Evbibiẹ Emọ
De emwi eso nọ ya e Jehova mu orọnmwẹ gbọọ?
Gẹn 1:27, 28; 2:18, 20-24
De aro nọ khẹke ne evbibiẹ emọ ya gha ghee ivbi iran?
Psm 127:3-5; 128:3
Vbe ya ghee “Ibiẹka; Igbama”
-
Igiemwi ni rre Baibol ni gha sẹtin ru iyobọ nuẹn:
-
Gẹn 33:4, 5—E Jekọb kegha ghee ivbi ẹre zẹvbe afiangbe nọ ke obọ e Jehova rre
-
Ẹks 1:15, 16, 22; 2:1-4; 6:20—Amram kevbe Jokebẹd ọre evbibiẹ e Mozis; iran keghi mu egbe ne iran ya wu, ne iran mieke na gbogba ga e Mozis
-
De emwi nọ khẹke ne evbibiẹ emọ ru ne ivbi iran?
Diut 6:6, 7; 11:18, 19; Itan 22:6; 2 Kọr 12:14; 1 Tim 5:8
-
Igiemwi ni rre Baibol ni gha sẹtin ru iyobọ nuẹn:
-
1 Sam 1:1-4—Ẹghẹ ke ẹghẹ ne Ivbi Izrẹl ya gha do ugie vbe Siailo, Ẹkena ghi viọ ẹgbẹe ọre gha khian; ọ ghi gha hoo ne ivbi ẹre hia deba ẹre ga e Jehova
-
Luk 2:39, 41—Ukpukpo, e Josẹf vbe Meri ghi ke Nazarẹt viọ ivbi iran gha rrie Jerusalẹm, ne iran ya do ugie Alagberra vbe odọ
-
De ere nọ rrọọ adeghẹ a na koko emọ vbe odẹ ọghe Jehova?
Itan 1:8, 9; 22:6
Vbe ya ghee 2 Tim 3:14, 15
-
Igiemwi ni rre Baibol ni gha sẹtin ru iyobọ nuẹn:
-
1 Sam 2:18-21, 26; 3:19—Evbibiẹ e Samuẹl keghi mu e Samuẹl gha rrie ibọkpọ ọghe ugamwẹ, iran na we nọ gha ga vba, sokpan, iran na vbe gha mu otuẹ gie ẹre vbe ẹghẹ hia, iran ghi vbe viọ emwi nọ gualọ nẹẹn; e Samuẹl na do waan, ọ na gha ya ẹkoata ga e Jehova
-
Luk 2:51, 52—Te Jesu wa gha họn ẹmwẹ ne evbibiẹ ọre, agharhemiẹn wẹẹ, ọ ma gba ne iran fo
-
De emwi nọ khian ru iyobọ ne evbibiẹ emọ, ne iran ya sẹtin koko ivbi iran ẹse?
Diut 6:4-9; Ẹfis 6:4; 2 Tim 3:14-17
Vbe ya ghee Psm 127:1; Itan 16:3
-
Igiemwi ni rre Baibol ni gha sẹtin ru iyobọ nuẹn:
-
Giọg 13:2-8—Vbe odibosa ghi tama e Manoa wẹẹ, ọvbokhan rẹn gha biẹ ọmokpia vbe odẹ ọghe ọyunnuan, e Manoa na rinmwian e Jehova nọ ru iyobọ ne iran ya sẹtin koko ọmọ nii ẹse
-
Psm 78:3-8—E Jehova hoo ne evbibiẹ emọ gha ma ivbi iran, emwi ne iran rẹnrẹn vbe Ebe Nọhuanrẹn
-
Ọ gha khọnrẹn na koko ọmọ waan vbe owa na na ga e Jehova, ọmọ nii gha sẹtin sẹ e Jehova rae ra? Vbọzẹ nọ gha na sẹtin sunu vberriọ?
Ẹzik 18:1-13, 20
-
Igiemwi ni rre Baibol ni gha sẹtin ru iyobọ nuẹn:
-
Gẹn 6:1-5; Jud 6—Agharhemiẹn wẹẹ, ukpo nibun nai sẹtin ka, ẹre avbe odibosa he ya gu e Jehova gha rrọọ vbe ẹrinmwi, iran nibun na ye sọtẹ daa e Jehova
-
1 Sam 8:1-3—Agharhemiẹn wẹẹ, akhasẹ nọ ya ẹkoata ga e Jehova ẹre Samuẹl ghaa khin, ivbi ẹre kegha re emọ ni ma rẹn enegbe kevbe ni fi ibeleku
-
De ẹghẹ nọ khẹke ne evbibiẹ emọ ya suẹn gha ma ivbi iran emwi vbekpa Osanobua?
