Mɛjitɔ́ lɛ́
Hwɛjijɔ tɛ́ lɛ́ mɔ̌ wú Jexóva ka ɖó alɔwlíwlí ayǐ?
Bǐ 1:27, 28; 2:18, 20-24
Linlin tɛ́ mɛjitɔ́ lɛ́ ka ɖó ná nɔ ɖó dó vǐ yětɔn lɛ́ wú?
Ðɛ 127:3-5; 128:3
Lɛ̌ kpɔ́n “Vǐ lɛ́; mɛ wínnyáwínnyá lɛ́”
-
Kpɔ́ndéwú Biblu tɔn e sixú d’alɔ we lɛ́ é:
-
Bǐ 33:4, 5: Jakɔ́bu kpɔ́n vǐ tɔn lɛ́ dó mɔ nyɔ̌ná ɖé sín Jexóva gɔ́n
-
Tí 1:15, 16, 22; 2:1-4; 6:20: Amulámu kpó Jokebɛ́di kpó jí Mɔyízi; yě sɔ́ gbɛ yětɔn ɖ’axɔ́ nu dó nya xɛ ɖo jǐ tɔn
-
Étɛ́ mɛjitɔ́ lɛ́ ka ɖó ná nɔ wa nú vǐ yětɔn lɛ́?
Sɛ́ 6:6, 7; 11:18, 19; Nǔx 22:6; 2Kɔ 12:14; 1Ti 5:8
Ényí è kplɔ́n vǐ lɛ́ ɖó ali Jexóva tɔn jí ɔ, le tɛ́ lɛ́ ka ɖ’é mɛ?
Nǔx 1:8, 9; 22:6
Lɛ̌ kpɔ́n 2Ti 3:14, 15
-
Kpɔ́ndéwú Biblu tɔn e sixú d’alɔ we lɛ́ é:
-
1Sa 2:18-21, 26; 3:19: Mɛjitɔ́ Samuwɛ́li tɔn lɛ́ sɔ́ ɛ jó bónú é ná wa sinsɛnzɔ́ ɖo goxɔ mɛ, amɔ̌, yě nɔ yi ba ɛ kpɔ́n hwɛhwɛ, bo nɔ kpé nukún dó hudó tɔn lɛ́ wú; é su bo yí wǎn nú Jexóva, bo sɛn ɛ kpó gbejíninɔ kpó
-
Lk 2:51, 52: Jezu sín mɛjitɔ́ lɛ́ nyí hwɛhutɔ́ có, é nɔ hwíhwɛ́ éɖée dó glɔ̌ yětɔn
-
Fítɛ́ mɛjitɔ́ lɛ́ ka sixú mɔ wěɖexámɛ ɖe dó kplɔ́n vǐ yětɔn lɛ́?
Sɛ́ 6:4-9; Efɛ́ 6:4; 2Ti 3:14-17
Lɛ̌ kpɔ́n Ðɛ 127:1; Nǔx 16:3
-
Kpɔ́ndéwú Biblu tɔn e sixú d’alɔ we lɛ́ é:
-
Hwɛ 13:2-8: Ée è ɖɔ nú Manɔwáxi ɖɔ asi tɔn ná ji vǐ gbɔn nǔjíwǔ gblamɛ gúdo é ɔ, é byɔ́ wěɖexámɛ dó lěe é ná kplɔ́n vǐ ɔ gbɔn é wú
-
Ðɛ 78:3-8: Jexóva jló ɖɔ mɛjitɔ́ lɛ́ ní má nǔ e yě tuun ɖo gbigbɔ lixo lɛ́ é xá vǐ yětɔn lɛ́
-
Ényí vǐ ɖé ná bo tlɛ su ɖo xwédo e yí wǎn nú Mawu é ɖé mɛ ɔ, étɛ́wú é ka sixú lɛ́ wá jó Jexóva sinsɛn dó?
Eze 18:1-13, 20
-
Kpɔ́ndéwú Biblu tɔn e sixú d’alɔ we lɛ́ é:
-
Bǐ 6:1-5; Ju 6: Wɛnsagun lɛ́ nɔ kpɔ́ xá Jexóva nú xwe maxamaxa ɖo jǐxwé có, yě mɛ gěgé wá gbeta ɔ kɔn bo fɔ́n gǔ
-
1Sa 8:1-3: Samuwɛ́li nyí gbeyíɖɔ gbejínɔtɔ́ kpó nǔjlɔ́jlɔ́watɔ́ kpó có, vǐ tɔn lɛ́ húzú nǔgbómaɖɔtɔ́ kpó mɛxoɖutɔ́ kpó
-
Hwetɛ́nu mɛjitɔ́ lɛ́ ka ɖó ná jɛ ali Jexóva tɔn lɛ́ kplɔ́n vǐ yětɔn lɛ́ jí?
-
Kpɔ́ndéwú Biblu tɔn e sixú d’alɔ we lɛ́ é:
-
Sɛ́ 29:9-11, 28; 31:12; Ɛsd 10:1: Vǐ lɛ́ lɔ nɔ nɔ kplé lɛ́ domɛ, bo ná dó kplɔ́n nǔ dó ali Jexóva tɔn lɛ́ wú
-
Lk 2:41-52: Jozɛ́fu kpó Mali kpó ɖó walɔ bo nɔ kplá vǐ yětɔn lɛ́, káká jɛ Jezu jí, yi Dǐndínwáyixwe ɔ domɛ ɖo tɛ́npli mɛ ɖo Jeluzalɛ́mu
-
Kpɔ́ndéwú tɛ́ lɛ́ mɛjitɔ́ lɛ́ ka ɖó ná xwedó dó nya xɛ ɖo vǐ yětɔn lɛ́ jí sín mɛ e sixú hɛn nǔ gblé dó yě wú lɛ́ é sí?
