Fɔlɔi
Mɛɛ yiŋtoi komɛi ahewɔ Yehowa to gbalashihilɛ shishi?
Te esa akɛ fɔlɔi ana amɛbii amɛhã tɛŋŋ?
Kwɛmɔ “Bii; Oblahii Kɛ Oblayei” lɛ hu
-
Biblia mli sane ni baanyɛ awa bo:
-
1Mo 33:4, 5—Yakob na ebii lɛ akɛ nikeenii ni jɛ Yehowa ŋɔɔ
-
2Mo 1:15, 16, 22; 2:1-4; 6:20—Amram kɛ Yokebed fɔ Mose, ni amɛkɛ amɛwala wo oshãra mli kɛbu ehe
-
Mɛɛ sɔ̃i bakãa fɔlɔi anɔ kɛ́ amɛfɔ bii?
5Mo 6:6, 7; 11:18, 19; Abɛ 22:6; 2Ko 12:14; 1Ti 5:8
-
Biblia mli sane ni baanyɛ awa bo:
-
1Sa 1:1-4—Elkana kɛ eweku lɛ yayeɔ gbii juji yɛ Shilo, ni kɛ́ amɛtee lɛ, ekwɛɔ koni ebii lɛ ateŋ mɔ fɛɛ mɔ afata ehe kɛjá Yehowa
-
Luk 2:39, 41—Daa afi lɛ, Yosef kɛ Maria kɛ amɛbii lɛ fãa gbɛ kɛjɛɔ Nazaret kɛyaa Yerusalem ni amɛyayeɔ Hehoo gbi jurɔ lɛ
-
Kɛ́ atsɔse bii yɛ Yehowa gbɛ nɔ lɛ, mɛɛ sɛɛnamɔi jɛɔ mli kɛbaa?
Kwɛmɔ 2Ti 3:14, 15 lɛ hu
-
Biblia mli sane ni baanyɛ awa bo:
-
1Sa 2:18-21, 26; 3:19—Samuel fɔlɔi kɛ lɛ yahã koni eyasɔmɔ yɛ sɔlemɔ shĩa lɛ, shi amɛyasaraa lɛ yɛ be kɛ beiaŋ, ni amɛyeɔ amɛbuaa kɛtsuɔ ehiamɔ nii ahe nii; ebada ni ekɛ Nyɔŋmɔ teŋ naanyobɔɔ lɛ mli bawa
-
Luk 2:51, 52—Yesu tee nɔ eba ehe shi ehã efɔlɔi, eyɛ mli akɛ amɛyeee emuu
-
Nɛgbɛ fɔlɔi baanyɛ aná gbɛtsɔɔmɔ yɛ kɛtsɔse amɛbii?
5Mo 6:4-9; Efe 6:4; 2Ti 3:14-17
Kwɛmɔ La 127:1; Abɛ 16:3 lɛ hu
-
Biblia mli sane ni baanyɛ awa bo:
-
Koj 13:2-8—Be ni akɛɛ Manoa akɛ eŋa baafɔ binuu lɛ, Manoa bi koni atsɔɔ lɛ gbɛ nɔ ni ebaatsɔ etsɔse gbekɛ lɛ
-
La 78:3-8—Yehowa miisumɔ ni nibii ni fɔlɔi ekase yɛ Ŋmalɛ mli lɛ, amɛtsɔɔ amɛbii lɛ
-
Kɛ́ gbekɛ ko da yɛ weku ni sumɔɔ Nyɔŋmɔ mli po lɛ, mɛni hewɔ ebaanyɛ ekpa Yehowa sɔɔmɔ lɛ?
-
Biblia mli sane ni baanyɛ awa bo:
-
1Mo 6:1-5; Yu 6—Ŋwɛibɔfoi lɛ kɛ Yehowa hi ŋwɛi afii pii, shi fɛɛ sɛɛ lɛ, amɛteŋ mɛi babaoo tse ehiɛ atua
-
1Sa 8:1-3—Eyɛ mli akɛ Samuel ji gbalɔ anɔkwafo kɛ jalɔ moŋ, shi ebii lɛ eyayeee anɔkwa ni amɛkɛ amɛhe wo jeŋba sha mli
-
Mɛɛ be esa akɛ fɔlɔi abɔi amɛbii lɛ Nyɔŋmɔ he nii tsɔɔmɔ?
-
Biblia mli sane ni baanyɛ awa bo:
-
5Mo 29:10-12, 29; 31:12; Ezr 10:1—Kɛ́ Israelbii lɛ bua amɛhe naa koni amɛkase Yehowa he nii lɛ, amɛkɛ amɛbii lɛ hu baa koni amɛ hu amɛbakase eko
-
Luk 2:41-52—Daa afi lɛ, Yosef kɛ Maria kɛ amɛbii lɛ ni Yesu hu fata he lɛ yayeɔ Hehoo gbi jurɔ lɛ yɛ sɔlemɔ shĩa ni yɔɔ Yerusalem lɛ
-
Kɛ́ ehe bahia ni abu bii lɛ ahe kɛje mɛi ni baanyɛ aye amɛ awui ahe lɛ, namɛi esa akɛ fɔlɔi akase?
