Jilawo alo Ajitɔ koɖo Ajinɔwo
Susu ɖewo ciwo yí dɔ Yehowa ɖo alɔleleɔ?
Lé jilawo ɖo akpɔnɔ wowo viwo doɔ?
Gbekpɔ “Ðeviwo; Jajɛwo”
-
Bibla mɛ kpɔwɛ ciwo yí atɛnŋ akpedo eo nu:
-
Gɔnm 33:4, 5—Ʒakɔbu kpɔnɔ viɛwo mɔ wonyi enunana so Yehowa gbɔ
-
Hun 1:15, 16, 22; 2:1-4; 6:20—Amramu koɖo Ʒokebɛdi ji Moizi, yí wosɔ wowo gbe do afɔku mɛ keŋ yí glɔn ta ni
-
Nyi jilawo ɖo awa nɔ wowo viwoɔ?
2Ese 6:6, 7; 11:18, 19; Elo 22:6; 2Kor 12:14; 1Tim 5:8
-
Bibla mɛ kpɔwɛ ciwo yí atɛnŋ akpedo eo nu:
-
1Sam 1:1-4—Ɛlkana kplɔnɔ yi xomu yi Mawu sɛngbe le Shilo. Étenɔkpɔ nɔ eviɛwo anɔ koɖi asɛn Yehowa
-
Luiki 2:39, 41—Ʒozɛfu koɖo Mari sɔ kpe nɔ wowo viwo zɔnnɔ mɔ xweshiaxwe so Nazarɛti yi Ʒerusalɛmu nɔ Paki xweɖuɖu
-
Nyi yí taɖo enyɔ mɔ woana kpla ɖeviwo nɔ woase tonu nɔ Yehowaɔ?
Gbekpɔ 2Tim 3:14, 15
-
Bibla mɛ kpɔwɛ ciwo yí atɛnŋ akpedo eo nu:
-
1Sam 2:18-21, 26; 3:19—Samiɛli jilawo sɔɛ na nɔ asumɔ le avɔnzava lɔ mɛ, gan wovayi yɔɛni kpɔ blaŋblaŋ yí kpɔnɔ yi ʒan gbɔ; ci eshin ɔ, évalɔn Yehowa yí sinni le egbejinɔnɔ mɛ
-
Luiki 2:51, 52—Yesu kpɔtɔ senɔ tonu nɔ dalɔ koɖo nɔlɔ ci wonyi nuvɔnmɛwo can
-
Fini jilawo atɛnŋ akpɔ emɔdasɛnamɛwo le keŋ asɔ hɛn wowo viwoɔ?
2Ese 6:4-9; Efe 6:4; 2Tim 3:14-17
Gbekpɔ Eha 127:1; Elo 16:3
-
Bibla mɛ kpɔwɛ ciwo yí atɛnŋ akpedo eo nu:
-
Koj 13:2-8—Ci mawudɔla ɖeka nu nɔ Manoa mɔ Yehowa acu shi nɔ yɛ koɖo ashiɛ yí woaji evi ŋsuviɔ, ébiɔ Yehowa se mɔ lé yewoahɛn ɖevi lɔ do ma
-
Eha 78:3-8—Yehowa ji mɔ vida koɖo vinɔwo le kpla enu ciwo wowoŋtɔwo jeshi le Bibla mɛ wowo viwo
-
Nɔ ɖevi ɖe shin le xomu ci yí lɔn Yehowa mɛ can ɖe, nyi yí taɖo avagbe dru mɔ yedagbesɛn Yehowaɔ?
-
Bibla mɛ kpɔwɛ ciwo yí atɛnŋ akpedo eo nu:
-
Gɔnm 6:1-5; Ʒuda 6—Ci mawudɔlawo le koɖo Yehowa le jeŋkwi mɛ exwe nabiɖe can ɔ, sugbɔ le wo mɛ vaɖui yí fɔn gu
-
1Sam 8:1-3—Ci Samiɛli nyi enyɔnuɖɛtɔ egbejinɔtɔ ci yí wanɔ enujɔjɔɛ can ɔ, eviɛwo vawanɔ enuficifici koɖo enumajɔmajɔ
-
Hwenu jilawo ɖo atɔ enu ci Mawu ji mɔ wo le wa kplakpla wowo viwoɔ?
