Esẹgbini
Eme gbe eme o wha riẹ ze nọ Jihova ọ rọ tuọ orọo họ?
Ẹvẹ u fo nọ esẹgbini a re rri emọ rai?
Je rri “Emọ; Izoge”
-
Iriruo Ebaibol nọ e sai fiobọhọ kẹ owhẹ:
-
Emu 33:4, 5—Jekọp ọ ta nọ emọ riẹ yọ eghale nọ i no obọ Jihova ze
-
Ọny 1:15, 16, 22; 2:1-4; 6:20—Nọ Amram avọ Jokebẹd a yẹ Mosis no, a ko riẹ dhere re a siọ ẹe ba ekpe no dede nọ o sae wha uwhu se ai
-
Eme o gwọlọ nọ esẹgbini a re ru kẹ emọ rai?
Fikieme u ro woma re a wuhrẹ emọ oware nọ Jihova ọ gwọlọ nọ a ru?
Je rri 2Ti 3:14, 15
-
Iriruo Ebaibol nọ e sai fiobọhọ kẹ owhẹ:
-
1Sa 2:18-21, 26; 3:19—Ọsẹgboni Samuẹle a wha riẹ kpobọ uwou-udhu na re ọ jọ obei ru iruo kẹ Jihova, rekọ a jẹ hai weze bru ei noke toke jẹ kẹe eware nọ ọ gwọlọ. Onana u ru nọ Samuẹle o ro you Jihova gaga jẹ gọe evaọ edẹ uzuazọ riẹ kpobi
-
Luk 2:51, 52—Jesu ọ ruabọhọ jẹ romakpotọ kẹ ọsẹgboni riẹ dede nọ a gba ha
-
Diẹse esẹgbini a sae jọ ruẹ ehrẹ nọ i re fiobọhọ kẹ ae yọrọ emọ rai?
Izi 6:4-9; Ẹf 6:4; 2Ti 3:14-17
-
Iriruo Ebaibol nọ e sai fiobọhọ kẹ owhẹ:
-
Ibr 13:2-8—Nọ ukọ-odhiwu ọ vuẹ Manoa nọ aye riẹ o ti yẹ ọmọzae, Manoa ọ tẹ lẹ se Jihova re o fiobọhọ kẹ ae riẹ epanọ a rẹ rọ yọrọ ọmọ na
-
Ol 78:3-8—Jihova ọ gwọlọ nọ esẹgbini a wuhrẹ emọ rai eware nọ a riẹ evaọ Ebaibol na
-
O tẹ make rọnọ ọsẹgboni nọ a yọrọ ọmọ a you Jihova, eme ọ sae lẹliẹ ọmọ na kiukeku Jihova ghele?
-
Iriruo Ebaibol nọ e sai fiobọhọ kẹ owhẹ:
-
Emu 6:1-5; Jud 6—Ikọ-odhiwu buobu a ghẹmeeyo kẹ Jihova dede nọ a jọ kugbei evaọ obọ odhiwu ikpe buobu nọ a sai kele mu hu
-
1Sa 8:1-3—O make rọnọ Samuẹle ọ jọ ọruẹaro okiẹrẹe nọ ọ jẹ gọ Jihova ziezi, emezae riẹ a jẹ wha ahwo re jẹ re udi
-
Oke vẹ u fo nọ esẹgbini a re ro mu emọ rai họ ewuhrẹ kpahe oware nọ Ọghẹnẹ ọ gwọlọ nọ a ru?
-
Iriruo Ebaibol nọ e sai fiobọhọ kẹ owhẹ:
-
Izi 29:10-12, 29; 31:12; Ẹzr 10:1—Ahwo Izrẹl a jẹ hae wha emọ rai lele oma nọ a te bi kokohọ re a wuhrẹ kpahe Jihova
-
Luk 2:41-52—Josẹf avọ Meri a jẹ wha Jesu avọ emọ rai nọ i kiọkọ lele oma nọ a te bi kpohọ ehaa Ọnyavrẹ na evaọ etẹmpol nọ ọ jọ Jerusalẹm
-
Iriruo vẹ esẹgbini a rẹ rọ aro kele re a sae thọ emọ rai no obọ ahwo nọ a rẹ sai ru ai ekpehre oware?
