Yel-gɛtbã
Bõe la kiris-ned tõe n maan n wa tõog n yɩ kãsem-soab tigingã pʋgẽ?
Zĩ-bʋs wɛɛngẽ me la kãsem-dãmbã segd n kõ mak-sõngo?
Mat. 28:19, 20; Gal. 5:22, 23; 6:1; Efɛɛ. 5:28; 6:4; 1 Tɩm. 4:15; 2 Tɩm. 1:14; Tɩt 2:12, 14; Ebre. 10:24, 25; 1 Pɩy. 3:13
Bõe la kiris-ned tõe n maan n wa tõog n yɩ kãsem-sõngd tigingã pʋgẽ?
Bõe yĩng tɩ d tõe n yeel tɩ yaa ne vʋʋsem sõngã maasem la b yãkd saam-biisã tɩ b lebgd yel-gɛtb tigingã pʋgẽ?
-
Biiblã kibay sẽn tõe n sõng-yã:
-
Tʋʋ. 13:2-5; 14:23: A Poll ne a Barnabaas ra togda soay n kaagd tigimsã, n yãkd neb tɩ b lebgd kãsem-dãmb tigimsã pʋsẽ. Tigims sull yel-gɛtbã me maanda woto rũndã-rũndã. B pʋʋsdame n kos a Zeova t’a sõng-b ne a vʋʋsem sõngã maasem tɩ b tõog n bãng ned sã n sɩd bɩɩsda zʋg-sõma nins Gʋls-sõamyã sẽn wilgd tɩ kãsem-soab bɩ kãsem-sõngd segd n bɩɩsame wã.
-
Tɩt 1:1, 5 B ra yãka a Tɩt t’a gilgd n kãagd tigimsã, la a yãkd neb tɩ b lebgd kãsem-dãmba.
-
Kiris-neb tigingã yaa ãnd n so, la b raa tigingã ne bõe?
Bõe yĩng tɩ b boond yel-gɛtbã Biiblã pʋgẽ tɩ tʋm-tʋmdba?
Bõe yĩng tɩ yel-gɛtbã segd n yɩ sik-m-mens rãmba?
Fili. 1:1; 2:5-8; 1 Tes. 2:6-8; 1 Pɩy. 5:1-3, 5, 6
-
Biiblã kibay sẽn tõe n sõng-yã:
-
Tʋʋ. 20:17, 31-38: A Poll tẽega Efɛɛz tigingã kãsem-dãmb bũmb ning yẽ sẽn maan n sõng-bã, la bãmb me wilga a Poll tɩ b sũur nooma ne a sẽn wilg t’a nong-b lame la tɩ b yell pak-a lame wã.
-
Tigingã yel-gɛtb manesem yaa wãn ne noy la sagls nins “tʋm-tʋmd sẽn tũud sɩd la sẽn tar yamã” sẽn kõtã?
Bõe la yel-gɛtbã tõe n maan n zãms b taabã tɩ naf-b n yɩɩda?
-
Biiblã kibay sẽn tõe n sõng-yã:
-
Nee. 5:14-16: Guvɛrneer a Neemi sẽn da waoogd a Zeova ne a sũur fãa wã yĩnga, a pa tũnug ne a zu-sobendã n weoog a Zeova nin-buiidã ye. A pʋd n pa reeg bũmb ning a sẽn da tar sor n na n deegã ye.
-
Zã 13:12-15: A Zeezi yɩɩ sik-m-meng soaba, n na n wilg a karen-biisã tɩ bãmb me segd n yɩɩ sik-m-mens rãmba.
-
Wãn to la yel-gɛt tõe n maan n wilg t’a nonga tigingã ned kam fãa?
Wãn to la kãsem-dãmbã sõngd neb nins sẽn dat sõngre, sẽn na yɩl n le paam zood sõma ne a Zeova wã?
Kãsem-dãmbã sã n wa zãmsd tigingã nebã, bõe la b segd n maane?
Bõe yĩng tɩ kãsem-dãmbã segd n modg n ges tɩ tigingã kell n yɩ yɩlemde?
Ãnd dãmb la kãsem-dãmbã sõngd tɩ b paamd minim?
-
Biiblã kibay sẽn tõe n sõng-yã:
-
Mat. 10:5-20: A Zeezi zãmsa a tẽn-tʋmdb 12, n yaool n na n tʋm-b tɩ b tɩ moon koɛɛgã.
-
Luk 10:1-11: A Zeezi kõo a karen-biis 70 noy takɩ, n yaool n na n tʋm-b tɩ b tɩ moon koɛɛgã.
-
Bõe n tõe n sõng kãsem-dãmbã tɩ b tõog n tʋm b tʋʋmã sẽn yaa wʋsgã sõma?
Ges-y Yel. 3:5, 6.
-
Biiblã kibay sẽn tõe n sõng-yã:
-
1 Rĩm. 3:9-12: Rĩm a Salomo pʋʋsa a Zeova n kos yam ne bãngre, sẽn na yɩl n tõog n bʋ a Zeova nin-buiidã wa sẽn segde.
-
2 Kib 19:4-7: Rĩm a Zozafat yãka bʋ-kaoodb Zida tẽnsã fãa pʋsẽ, n tẽeg-b t’a na n zĩnda ne-ba, n sõng-b tɩ b tõog n tʋm b tʋʋmdã sẽn tar yõod wʋsgã.
-
Tigingã nebã manesem segd n yɩɩ wãn ne tigingã yel-gɛtbã?
1 Tes. 5:12, 13; 1 Tɩm. 5:17; Ebre. 13:7, 17
Ges-y Efɛɛ. 4:8, 11, 12.
-
Biiblã kibay sẽn tõe n sõng-yã:
-
Tʋʋ. 20:37: Efɛɛz tigingã kãsem-dãmb wilga tẽn-tʋmd a Poll vẽeneg tɩ b nong-a lame.
-
Tʋʋ. 28:14-16: Tẽn-tʋmd a Poll sẽn wa n togd sor n dabd Rommã, saam-biis n yi Rom n maan kilo 65 n wa sɛg-a Apiyus raagẽ wã, n keng a raood sõma.
-
Découvrez aussi…
A ZEEZI YAA SORE, LA SƖDA, LA VƖƖM
A Zeezi waasa a tʋm-tʋmdbã nao
A tʋma tʋʋmd sẽn yaa yamb tʋʋmde, tɩ ling a tʋm-tʋmdbã.
A ZEEZI YAA SORE, LA SƖDA, LA VƖƖM
A Zeezi moondame la a zãmsd a tʋm-tʋmdbã rẽ
Bõe yĩng t’a Zeezi yeel tɩ ‘saasẽ soolem kolgame’?
A ZEEZI YAA SORE, LA SƖDA, LA VƖƖM
A Zeezi tʋma karen-biis 70 tɩ b tɩ moon koɛɛgã
Zʋʋde, a Zeezi tʋma neb 70, n yeel-b tɩ b tɩ moon rĩungã koɛɛgã. Yɛ la karen-biisã ra tog n moone? Karen-dotẽ wã bɩ, bɩ zagsã pʋsẽ?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
