ˈNënmɛn ˗nu
ˈMën ˗kë ˈö Zoova ˗yö ˈkosüsü ˗da?
ˈWn 1:27, 28; 2:18, 20-24
˗Kɔ ˗mɛɛn ˈö ˈnënmɛn ˗nu dua ˈdhö ˗mü kö ˗wo wo ˗bha ˈnën ˗nu yö ˗a ˈka?
Ps 127:3-5; 128:3
Kpɔɔˈˈ ˈzü «ˈNën ˈsɛɛn˗ ˗nu; wlüünën ˗nu» ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
ˈWn 33:4, 5—Zakɔbö ˗yö ö ˗bha ˈnën ˗nu ˗yö ꞊dhɛ gbɔɔdhe ˈö Zoova ˗ya ˗kë ˗a ˗dhɛ, ˗a ˈdhö.
-
Ex 1:15, 16, 22; 2:1-4; 6:20—Amöramö waa Ʒokebɛdö ˗wo ˗kë Moizö ˗mɛn ˗nu ˈka. ˗Wo wo ˗bha ˗tosɛta ˗dɔ ga ˗yɛ ˈˈdhiʋ̈ ˈö ˈwo˗ ˗takpa.
-
ˈMën ˈnënmɛn ˗nu dua ˈdhö ˗mü kö ˗wa kë wo ˗bha ˈnën ˗nu ˗dhɛ?
Dt 6:6, 7; 11:18, 19; Pr 22:6; 2Ko 12:14; 1Ti 5:8
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 1:1-4—Ɛlkana ˗yö ˗dho ö ˗bha ˈkɔdhigümɛn ˗nu ˈka Shilo kö ˗wo ˗Zlan ˗dhɔkë. ˗Yö ö ˗bha ˈnën ˗nu ˗takun kö ˗wo wo ˗kɔ ˗da ˗Zlan ˗dhɔkësü ˈgü.
-
Dk 2:39, 41—Zozɛfö waa Madhi ˗wo ˗kun ˈgo ˗ni ˈˈtʋ̈ŋ ꞊gban ˈka Nazadhɛtö ˈö ˈwo dho Zedhizadhɛmö Pakö ˈwlaan˗ ˗ta wo ˗bha ˈnën ˗nu ˈka.
-
ˈMën ˗kë ˈö ˗së kö ˈnënmɛn ˗nu ˗wo Zoova ˗bha ʒiaan ˗nu ˗zɔn wo ˗bha ˈnën ˗nu ˗dhɛ?
Pr 1:8, 9; 22:6
Kpɔɔˈˈ ˈzü 2Ti 3:14, 15 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 2:18-21, 26; 3:19—Samiɛ ˗mɛn ˗nu ˗wa ˗kë ˈö yö ˗kë ˗Zlan ˗dhɔkëgükɔ ˈgü. ˈˈKɛɛ ˗wo ˗kun ˗wo ˗ni ˈgü ˗a ˗dhɛ ˈˈtʋ̈ŋ ꞊gban ˈka kö ˗wo pë ˈbha ˗nu nu ˗a ˗dhɛ. ˗Yö Zoova ˗dhɔ ˗da ˗a ˈgü ˈö to ˗klu ˗sü ˈka˗ ˗bha.
-
Dk 2:51, 52 —Yesu ˗yö ˈwɔn ˗man ö ˗mɛn ˗nu ˗ta ˈkö ˗kë ˗dhɛ ˈwɔn yaa kë ˗dhii ˗kun ˗an ˈgü.
-
˗Dhɛ ˗mɛɛn ˈö ˈnënmɛn ˗nu ˈwo dho ˗dhioo ˗tiaandhö ˗nu ꞊slɔɔ ˗a ˗bha kö ˗wo wo ˗bha ˈnën ˗nu ꞊klaŋ kë?
Dt 6:4-9; Ef 6:4; 2Ti 3:14-17
Kpɔɔˈˈ ˈzü Ps 127:1; Pr 16:3 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Jg 13:2-8 —˗Dhɛ ˈö Manoa ˗ya man ꞊dhɛ ˗a ˗bha dhebɔ ˗dho ˈnën ˈkpɔ, ˗yö ˗bhɛɛ Zoova ˗dhɛ kö ˗yö ˗kɔ ˈö ˗dho ˈnën bhë ˗a ˗too ˗a ˈka, ˗ya ˗zɔn ˗a ˗dhɛ.
