Ginikanan
Ano ang pila ka rason nga gintukod ni Jehova ang pag-asawahay?
Paano dapat tamdon sang mga ginikanan ang ila kabataan?
Tan-awa man ang “Kabataan; Pamatan-on”
-
Halimbawa sa Biblia:
-
Ge 33:4, 5—Para kay Jacob, ang iya kabataan mga pagpakamaayo halin kay Jehova
-
Ex 1:15, 16, 22; 2:1-4; 6:20—Ang mga ginikanan ni Moises nga sanday Amram kag Jocebed nagrisgo sang ila kabuhi para proteksionan sia
-
Ano ang mga responsibilidad sang mga ginikanan sa ila kabataan?
Deu 6:6, 7; 11:18, 19; Hul 22:6; 2Co 12:14; 1Ti 5:8
-
Halimbawa sa Biblia:
-
1Sa 1:1-4—Ginadala ni Elkana ang iya pamilya sa kapiestahan sa Shilo, kag ginasigurado niya nga ang tanan niya nga bata makaupod sa iya sa pagsimba kay Jehova
-
Lu 2:39, 41—Kinabatasan ni Jose kag ni Maria nga maglakbay upod sa ila kabataan halin sa Nazaret pakadto sa Jerusalem para sa kapiestahan sang Paskua
-
Ngaa maayo gid nga hanason ang kabataan nga tumanon si Jehova?
Tan-awa man ang 2Ti 3:14, 15
-
Halimbawa sa Biblia:
-
1Sa 2:18-21, 26; 3:19—Si Samuel ginhalad sang iya mga ginikanan nga mag-alagad sa tabernakulo, pero pirme nila sia ginabisita kag ginabuligan sa iya mga kinahanglanon; nagdaku si Samuel nga nagapalangga kag matutom nga nagaalagad kay Jehova
-
Lu 2:51, 52—Padayon nga nagpasakop si Jesus sa iya mga ginikanan bisan pa indi sila perpekto
-
Diin makakita ang mga ginikanan sing giya sa pagpadaku sang ila kabataan?
Deu 6:4-9; Efe 6:4; 2Ti 3:14-17
Tan-awa man ang Sa 127:1; Hul 16:3
-
Halimbawa sa Biblia:
-
Huk 13:2-8—Pagkatapos ginsugiran si Manoa nga magabun-ag ang iya asawa sing bata nga lalaki paagi sa milagro, nangayo sia sing giya kay Jehova kon paano padakuon ang bata
-
Sa 78:3-8—Gusto ni Jehova nga itudlo sang mga ginikanan ang ila nahibaluan sa Kasulatan sa ila kabataan
-
Bisan pa nagdaku ang bata sa pamilya nga nagapalangga kay Jehova, ngaa posible gihapon nga magdesisyon sia nga indi mag-alagad kay Jehova?
-
Halimbawa sa Biblia:
-
Ge 6:1-5; Jud 6—Bisan madugay nga nakaupod sang mga anghel si Jehova sa langit, ginpili sang madamo sa ila nga magrebelde
-
1Sa 8:1-3—Bisan pa matutom kag matarong nga manalagna si Samuel, ang iya mga bata nga lalaki nangin indi bunayag kag korap
-
San-o dapat sugdan sang mga ginikanan ang pagtudlo sa ila kabataan parte sa Dios?
-
Halimbawa sa Biblia:
-
Deu 29:10-12, 29; 31:12; Esd 10:1—Kon magtipon ang mga Israelinhon para magtuon parte kay Jehova, ginadala nila ang ila mga bata
-
Lu 2:41-52—Kinabatasan ni Jose kag ni Maria nga dal-on ang ila kabataan, lakip na si Jesus, sa kapiestahan sang Paskua sa templo sa Jerusalem
-
Kay sin-o halimbawa ang dapat sundon sang mga ginikanan kon parte sa paghatag sing proteksion sa ila kabataan?