-
Igiemwi ni rre Baibol ni gha sẹtin ru iyobọ nuẹn:
-
Diut 29:10-12, 29; 31:12; Ẹzr 10:1—Ẹghẹ ke ẹghẹ ne Ivbi Izrẹl ya si egbe koko ne iran do ruẹ emwi vbekpa e Jehova, iran ghi vbe viọ ivbi iran lele egbe
-
Luk 2:41-52—Ukpukpo ẹre Josẹf vbe Meri ya gha viọ e Jesu kevbe ivbi iran nikẹre lele egbe yo ọgua Osa nọ rre Jerusalẹm, ne iran ya do ugie Alagberra
-
De igiemwi ọghe emwa nọ khẹke ne evbibiẹ emọ lele, vbọ gha de ọghe na gbogba ga emọ vbe obọ emwa ni gha sẹtin kuan iran?
-
Igiemwi ni rre Baibol ni gha sẹtin ru iyobọ nuẹn:
-
Ẹks 19:4; Diut 32:11, 12—E Jehova keghi ya egbe ẹre gie oghohọn nọ ya ifuẹn mu ivbi ẹre kevbe nọ gbaroghe iran
-
Aiz 49:15—E Jehova yan rẹn wẹẹ, irẹn gha gbaroghe eguọmwadia ẹre; ọ na kue kha wẹẹ, agiẹngiẹn ne irẹn mwẹ ne eguọmwadia irẹn, sẹ ne iye ọmọ mwẹ ne ọmọ nọ da biẹ
-
Mat 2:1-16—Vbe Jesu ye rre ọmọmọ, Setan kegha hoo nọ gbe ẹre rua; ọ na gie odẹ ma avbe ọbo ni tie orhọnmwẹ, ne iran mieke na ya tama Ọba e Hẹrọd ne ọmwa dan vbekpa e Jesu; sokpan, e Jehova keghi gbogba ga ovbi ẹre, ọ na tama e Josẹf nọ viọ ẹgbẹe ọre kpa gha rrie Igipt
-
Mat 23:37—Jesu keghi kha wẹẹ, vbene iye ọkhọkhọ si ivbi ẹre koko vbe ototọ ifuẹn ọnrẹn, erriọ ẹre irẹn vbe ya hoo ne irẹn gbaroghe emwa rẹn
-
Vbọzẹ nọ na khẹke ne evbibiẹ emọ gha gu ivbi iran guan vbekpa emwi ọdọ vbe amwẹ?
-
Igiemwi ni rre Baibol ni gha sẹtin ru iyobọ nuẹn:
-
Lẹv 15:2, 3, 16, 18, 19; Diut 31:10-13—Uhi e Mozis keghi tae vbe odẹ nọ dewarorua, aro ne Jehova ya ghee emwi ọdọ vbe amwẹ na ru; e Jehova keghi kue yọ ne ibiẹka gha rre evba, vbe a ghaa tie uhi na ladian
-
Psm 139:13-16—E Devid keghi kpọnmwẹ e Jehova ye odẹ ọghe ọyunnuan nọ ya yi egbe emwa nagbọn kevbe nọ na yi iran ne iran sẹtin gha biẹ
-
Itan 2:10-15—Irẹnmwi kevbe ẹwaẹn nọ ke obọ e Jehova rre gha sẹtin gbogba ga ima vbe obọ emwa dan ni mu emwa rẹrẹ
-
Adeghẹ evbibiẹ emọ na gha gbe ivbi iran hin ọkhọ rre, vbọzẹ nọ na khẹke ne iran ru ẹre vbe odẹ ọghe ahoẹmwọmwa?
Itan 13:24; 29:17; Jer 30:11; Ẹfis 6:4
Vbe ya ghee Psm 25:8; 145:9; Kọl 3:21
-
Igiemwi ni rre Baibol ni gha sẹtin ru iyobọ nuẹn:
-
Psm 32:1-5—Agharhemiẹn wẹẹ, e Jehova rri Ọba e Devid oya ye orukhọ nọ ru, orhiọn e Devid keghi sotọ vbe ọ ghi bẹghe ẹre wẹẹ, ọmwa gha gele ro iro fi uyinmwẹ werriẹ, e Jehova gha yabọe
-
Jon 4:1-11—E Jona ne akhasẹ keghi ya ohu gu e Jehova guan, ọ ma rhie ọghọ nẹẹn; ọrheyerriọ, e Jehova keghi mwẹ izinegbe, ọ na fẹko gi ẹre rẹn wẹẹ ọmwa nọ mwẹ ekhọe itohan ẹre irẹn khin
-
Vbọzẹ ne ima gha na sẹtin kha wẹẹ, evbibiẹ emọ gha gbe ivbi iran hin ọkhọ rre, te iran rhie ẹre ma wẹẹ, iran hoẹmwẹ iran?
Itan 3:11, 12; 13:24
Vbe ya ghee Itan 15:32; Arhie 3:19
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
