Tulama
Vyuma muka vatela kutesamo tulama muvikungulwilo?
Tulama muvikungulwilo vatela kupwa vakutalilaho hakutesamo vyuma vasakiwa vaka-Kulishitu?
Mat 28:19, 20; Nga 5:22, 23; 6:1; Efw 5:28; 6:4; 1Ch 4:15; 2Ch 1:14; Cht 2:12, 14; Hep 10:24, 25; 1Pe 3:13
Vyuma muka vatela kutesamo vaka-kuzachila?
Mwomwo ika natwambila ngwetu tulama veji kuvatongolanga nashipilitu yaKalunga?
Mijimbu yamuMbimbiliya yize nayimikafwa:
Vil 13:2-5; 14:23—Paulu naMbalanape vaze vapwile tulama vakujinguluka, vatongwelenga malunga vakulindunuka kupwa tulama muvikungulwilo vyakulisezaseza. Omu mukiko veji kulinganga natulama vakujinguluka makumbi ano, veji kulombanga Kalunga avahane shipilitu nakukekesa Visoneka mangana vamone vyuma vize atela kutesamo mutu, numba vamutongole kupwa kalama muchikungulwilo
Cht 1:1, 5—Chituse vamutongwele kupwa kalama wakujinguluka muvikungulwilo vyakulisezaseza, nakutongola tulama
Iya apwa mwenya chikungulwilo, kaha vachilanda nandando muka?
Mwomwo ika tulama vavavulukila ngwavo vaka-kuzachila vakwavo chipwe ngwetu vangamba?
Mwomwo ika tulama vatela kutwalaho lika kupwa vakulinyisa?
Fwi 1:1; 2:5-8; 1Te 2:6-8; 1Pe 5:1-3, 5, 6
Mijimbu yamuMbimbiliya yize nayimikafwa:
Vil 20:17, 31-38—Kaposetolo Paulu anukishile tulama muEfwesu milimo yize avazachililile hamyaka yayivulu, ngocho vasolwele muchima wakumusakwilila hazangi yenyi
Uno tulama vaka-Kulishitu vatela kumona ngachilihi jindongi jakufuma kuli “ndungo wakushishika wakuzangama”?
Jila muka yamwaza vatela kuzachisa tulama hakunangula vakwavo?
Mijimbu yamuMbimbiliya yize nayimikafwa:
Neh 5:14-16—Hakuwana nge nguvulu Nehemiya evwilenga Yehova woma nakumuvumbika, ngocho kazachishile ngolo jenyi mujila yakuhenga hakuyanjisa vatu jaKalunga chipwe kuvalila hamitweko
Yow 13:12-15—Yesu anangwile tumbaji twenyi chakutalilaho chamwaza hakupwa wakulinyisa
Uno kafunga muchikungulwilo nahase kusolwela ngachilihi zangi mutu himutu?
Uno tulama vanahase kukafwa ngachilihi vaze vanaviji kushipilitu?
Mulimo muka vatwama nawo tulama nge vali nakunangula?
1Ch 1:3-7; 2Ch 2:16-18; Cht 1:9
Talenu nawa 2Ko 11:2-4
Mwomwo ika tulama vatela kufwila kutwalaho lika kulingisa chikungulwilo kupwa chitoma?
1Ko 5:1-5, 12, 13; Yak 3:17; Yut 3, 4; Kus 2:18, 20
Talenu nawa 1Ch 5:1, 2, 22
Uno vakulwane muchikungulwilo veji kunangulanga veya?
Mijimbu yamuMbimbiliya yize nayimikafwa:
Mat 10:5-20—Yesu anangwile vaposetolo jenyi 12, shimbu kanda avatume mumulimo wakwambulula
Luk 10:1-11—Yesu ahanyine jindongi tumbaji 70, shimbu kanda avatume mumulimo wakwambulula
Vyuma muka vinahase kukafwa tulama vazate kanawa mulimo wavo?
Talenu nawa Vis 3:5, 6
Mijimbu yamuMbimbiliya yize nayimikafwa:
1My 3:9-12—Mwangana Solomone alombele Yehova amuhane kunangakana naushi wakuhandununa kuwaha nakupihya, mangana ayule kanawa vatu jaYehova
2Mi 19:4-7 —Mwangana Yehoshafwate atongwele vaka-kuyula mujinganda jaYuta nakuvanukisa ngwenyi Yehova mwapwa navakiko omu navazatanga mulimo kanou waulemu
Uno chikungulwilo chatela kumona ngachilihi tulama vakushishika?
1Te 5:12, 13; 1Ch 5:17; Hep 13:7, 17
Mijimbu yamuMbimbiliya yize nayimikafwa:
Vil 20:37—Vakulwane vamuEfwesu vasolwelele zangi kaposetolo Paulu
Vil 28:14-16—Omu kaposetolo Paulu apwile nakuya kuLoma vandumbwenyi vamusesele hakutambuka tunda yajikilomita kafwe 65, nakuheta kuchilanjilo chaApiu, nakumukolezeza chikuma