-
Halimbawa sa Biblia:
-
Ex 19:4; Deu 32:11, 12—Ginkumparar ni Jehova ang iya kaugalingon sa agila nga nagadala, nagaamlig, kag nagaatipan sa iya mga boto
-
Isa 49:15—Nagpromisa si Jehova nga atipanon kag proteksionan niya ang iya mga alagad labaw pa sa kaluoy sang isa ka iloy sa iya lapsag
-
Mat 2:1-16—Gusto ni Satanas nga patyon ang lapsag nga si Jesus paagi sa paggiya sa pagano nga mga astrologo pakadto sa malain nga hari nga si Herodes, pero ginproteksionan ni Jehova ang Iya anak paagi sa pagsugo kay Jose nga dal-on ang iya pamilya sa Egipto
-
Mat 23:37—Ginkumparar ni Jesus ang iya pag-ulikid sa iya katawhan sa munga nga nagatipon kag nagaamlig sang iya mga piso sa idalom sang iya mga pakpak
-
Ngaa dapat tudluan sang mga ginikanan ang ila kabataan parte sa sekso?
-
Halimbawa sa Biblia:
-
Le 15:2, 3, 16, 18, 19; Deu 31:10-13—Maathag nga makita sa Mosaikong Kasuguan ang pagtamod ni Jehova parte sa sekso, kag nagsugo Sia nga dapat ara ang mga kabataan samtang ginabasa ini sing matunog
-
Sa 139:13-16—Gindayaw ni salmista David ang pagkadesinyo ni Jehova sa lawas sang tawo, lakip na ang ikasarang sini nga magbata
-
Hul 2:10-15—Ang ihibalo kag kaalam nga halin kay Jehova nagaamlig sa aton sa mga butigon kag nagapanglimbong
-
Ngaa dapat mahigugmaon ang paagi sang pagdisiplina?
Hul 13:24; 29:17; Jer 30:11; Efe 6:4
Tan-awa man ang Sa 25:8; 145:9; Col 3:21
-
Halimbawa sa Biblia:
-
Sa 32:1-5—Ginsilutan ni Jehova si David bangod sa iya sala, pero napaumpawan gid sia sang nabal-an niya nga ginapatawad ni Jehova ang mga nagahinulsol sa ila mga sala
-
Jon 4:1-11—Akig kag indi matinahuron nga nakighambal si Jonas kay Jehova, pero mapinasensiahon sia nga gintudluan ni Jehova parte sa kaluoy
-
Ngaa masiling naton nga ang disiplina pamatuod sang gugma?
Tan-awa man ang Hul 15:32; Bug 3:19
Basi Manamian Ka Man
MAGMATA!
Madinalag-on nga mga Pamilya—Halimbawa
Kon gusto mo nga sundon sang imo kabataan ang imo ginasiling, dapat makita nila nga ginahimo mo ini.
SABAT SA MGA PAMANGKOT SA BIBLIA
Paano Matudluan sang mga Ginikanan ang Ila Kabataan Parte sa Sex?
Ang Biblia may mapuslanon nga mga prinsipio nga makabulig sa imo kon paano ipaathag sa imo kabataan ang parte sa sex kag kon paano sila maproteksionan batok sa mga manug-abuso.
ANG LALANTAWAN
Mga Kabudlayan sang Bag-o nga mga Ginikanan
Hibalua kon paano ang mga prinsipio sa Biblia makabulig sa mga ginikanan nga maka-adjust sa sining bag-o nga bahin sang ila kabuhi.
ANG LALANTAWAN
Paano Mangin Maayo nga Ginikanan?
Paano mo mapadaku nga responsable ang imo kabataan?
ANG LALANTAWAN—TULUN-AN NGA EDISYON
Mga Ginikanan—Hanasa ang Inyo mga Kabataan Kutob sa Pagkalapsag
San-o dapat sugdan ang paghanas sa bata? Ano ang nalakip sa sini?
PARTE SA AMON
Mag-request nga Kadtuan Ka
Istoryahi ninyo ang isa ka pamangkot sa Biblia, ukon ang dugang nga impormasyon parte sa mga Saksi ni Jehova.