-
Iriruo Ebaibol nọ e sai fiobọhọ kẹ owhẹ:
-
Ọny 19:4; Izi 32:11, 12—Jihova ọ rọ omariẹ dhesẹ ugo nọ ọ rẹ wọ emọboba riẹ, thọ ae, jẹ rẹrote ai
-
Aiz 49:15—Jihova ọ ya eyaa nọ ọ te rẹrote ahwo riẹ jẹ thọ ae tube vi epanọ oniọmọ ọ rẹ rẹrote ọmọ-unuevie riẹ nọ o wo ọdawẹ kẹ
-
Mt 2:1-16—Setan o su egedhọ nọ i re rri isi obehru rọ gbẹva bru Herọd ovie ọgeva na re ọ sae rọ ere kpe Jesu no evaọ okenọ ọ jọ ọmọboba. Rekọ Jihova ọ vuẹ Josẹf nọ ọ rehọ uviuwou riẹ dhẹ kpobọ Ijipti, ọ tẹ rọ ere rọ thọ Ọmọ riẹ
-
Mt 23:37—Jesu ọ ta nọ ọ gwọlọ fiobọhọ kẹ ahwo riẹ wọhọ epanọ ovu o re koko emọ riẹ họ otọ ibekpe riẹ re ọ thọ ae na
-
Fikieme u ro fo re esẹgbini a wuhrẹ emọ rai kpahe owezẹ ọzae-avọ-aye?
-
Iriruo Ebaibol nọ e sai fiobọhọ kẹ owhẹ:
-
Ize 15:2, 3, 16, 18, 19; Izi 31:10-13—A jọ Uzi Mosis na ta kpahe ẹme owezẹ ọzae-avọ-aye vevẹ, yọ Jihova ọ ta nọ emọ e rẹ jariẹ evaọ okenọ a te bi se uzi na do via
-
Ol 139:13-16—Devidi ọso-ilezi na o jiri Jihova rọkẹ edhere igbunu nọ ọ rọ ma ugboma ohwo-akpọ, onọ u kugbe eware nọ ọ ma fihọ ọzae avọ aye oma nọ a sai ro yẹ ọmọ
-
Itẹ 2:10-15—Eriariẹ gbe areghẹ nọ o no obọ Jihova ze o sae thọ omai no abọ ahwo ẹghẹ gbe eviẹhọ
-
Fikieme u ro fo re esẹgbini a whọku hayo kpọ emọ rai họ evaọ edhere oyoyou?
Itẹ 13:24; 29:17; Jer 30:11; Ẹf 6:4
Je rri Ol 25:8; 145:9; Kọl 3:21
-
Iriruo Ebaibol nọ e sai fiobọhọ kẹ owhẹ:
-
Ol 32:1-5—Jihova ọ kẹ Devidi uye fiki uzioraha riẹ, rekọ oma o sasa riẹ nọ ọ riẹ nọ Jihova ọ rẹ rọvrẹ ahwo nọ a kurẹriẹ no eva ze
-
Jon 4:1-11—Jona ọruẹaro na ọ rọ ofu ta ẹme kẹ Jihova ababọ adhẹẹ, rekọ Jihova ọ nabe rọ odiri wuhrẹ iẹe kpahe ohrọ-oriọ
-
Fikieme ma sae rọ ta nọ ọwhọkuo yọ edhere jọ nọ esẹgbini a re ro dhesẹ kẹ emọ rai nọ a you rai?
Je rri Itẹ 15:32; Ev 3:19
Enana E Sae jẹ Were Owhẹ
AWAKE!
Ru Evawere jọ Uviuwou—Fi Emamọ Oriruo Họ Otọ kẹ Emọ Ra
Whọ tẹ gwọlọ nọ emọ ra a ru eware nọ who bi wuhrẹ ai, u fo nọ whẹ omara who re ru eware na re.
UWOU-ERORO NA
Oghẹrẹ nọ Emọ-Iyẹ U re ro Kpomahọ Orọo
UWOU-ERORO NA—UVITHA UWUHRẸ
Esẹgbini—Wha Wuhrẹ Emọ Rai No Emaha Ze
Oke vẹ a re ro mu ọmọ họ ewuhrẹ, kọ eme onana o kẹre te?
KPAHE OMAI
Yare nọ Isẹri Jihova A Nyabru Owhẹ Ze
Wha te ta ẹme kpahe onọ Ebaibol na jọ, hayo whọ te riẹ ahwo nọ Isẹri Jihova a rrọ.
