Wawani awk taykanaka
¿Kuna amtampis Jehová Diosajj matrimonio uttʼayawayi?
¿Kunjamsa awk taykanakajj wawanakapar uñjapjjañapa?
“Wawanaka; wayn tawaqonaka” sat yatichäwi uñjjattʼarakïta.
-
Bibliankir aka sarnaqäwinakaw yanaptʼistaspa:
-
Gé 33:4, 5. Jacob chachatakejja, wawanakapajj Jehová Diosan mä bendicionapänwa.
-
Éx 1:15, 16, 22; 2:1-4; 6:20. Moisesan Amram ukat Jokébed awk taykapajja, Moisesar jarkʼaqañatakejj niyaw vidanakaps aptʼasipjjäna.
-
¿Kunanaksa awk taykanakajj wawanakap laykojj lurapjjañapa?
Dt 6:6, 7; 11:18, 19; Pr 22:6; 2Co 12:14; 1Ti 5:8
-
Bibliankir aka sarnaqäwinakaw yanaptʼistaspa:
¿Kunatsa wawanakarojj Jehová Diosar istʼapjjañapatak yatichasiñapa?
2Ti 3:14, 15 uñjjattʼarakïta.
-
Bibliankir aka sarnaqäwinakaw yanaptʼistaspa:
-
1Sa 2:18-21, 26; 3:19. Samuelun awk taykapajja tabernaculon serviñapatakiw jiskʼatpach jupar apapjjäna, ukampis sapa maraw visitir sarapjjerïna, kunanaktï Samuelitojj necesitkäna ukanaks aparapipjjarakirïnwa. Tiempompejja Samuelojj Diosar serviñan nayraruw sartäna.
-
Lu 2:51, 52. Jesusajj imperfecto awk taykaparojj taqe chuymaw istʼäna.
-
Wawanakar sum uywañatakejja, ¿kawkinsa awk taykanakajj suma ewjjtʼanak jikjjatapjjaspa?
Sl 127:1; Pr 16:3 uñjjattʼarakïta.
-
Bibliankir aka sarnaqäwinakaw yanaptʼistaspa:
-
Jue 13:2-8. Manóah chachajj mä milagro toqe esposapan usuriptañap yatïna ukhajja, ‘naskani uka wawarojj kunjamsa uywapjjä uk nanakar’ yatiyapjjeta sasaw Diosar ruwtʼasïna.
-
Sl 78:3-8. Awk taykanakajja kuntï Bibliat yateqawayapki ukanak wawanakapar yatichapjjañapwa Jehová Diosajj muni.
-
Diosar munasiri familia taypin jilskasasa, ¿kunatsa yaqhep wawanakajj Jehová Diosar jan serviñ amtapjjaspa?
-
Bibliankir aka sarnaqäwinakaw yanaptʼistaspa:
-
Gé 6:1-5; Jud 6. Jehová Dios contra saytʼawayapki uka angelanakajja, walja waranqa maranakaw Diosamp chik alajjpachan jakapjjäna.
-
1Sa 8:1-3. Samuel chachajj cheqaparjam taqe kuns uñjiri, Diosar taqe chuym servir profetänwa, ukampis yoqanakapajj jan wali jaqenakäpjjänwa, janirakiw cheqaparjam juzgapkänti.
-
Awk taykanakajja, ¿kunatsa wawanakaparojj wawatpach Diosan leyinakap yatichañ qalltapjjañapa?
-
Bibliankir aka sarnaqäwinakaw yanaptʼistaspa:
-
Dt 29:10-12, 29; 31:12; Esd 10:1. Israelitanakajj Jehová Diosat yateqañatak tantachasipjjerïkäna ukhajja, wawanakaparuw Diosat yateqapjjañapatakejj irpapjjerïna.
-
Lu 2:41-52. Joseampi Mariampejj Jerusalén markar Pascua fiestar sarapjjerïkäna ukhajja, Jesusampiru mayni wawanakapampiruw irpapjjarakirïna.