-
Bibla mɛ kpɔwɛ ciwo yí atɛnŋ akpedo eo nu:
-
2Ese 29:10-12, 29; 31:12; Ezra 10:1—Nɔ Izraɛliviwo bɔ yí akpla nu so Yehowa nuɔ, wokplɔnɔ wowo viwo va hɛnnɛ nɔ wowo can akpla nu lɔwo
-
Luiki 2:41-52—Xweshiaxweɔ, Ʒozɛfu koɖo Mari kplɔnɔ Yesu koɖo wowo vi kpɛtɛwo yi gbedoxɔ mɛ le Ʒerusalɛmu nɔ Paki xweɖuɖu
-
Nɔ jilawo glɔnglɔn ta nɔ wowo viwo nɔ mɛ ciwo yí atɛnŋ awa nuvevi koɖo wo ŋgbewa ŋɖe nɔ wo ɖe, miwotɔ han woɖo awaɔ?
-
Bibla mɛ kpɔwɛ ciwo yí atɛnŋ akpedo eo nu:
-
Hun 19:4; 2 Ese 32:11, 12—Yehowa sɔ yiɖeki sɔ koɖo ehɔn ci yí kɔkɔnɔ eviɛwo, glɔnnɔ ta nɔ wo yí lenɔ bu nɔ wo
-
Ezai 49:15—Yehowa ɖo gbe mɔ yeale bu nɔ ye sɛntɔwo yí aglɔn ta nɔ wo keke awu lé vinɔ ci yí dokɔ anɔ nɔ eviɛ senɔ vevi do nu nɛ
-
Mat 2:1-16—Satana tekpɔ mɔ yeawu vifin Yesu yí kplɔ wlecivimɛfankantɔwo yi Efyɔ vwin Erodi gbɔ, gan Yehowa nu nɔ Ʒozɛfu mɔ yi le kplɔ yi xomu yi Eʒipti yí sɔ glɔn ta nɔ eviɛ
-
Mat 23:37—Yesu sɔ lé eji veviɖe mɔ yeaglɔn ta nɔ ye mɛwo sɔ koɖo lé kloklonɔ bɔnɔ eviɛwo yí glɔnnɔ ta nɔ wo do yi wawo gɔnmɛ hannɛ
-
Nyi yí taɖo jilawo ɖo akpla nu wowo viwo so gbɔdɔndɔn nyɔwo nuɔ?
-
Bibla mɛ kpɔwɛ ciwo yí atɛnŋ akpedo eo nu:
-
1Ese 15:2, 3, 16, 18, 19; 2Ese 31:10-13—Moizi Se lɔ xonɔ nuxu so gbɔdɔndɔn nyɔwo nu, vɔ Yehowa nu mɔ ɖeviwo le ni hwenu woakɔ gbe yi ji ahlɛnkɔ Se lɔ
-
Eha 139:13-16—Ehakpatɔ Davidi kanfu Yehowa so lé ewa agbetɔ lankpu lɔ do nu koɖo enujikpekpe ci agbetɔ ɖo yí jinɔ evi
-
Elo 2:10-15—Enujejeshi koɖo nunya ci yí so Yehowa gbɔ atɛnŋ aglɔn ta nɔ mì so enubaɖawatɔwo koɖo amɛbletɔwo shi
-
Nyi yí taɖo jilawo ɖo asɔ lɔnlɔn dɔn to nɔ wowo viwoɔ?
Elo 13:24; 29:17; Ʒer 30:11; Efe 6:4
Gbekpɔ Eha 25:8; 145:9; Kol 3:21
-
Bibla mɛ kpɔwɛ ciwo yí atɛnŋ akpedo eo nu:
-
Eha 32:1-5—Yehowa dɔn to nɔ Efyɔ Davidi do yi nuvɔnwo ji, vɔ éfa akɔn nɔ Davidi ci enya mɔ Yehowa sɔ nuvɔnwo kenɔ mɛ ciwo yí trɔ ji mɛ nyɔnɔnwitɔ
-
Ʒon 4:1-11—Enyɔnuɖɛtɔ Ʒonasi sɔ dɔmɛzi xo nuxu nɔ Yehowa amɛmabutɔ, gan Yehowa sɔ jigbɔnɖɛ xo nuxu ni. Enu cɛ kpla nu Ʒonasi so ŋshishikuku Yehowa tɔ nu
-
Nyi yí taɖo mìatɛnŋ anu mɔ etodɔndɔn nyi emɔ ɖeka ci ji jilawo ato adasɛ mɔ yewolɔn yewo viwoɔ?
Gbekpɔ Elo 15:32; Enyɔ 3:19
Ebuwo Ke
MIWO MÌNYIƆ?
Biɔ Bibla Nukplakpla
Kan seŋ so Bibla nyɔbiɔse ɖe nu alo kpla nubuwo so Yehowa kunuɖetɔwo nu.