-
Biblia mli sane ni baanyɛ awa bo:
-
2Mo 19:4; 5Mo 32:11, 12—Yehowa kɛ ehe to okropɔŋ ni holeɔ ebii yɛ efiji anɔ, ebuɔ amɛhe, ni ekwɛɔ amɛ lɛ he
-
Yes 49:15—Yehowa ewo shi akɛ ebaakwɛ etsuji ni ebaabu amɛhe fe bɔ ni yoofɔyoo ni hãa ebi fufɔ lɛ musuŋtsɔɔ lɛ yɛ ebi he lɛ
-
Mat 2:1-16—Satan ka akɛ ebaakpãtã abifao Yesu hiɛ, no hewɔ lɛ enyiɛ ŋulamiiaŋkwɛlɔi wɔŋjalɔi ahiɛ kɛtee Maŋtsɛ Herode ni yitsoŋ wa lɛ ŋɔɔ, shi Yehowa bu ebi lɛ he, no ji efã Yosef koni ekɛ eweku lɛ ashi kɛya Ejipt
-
Mat 23:37—Yesu kɛ bɔ ni esumɔɔ ni ebu ewebii lɛ ahe lɛ to bɔ ni wuɔ yoo buaa ebii anaa ewoɔ efiji ashishi ni ebuɔ amɛhe lɛ he
-
Mɛni hewɔ esa akɛ fɔlɔi atsɔɔ amɛbii lɛ bɔlɛnamɔ he nii lɛ?
-
Biblia mli sane ni baanyɛ awa bo:
-
3Mo 15:2, 3, 16, 18, 19; 5Mo 31:10-13—Awie bɔlɛnamɔ saji ahe faŋŋ yɛ Mose Mla lɛ mli, ni Yehowa fã ni akane emli saji lɛ atsɔɔ mɛi fɛɛ ni gbekɛbii hu fata he
-
La 139:13-16—Lalatsɛ David jie Yehowa yi yɛ bɔ ni ebɔ adesa gbɔmɔtso lɛ hewɔ, ni gbɔmɔtso lɛ henii ni akɛnáa bɔlɛ lɛ hu fata he
-
Abɛ 2:10-15—Nilee kɛ hiɛshikamɔ ni jɛ Yehowa ŋɔɔ lɛ baanyɛ abu wɔhe kɛje mɛi ni jeŋba ekpɔtɔ kɛ awuiyelɔi ahe
-
Mɛni hewɔ esa akɛ akɛ suɔmɔ ajaje mɔ loo akɛtsɔse mɔ lɛ?
Abɛ 13:24; 29:17; Yer 30:11; Efe 6:4
Kwɛmɔ La 25:8; 145:9; Kol 3:21 lɛ hu
-
Biblia mli sane ni baanyɛ awa bo:
-
La 32:1-5—Eyɛ mli akɛ Yehowa gbala Maŋtsɛ David toi yɛ eshai ni efee lɛ hewɔ moŋ, shi be ni David baná ele akɛ Yehowa kɛ mɛi ni etsake amɛtsui lɛɛlɛŋ lɛ ahe eshai keɔ amɛ lɛ, etsui nyɔ emli
-
Yon 4:1-11—Gbalɔ Yona mli fu Yehowa ni ekɛ lɛ wie bɔ ni esaaa kɛ bɔ ni bulɛ bɛ mli; fɛɛ sɛɛ lɛ, Yehowa to etsui shi ni etsɔɔ lɛ mɔbɔnalɛ he nii
-
Mɛni hewɔ abaanyɛ akɛɛ akɛ kɛ́ atsɔse mɔ ko lɛ, etsɔɔ akɛ asumɔɔ lɛ lɛ?
Kwɛmɔ Abɛ 15:32; Kpo 3:19 lɛ hu
Ekolɛ Obaasumɔ Enɛ Hu
AWAKE!
Nibii Ni Hãa Wekui Náa Miishɛɛ—Nyɛfea Nɔkwɛmɔnɔ Kpakpa
Kɛ́ ootao ni obii abo nɔ ni okɛɔ amɛ lɛ toi lɛ, no lɛ esa akɛ bo diɛŋtsɛ hu ohi shi yɛ nɔ ni okɛɔ amɛ lɛ naa.
SANEBIMƆI NI BIBLIA LƐ EHÃ HETOO
Te Fɔlɔi Baafee Tɛŋŋ Amɛtsɔɔ Amɛbii Bɔlɛnamɔ He Saji?
Shishitoo mlai babaoo yɛ Biblia lɛ mli ni baanyɛ awa bo ni okɛ obii lɛ agba bɔlɛnamɔ he saji, koni obu amɛhe yɛ mɛi ni feɔ gbekɛbii bɔlɛnamɔ niseniianii lɛ ahe.
BUU-MƆƆ
Mɛni Haã Mɔ ko Feɔ Fɔlɔ Kpakpa?
Te ooofee tɛŋŋ otsɔse obii koni amɛdara kɛbatsɔmɔ onukpai kpakpai lɛ?
BUU-MƆƆ—NIKASEMƆ NƆ
Fɔlɔi
Mɛɛ be esa akɛ abɔi gbekɛ tsɔsemɔ? Mɛni tsɔsemɔ nɛɛ biɔ?