-
Wawanakapar jan walinakat jarkʼaqañatakejja, ¿awk taykanakajj khitinakatsa yateqasipjjaspa?
-
Bibliankir aka sarnaqäwinakaw yanaptʼistaspa:
-
Éx 19:4; Dt 32:11, 12. Jehová Diosajj mä pakar uñtasitaw servirinakaparojj chheqanakap ayatatasin chheqanakapamp katthapi, sumwa jupanakarojj cuidi, jan walinakatsa jarkʼaqarakiwa.
-
Is 49:15. Jehová Diosajj kunjamsa servirinakapar cuidi jan walinakatsa jarkʼaqaraki uka toqet parlkasajja, ‘mä warmejj wawapat armaskchinisa, janipuniw nayajj jumat armaskäti’ sasaw Diosajj mä promesan arsuwayi.
-
Mt 2:1-16. Jesusajj naskäna ukhajja, Supayajj Herodes jan wali reyimpiw jiwayañ munäna. Ukampis Jehová Diosaw Yoqapar jarkʼaqäna, “sartam, wawampir mamapampir irpjjarusin Egiptor sarjjam” sasaw Josear sarakïna.
-
Mt 23:37. Diosan markapar yanaptʼañ qhawqsa munäna uka toqet parlkasajja, kunjamsa wallpajj chhiwchhinakapar chheqa manqhapar jawsthapi ukat jarkʼaqaraki uka toqetwa Jesusajj parläna.
-
¿Kunatsa awk taykanakajj ikintasiñ toqet wawanakapar parlapjjañapa?
-
Bibliankir aka sarnaqäwinakaw yanaptʼistaspa:
-
Le 15:2, 3, 16, 18, 19; Dt 31:10-13. Moisesan Leyipanjja chacha warmjam ikthapiñ toqet qhanwa parläna, kunapachatï uka Leyejj jaqenak nayraqatan liytʼaskäna ukhas wawanakajj ukankapjjarakïnwa.
-
Sl 139:13-16. Jaqejj kunjam lurtʼatasa uka toqetwa Davidajj Salmos libron Jehová Diosar jachʼañchäna, kunjamatsa mä jaqejj utji uka toqetsa parlarakïnwa.
-
Pr 2:10-15. Maysar qʼala qʼewinukut thaknam sarapki uka jaqenakatsa, jan wali jaqenakan trampapatsa kunjamsa jarkʼaqassna ukatakejja, Jehová Diosajj amuytʼasirïñampi yatiñanïñampi churistu.
-
¿Kunatsa wawanakarojj munasiñamp cheqañchasiñapa?
Pr 13:24; 29:17; Jer 30:11; Ef 6:4
Sl 25:8; 145:9; Col 3:21 uñjjattʼarakïta.
-
Bibliankir aka sarnaqäwinakaw yanaptʼistaspa:
-
Sl 32:1-5. Davidatakejj Jehová Diosamp cheqañchatäñajj janiw faciläkänti, ukampis arrepentisitapat juchanakap Diosajj perdonkäna ukhajja wali chuymachtʼataw jikjjatasïna.
-
Jon 4:1-11. Jonás profetajj wali coleratas Jehová Diosar parlkchïnjja, Diosajj pacienciampiw jupar istʼäna, kunatsa khuyapayasiñajj wakisi uks yaticharakïnwa.
-
Awk taykanakajj wawanakapar munasipjjatap laykuw cheqañchi sasajj ¿kunatsa sissna?
Akanakajj inas gustarakiristam
¡SARTAPJJAÑÄNI!
Familian sum jakasiña: Luratasamp yatichaña
Awk taykanaka, wawanakaman istʼasirïpjjañap munapjjstajja, yatichapkta ukarjamaw sarnaqapjjañama.
YATIYAÑATAKI (CONGREGACIONAN YATJJATAÑATAKI)
Awk taykanaka wawanakamarojj jiskʼatpach yatichapjjam
¿Kunapachas awk taykanakajj wawanakapar yatichañ qalltapjjañapa? ¿Kunjamsa uk lurapjjaspa?
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
