Siɛ nin niɛn mun
?Ninnge benin wie mun ti yɛ Zoova kpɛli aja’n i ba-ɔ?
?Wafa sɛ yɛ ɔ fata kɛ siɛ nin niɛn’m be bu be mma mun-ɔn?
Nian ndɛ “Ba mun; Gbanflɛn nin talua mun” i nun wie.
-
Biblu’n nun ndɛ mɔ be kwla uka e’n:
-
Bob 33:4, 5—Zakɔbu buli i mma’m be kɛ be ti like mɔ Zoova fa cɛli i-ɔ.
-
Tul 1:15, 16, 22; 2:1-4; 6:20—Amramun nin i yi Zokebɛdi be sasali be wa Moizi. I sɔ yolɛ nun’n, be fali be nguan sieli i wie nuan.
-
?Ngue yɛ ɔ fata kɛ siɛ nin niɛn’m be yo man be mma mun-ɔn?
Mml 6:6, 7; 11:18, 19; Ɲan 22:6; 2Ko 12:14; 1Ti 5:8
-
Biblu’n nun ndɛ mɔ be kwla uka e’n:
-
1Sa 1:1-4—Ɛlkana fɛli i awlofuɛ mun ɔli Zoova sulɛ Silo lɔ. Afin ɔ kunndɛli kɛ i mma’m be kusu be su Zoova wie.
-
Lik 2:39, 41—Afuɛ kwlaa’n, Zozɛfu nin Mari nin be mma mun be fɛ i Nazarɛti lɛ be kɔ Zerizalɛmun lɔ be ko di Delɛ Cɛn’n.
-
?Kɛ siɛ nin niɛn’m be ta be mma mun Zoova i liɛ’n su’n, i su ye benin yɛ be ɲɛn i-ɔ?
Nian 2Ti 3:14, 15 nun wie.
-
Biblu’n nun ndɛ mɔ be kwla uka e’n:
-
1Sa 2:18-21, 26; 3:19—Samiɛli i si nin i nin be fɛ i mannin Zoova naan ɔ di junman i tannin sua’n nun lɔ. Sanngɛ be ko niɛnnin i osu titi yɛ be niɛnnin i lika wie. I ti’n ɔ kloli Zoova yɛ ɔ suli i kpa.
-
Lik 2:51, 52—Kannzɛ fɔ o Zezi i si nin i nin be nun’n, sanngɛ i ɲin yili be titi.
-
?Nin yɛ siɛ nin niɛn’m be kwla ɲan afɔtuɛ kpakpa mun naan b’a ta be mma’m be kpa-ɔ?
Mml 6:4-9; Efɛ 6:4; 2Ti 3:14-17
Nian Ju 127:1; Ɲan 16:3 be nun wie.
-
Biblu’n nun ndɛ mɔ be kwla uka e’n:
-
Jɔl 13:2-8—Kɛ Zoova i anzi’n seli Manoa kɛ i yi wá wú ba yasua kun’n, ɔ seli Zoova kɛ ɔ kle i wafa ng’ɔ kwla tɛ i kpa’n.
-
Ju 78:3-8—Zoova kunndɛ kɛ siɛ nin niɛn’m be fa Ɲanmiɛn ndɛ nga be si i’n be kle be mma mun.
-
?Kannzɛ be ta ba kun kɛ nga Zoova fa klo’n sa’n, sanngɛ ngue ti yɛ ba sɔ’n kwla se kɛ ɔ suman Zoova wie-ɔ?
-
Biblu’n nun ndɛ mɔ be kwla uka e’n:
-
Bob 6:1-5; Zid 6—Kannzɛ anzi wie’m be nin Zoova be trannin ɲanmiɛn su lɔ afuɛ kpanngban kpa’n, sanngɛ be kacili be sin sili i.
-
1Sa 8:1-3—Kannzɛ Ɲanmiɛn nuan ijɔfuɛ Samiɛli suli Ɲanmiɛn kpa yɛ ɔ nantili seiin’n, sanngɛ i mma’m be dili sran lufle yɛ be sɔli adi ninnge’m be nun.
-
?Blɛ benin nun yɛ ɔ fata kɛ siɛ nin niɛn’m be bo be mma’m be Zoova i su like klelɛ bo-ɔ?