-
Ps 78:3-8—Zoova ˗ya ˈˈpiʋ̈ kö ˈnënmɛn ˗nu ˗wo pë ˈwo˗ ꞊draan Biblö ˈgü ˗a ˗zɔn wo ˗bha ˈnën ˗nu ˗dhɛ ˈpö.
-
˗Mën ˈö ꞊mɔɔn ˗bha ˈö˗ ˗kë ˈö ˈnën ˈö˗ ˗mɛn ˗nu ˈwo Zoova ˗dhɔkëmɛn ˗nu ˈka, ˈö ˗kɔ Zoova ˗gbasü ˈka?
Éz 18:1-13, 20
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
ˈWn 6:1-5; Zd 6—ˈKö ˗kë ꞊dhɛ ˗Zlan ˗bha ˈˈkiö ˗nu ˗wo ˈˈtʋ̈ŋ ꞊va ˗kë ˗a ˈˈpiʋ̈ dhaŋ˗ ˈgü, ˗an ꞊vadhɛ ˗wo ˗gban ˗a ˗gɔ.
-
1S 8:1-3—ˈKö ˗kë ꞊dhɛ Samiɛ ˗yö ˗kun ˗Zlan ˗wodhiʋ̈lomɛn kpɛnŋdhö ˈka ˈö ˗klu ˗Zlan ˗bha, ˗a gbö ˗nu këwɔn ˗nu kun ˈya˗. ˈWaa kun kpɛnŋdhö.
-
ˈˈTʋ̈ŋ ˗mɛɛn ˈö ˈnënmɛn ˗nu dua ˈdhö ˗mü kö ˗wo ˗Zlan ˗Wo ˗zɔn ˗sü zübho ˗a ˈka wo ˗bha ˈnën ˗nu ˗dhɛ?
2Ti 3:15
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Dt 29:10-12, 29; 31:12; Esd 10:1—Izraɛdhömɛn ˗nu ˈwo kun Zoova ˗dhɔkë ˗ni ˈgü wo ˈˈkwëë, ˗an ˗bha ˈnën ˗nu ˗kun ˗an kpö ˈgü.
-
Dk 2:41-52 —Zozɛfö waa Madhi ˗wo ˗kun ˈdho ˗ni ˈgü ˗kplawo Pakö ˈwlaan˗ ˗ta ˗Zlan ˗dhɔkëgükɔ ˈö Zedhizadhɛmö bhë ˗a ˈgü wo ˗bha ˈnën ˗nu ꞊gban ˈka.
-
ˈWɔnzuan ˗mɛɛn ˗nu ˈwo ꞊mɔɔn˗ ˗bha ˈwo ˈnënmɛn ˗nu ˗takun kö ˗wo wo ˗zoto wo ˗bha ˈnën ˗nu ˈˈpiʋ̈ pëyaakëmɛn ˗nu ˗gɔ?
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Ex 19:4; Dt 32:11, 12—Zoova ˗yö ö ˗de ˗zɔn ˈˈgblëë˗ ˈö ö ˈˈtʋ̈ŋ ˗kë ö ˗bha ˈnën ˗nu ˈgü ˈö ö ˗kɔ kpa ˗an ˗ta, ˗a ˈka.
-
Is 49:15 Is 49:15—Zoova ˗ya ˈˈplüün ˗bho ˈö˗ pö ꞊dhɛ ˗kɔ ˈö dho ö ˗zokë ˗a ˈka ö ˗dhɔkëmɛn ˗nu ˈˈpiʋ̈ bhë, ˗yö ˗ʒiö ˗kɔ ˈö ˈnëndhe ˗nu ˗wo wo ˗zokë ˗a ˈka wo ˗bha ˈnën ˈˈblë ˈˈpuu ˈˈpiʋ̈, ˗a ˗ta.
-
Mt 2:1-16—˗Dhɛ ˈö Yesu ˈö kun ˈnën ˈˈblë ˈˈpuu ˈka, Sɔtraan ˗yö ˈwɔndɔmɛn ˗nu ˈö ˈwo ˈˈsusënŋga ˗bhokoo dɔ bhë ˗an ˗bɔ ˗gblüdë Edhɔdö ˈˈpiʋ̈ kë ˈˈdhʋ̈ kö ˗yö ˈwɔn yaa kë Yesu ˈka. ˈˈKɛɛ Zoova ˗yö ö ˗kɔ ˗kpa ö gbö ˗ta ˈö˗ pö Zozɛfö ˗dhɛ ꞊dhɛ ˗yö ˈdho ˗a ˈka Ezitö.
