔ. Be srɛ Ɲanmiɛn kɛ ɔ fɛ i wawɛ’n man be, yɛ be nian Ɲanmiɛn Ndɛ mɔ Ɲanmiɛn wawɛ’n yɛ maan be klɛli’n i nun kpa, be nian sɛ be kwla sie sran kun asɔnun sunianfuɛ-o.

• Tit 1:​1, 5—Pɔlu seli Titi kɛ ɔ sinsin asɔnun’m be su naan ɔ sie aniaan wie mun asɔnun kpɛnngbɛn.

Biblu’n nun ndɛ mɔ be kwla uka e’n:

• Yol 20:​17, 31-38—Ninnge nga akoto Pɔlu yo be mannin Efɛzi lɔ asɔnun kpɛnngbɛn mun’n ɔ fa kpɛnnin be wla. Be kusu be kleli kɛ be si klolɛ m’ɔ klo be’n i su ye.

 Biblu’n nun ndɛ mɔ be kwla uka e’n:

• Nee 5:​14-16—Kɛ mɔ nvle siefuɛ Neemin sro Zoova ti’n, w’a fɛmɛn i kwlalɛ’n w’a mianmianman nvlefuɛ mun. I kpa bɔbɔ’n like ng’ɔ fata kɛ be fa mɛn i’n, w’a mianman be kɛ be fa mɛn i.

• Zan 13:​12-15—Kɛ ɔ ko yo naan Zezi i sɔnnzɔnfuɛ’m b’a wun i wlɛ kɛ ɔ fata kɛ be kan be wun ase’n, i bɔbɔ kleli be ajalɛ.

Biblu’n nun ndɛ mɔ be kwla uka e’n:

• Mat 10:​5-20—Zezi kleli i akoto 12 be like ka naan w’a sunman be kɛ be ko bo jasin fɛ’n.

• Lik 10:​1-11—Zezi kleli i sɔnnzɔnfuɛ 70 be like kpa ka naan w’a sunman be kɛ be ko bo jasin fɛ’n.

Biblu’n nun ndɛ mɔ be kwla uka e’n:

• 1Fa 3:​9-12—Famiɛn Salomɔn srɛli Zoova kɛ ɔ mɛn i ngwlɛlɛ nin akunndan naan w’a kwla di Zoova i nvlefuɛ’m be jɔlɛ.

• 2Ɲo 19:​4-7—Famiɛn Zozafati sieli jɔlɛ difuɛ mun Zida klɔklɔ’m be su, yɛ ɔ seli be kɛ Zoova wá úka be naan b’a kwla di junman dan sɔ’n.

 Biblu’n nun ndɛ mɔ be kwla uka e’n:

• Yol 20:37—Efɛzi lɔ asɔnun kpɛnngbɛn’m be kleli akoto Pɔlu kɛ be klo i.

• Yol 28:​14-16—Kɛ akoto Pɔlu kɔ́ Rɔmun’n, aniaan nga be o klɔ sɔ’n su’n be tuli ajalɛ kilo kɔe 65 be ko kpɛli i atin Apiisi Gua Bo lɛ naan b’a wlɛ i fanngan kpa.