-
Biblu’n nun ndɛ mɔ be kwla uka e’n:
-
Mml 29:10-12, 29; 31:12; Ɛsd 10:1—Kɛ Izraɛlifuɛ be yia mɔ be suan Zoova i su like’n, be mma’m be o lɛ wie.
-
Lik 2:41-52—Afuɛ kwlaa’n, kɛ Zozɛfu nin Mari bé kɔ́ Zerizalɛmun lɔ Delɛ Cɛn’n i dilɛ’n be fa be mma mun yɛ be kɔ-ɔ. Zezi o be nun wie.
-
?Siɛ nin niɛn’m be mma’m be sasalɛ nun’n, wan i ajalɛ liɛ’n su yɛ ɔ fata kɛ be nian-ɔn?
-
Biblu’n nun ndɛ mɔ be kwla uka e’n:
-
Tul 19:4; Mml 32:11, 12—Zoova fɛ i wun sunnzun anunman ɲin m’ɔ niɛn i mma’m be lika yɛ ɔ sasa be’n.
-
Eza 49:15—Zoova tali nda kɛ wafa ng’ɔ́ níɛn i sufuɛ’m be lika m’ɔ́ sásá be’n, ɔ́ trá wafa nga bla ta kun fa niɛn i wa’n i lika’n bɔbɔ.
-
Mat 2:1-16—I nun mɔ Zezi te yo ba nɔnman’n, Satan kunndɛli kɛ ɔ́ kún i. Yɛle kɛ ɔ kleli nzraama kannganfuɛ wie’m be atin lele be juli Famiɛn Erɔdu klunwifuɛ’n i awlo lɔ. Sanngɛ Zoova sɛsɛli i Wa’n. Ɔ seli Zozɛfu kɛ ɔ fɛ i awlobo’n wɔ Ezipti.
-
Mat 23:37—Zezi fɛli i wun sunnzunnin akɔta kun m’ɔ yiɛyiɛ i mma mun i ndɛwa’m be bo naan ɔ́ sásá be’n. Afin ɔ kunndɛli kpa kɛ ɔ́ úkɛ i nvle’n nunfuɛ mun.
-
?Ngue ti yɛ ɔ fata kɛ siɛ nin niɛn’m be kan bian nin bla nna ndɛ be kle be mma mun-ɔn?
-
Biblu’n nun ndɛ mɔ be kwla uka e’n:
-
San 15:2, 3, 16, 18, 19; Mml 31:10-13—Moizi Mmla’n nun’n, be kannin bian nin bla nna’n i ndɛ weinwein. Yɛ kɛ bé kánngan mmla sɔ’n nun’n, Zoova kunndɛli kɛ ba kanngan’m be tie wie.
-
Ju 139:13-16—Jue tofuɛ Davidi manmannin Zoova afin ɔ wunnin kɛ Zoova yili e wunnɛn’n ɔ nin i likalika nga be yo maan e kwla wu ba’n be kpa.
-
Ɲan 2:10-15—Sɛ e si Zoova i nuan ndɛ’n yɛ sɛ ɔ kle e ngwlɛlɛ’n, i sɔ’n sásá e sran tɛ’m be lika.
-
?Ngue ti yɛ ɔ fata kɛ siɛ nin niɛn’m be tu be mma’m be fɔ klolɛ su-ɔ?
Ɲan 13:24; 29:17; Zer 30:11; Efɛ 6:4
Nian Ju 25:8; 145:9; Kol 3:21 be nun wie.
-
Biblu’n nun ndɛ mɔ be kwla uka e’n:
-
Ju 32:1-5—Kannzɛ Zoova tuli Famiɛn Davidi i fɔ kekle kpa’n, sanngɛ kɛ ɔ wunnin i wlɛ kɛ Zoova yaci be nga be sa tɛ’n yo be nsisɔ’n cɛ be’n, i wla guali ase.
-
Zon 4:1-11—Kɛ Ɲanmiɛn nuan ijɔfuɛ Zonasi kán ndɛ klé Zoova’n, w’a kɛnmɛn i aɲinyiɛ su yɛ ɔ kɛnnin i ya su. Sanngɛ Zoova trɛli i awlɛn i wun yɛ ɔ kleli i aunnvɔɛ silɛ’n i su like.
-
?Ngue ti yɛ e kwla se kɛ, kɛ siɛ nin niɛn’m be tu be mma’m be fɔ’n, i sɔ’n kle kɛ be klo be-ɔ?
Nian Ɲan 15:32; Ngl 3:19 be nun wie.