-
Mt 23:37—Yesu ˗ya ˗zɔn ꞊dhɛ ˗kɔ ˈö˗ ˈˈpiʋ̈ kö ˈö ö ˗kɔ kpa ˗a ˈka ö ˗bha gwëëˈˈ ˗nu ˗ta bhë ˗yö ꞊dhɛ ˗kɔ ˈö ˈtɔ dhee ˗yö ö ˈnën ˗nu ꞊loo˗ ˈka ö gban ꞊wlöö ˈka bhë,˗a ˈdhö.
-
ˈMën ˗kë ˈö ˈnënmɛn ˗nu dua ˈdhö ˗mü kö ˗wo ˗wɔn ˈö ˗gban gɔɔn˗ ɛɛnˈˈ dhebɔ ˗wɔn ˗bha, ˗a blɛɛˈˈ wo ˗bha ˈnën ˗nu ˗dhɛ?
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Lv 15:2, 3, 16, 18, 19; Dt 31:10-13—˗Kɔ ˈö Zoova ˗yö ˗wɔn ˈö ˗gban gɔɔn˗ ɛɛnˈˈ dhebɔ ˗wɔn ˗bha ˗a yö ˗a ˈka ˗yö ˗ya ˗sü ˈka ˈˈpuu ˈka ˗a ˗bha ˈtɔŋ˗ ˈö Moizö ˗ya ˗bɛn zë bhë, ˗a ˈgü. ˗Ya pö ˈwo ˗wo pö ˗ni ˈgü wo ˗wo ˗ta, ˈnën ˗nu kë mü.
-
Ps 139:13-16—Psaume ˗bɛnzëmɛn Davi ˗yö Zoova ˈˈnuɛ ˗bho ˗kɔ ˈö˗ ˗pëkë ˗a ˈka, ˈö ˈnën ˈkpɔ ˗sü ˈˈsɩ nu ˗a ˗dhɛ bhë, ˗a ˗wɔn ˈgü.
-
Pr 2:10-15—ˈWɔndɔdhe waa ꞊kpɔɔdhɛ ˈwo go Zoova ˈˈpiʋ̈ ˈwo ꞊mɔɔn˗ ˗bha ˈwo kwa ˗takun ˈö ˈkwa ˗kan ˈwɔn yaa ˗bha.
-
ˈMën ˗kë ˈö ˈnënmɛn ˗nu dua ˈdhö ˗mü kö ˗wo ˈwɔn bho wo ˗bha ˈnën ˗nu ˈgü ˗dhɔ ˈgü?
Pr 13:24; 29:17; Jr 30:11; Ef 6:4
Kpɔɔˈˈ ˈzü Ps 25:8; 145:9; Ko 3:21 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Ps 32:1-5—ˈKö ˗kë ꞊dhɛ Zoova ˗yö ˈwɔn ˗bho Davi ˈgü ˈwɔn yaa ˗nu ˈö ˗an ˗kë ˗an ˗wɔn ˈgü, Davi ˗zo ˗yö ˗gban ˈyö ˗tɔ ꞊dhɛ ˗a ˈwɔn ˗kun ˗a ˈˈɲaan ꞊dhɛ Zoova ˗yö mɛn ˗nu ˈwo go wo ˗bha ꞊sɔŋ yaa ˈgü, ˗an ˗bhawɔn ˗to.
-
Jon 4:1-11—˗Zlan ˗wodhiʋ̈lomɛn Ʒonasö ˗yö ˈwɔn ˗blɛɛ Zoova ˗dhɛ yaa ˈka, ˈˈkɛɛ Zoova ˗yö ö zuʋ̈ˈˈ ˗kë ˗saa ˗a ˈˈpiʋ̈ ˈö ˈpë ˈwo˗ ˗dhɛ mɛn ˗bhawɔn ˈto ˗sü ˗a ˗zɔn ˗a ˗dhɛ.
-
ˈMën ˗kë ˈö ˈkwa ꞊mɔɔn˗ ˗bha ˈkwa mɛn ˈˈklʋʋbho ˗sü ɛɛnˈˈ mɛn dɔɔˈˈ ˗sü yö ꞊dhɛ ˗dhɔ ˗zɔn ˗sü ˈdhö?
Pr 3:11, 12; 13:24
Kpɔɔˈˈ ˈzü Pr 15:32; ˗Dh 3:19 ˗bha.