-
Kpɔ́ndéwú Biblu tɔn e sixú d’alɔ we lɛ́ é:
-
Tí 19:4; Sɛ́ 32:11, 12: Jexóva sɔ́ éɖée jlɛ́ dó gangan e nɔ sɔ́ vǐ tɔn lɛ́, nya xɛ ɖo yě jí, bo nɔ lɛ́ kpé nukún dó yě wú é ɖé wú
-
Eza 49:15: Jexóva d’akpá ɖɔ émí ná kpé nukún dó mɛsɛntɔ́ émítɔn lɛ́ wú, bo ná lɛ́ nya xɛ ɖo yě jí, bɔ é ná tlɛ hú gǎn lěe vǐnɔ ɖé nɔ kpé nukún dó vǐ e ɖo anɔ̌ nɔ́ wɛ ɖo akɔ́n tɔn mɛ é wú gbɔn é
-
Mt 2:1-16: Satáan tɛ́n kpɔ́n bá hu Jezu hwenu e é nyí vǐ yɛ̌yɛ́ é, bo sɛ́ sunvíkpɔ́ntɔ́ e ma tuun Mawu ǎ lɛ́ é dó axɔ́sú nyanya Elódu, amɔ̌, Jexóva nya xɛ ɖo vǐ tɔn jí, bo ɖɔ nú Jozɛ́fu ɖɔ é ní kplá xwédo tɔn yi Ejípu
-
Mt 23:37: Jezu jlɛ́ jlǒ e é ɖó bo ná d’alɔ togun tɔn é dó lěe kokló nɔ xo vǐ tɔn lɛ́ kplé dó awa tɔn lɛ́ glɔ́, bo nɔ nya xɛ ɖo yě jí gbɔn é wú
-
Étɛ́wú mɛjitɔ́ lɛ́ ka ɖó ná kplɔ́n nǔ vǐ yětɔn lɛ́ dó nǔ e kunkplá xóɖóxámɛ lɛ́ é wú?
-
Kpɔ́ndéwú Biblu tɔn e sixú d’alɔ we lɛ́ é:
-
Le 15:2, 3, 16, 18, 19; Sɛ́ 31:10-13: Mɔyízisɛ́n ɔ ɖɔ xó dó xóɖóxámɛ wú nyi wɛn, bɔ Jexóva byɔ́ ɖɔ vǐ lɛ́ lɔ ní ɖo fínɛ́ hwenu e è ná ɖo Sɛ́n ɔ xa dó jǐ wɛ é
-
Ðɛ 139:13-16: Ðɛhanwlántɔ́ Davídi kpa susu nú Jexóva ɖó ali jí wǔ e nu e bló agbaza gbɛtɔ́ tɔn ɖe káká jɛ mɛ̌ gbɛtɔ́ tɔn jí é wú
-
Nǔx 2:10-15: Nukúnnúmɔjɛnǔmɛ kpó nǔnywɛ́ kpó e gosín Jexóva gɔ́n é sixú nya xɛ ɖo mǐ jí sín dǎkaxotɔ́ lɛ́ kpó yɛmɛnúwatɔ́ lɛ́ kpó sí
-
Étɛ́wú è ka ɖó ná nɔ gbɛ́ nǔ nú mɛ kpó wǎnyíyí kpó?
Nǔx 13:24; 29:17; Jel 30:11; Efɛ́ 6:4
Lɛ̌ kpɔ́n Ðɛ 25:8; 145:9; Ko 3:21
-
Kpɔ́ndéwú Biblu tɔn e sixú d’alɔ we lɛ́ é:
-
Ðɛ 32:1-5: Jexóva dɔn tó nú axɔ́sú Davídi ɖó hwɛ tɔn lɛ́ wú có, tuun e Davídi tuun ɖɔ Jexóva nɔ sɔ́ hwɛ kɛ mɛ ɖěɖěe hwɛ yětɔn lɛ́ vɛ́ ná nǔgbó nǔgbó lɛ́ é dó gbɔ n’i
-
Jon 4:1-11: Gbeyíɖɔ Jonási ɖɔ xó nú Jexóva kpó xomɛsin kpó, kpódó mɛmasí kpán; é ɖo mɔ̌ có, kpó suúlu kpó ɔ, Jexóva kplɔ́n nǔ i dó nǔbláwǔkúnúmɛ wú
-
Étɛ́wú è ka sixú kpɔ́n tódɔnnúmɛ dó mɔ xlɛ̌ wǎnyíyí tɔn ɖé?
Nǔx 3:11, 12; 13:24
Lɛ̌ kpɔ́n Nǔx 15:32; Nǔ 3:19
Xóta élɔ́ lɛ́ lɔ sixú jɛjí nú we
NǓKANBYƆ́ BIBLU TƆN LƐ́ SÍN XÓSIN
Nɛ̌ Mɛjitɔ́ lɛ ka Sixu Kplɔ́n Nǔ Vǐ Yetɔn lɛ Dó Mɛ̌ Wu Gbɔn?
Nǔgbododó xɔ akwɛ e na d’alɔ we bɔ a na ɖɔ xó nú vǐ towe lɛ dó mɛ̌ wu bo na lɛ́ nya xɛ ɖò ye jí sín mɛ e nɔ ɖóxó xá vǐ kpɛví lɛ é sí lɛ é gegě ɖò Biblu mɛ.
NǓ E KAN MǏ LƐ́ É
Byɔ̌ ɖɔ è ní wá ba we kpɔ́n
Gbějé nǔkanbyɔ́ Biblu tɔn ɖé kpɔ́n, alǒ kplɔ́n nǔ ɖěvo lɛ́ dó Kúnnuɖetɔ́ Jehovah tɔn lɛ́ wú.
