Asyai
Yeova ambĩĩisye mũtwaano nũndũ wa itumi ta syĩva?
Mwa 1:27, 28; 2:18, 20-24
Asyai maĩlĩte kwĩthĩwa na woni mwaũ ĩũlũ wa syana syoo?
Sav 127:3-5; 128:3
O na ĩngĩ sisya “Syana; Andũ ma Mũika”
-
Ngewa syĩ Mbivilianĩ itonya kũũtethya:
-
Mwa 33:4, 5—Yakovo oonaa syana syake ne ũathimo kuma kwa Yeova
-
Kuma 1:15, 16, 22; 2:1-4; 6:20—Amilamu na Yokeveti, ala maĩ asyai ma Mose, nĩmalikilye thayũ woo mũisyonĩ nĩ kana mamũsũvĩe
-
Asyai maĩle kwĩanĩsya maũndũ meva kwondũ wa syana syoo?
Kũt 6:6, 7; 11:18, 19; Nth 22:6; 2Ko 12:14; 1Ti 5:8
-
Ngewa syĩ Mbivilianĩ itonya kũũtethya:
-
1Sa 1:1-4—Elikana nĩwaendaa na mũsyĩ wake nginya Silo kwondũ wa mboka ila syeekawa kĩla mwaka na nĩwaĩkĩĩthasya kana nĩwathi na syana syake syonthe
-
Luk 2:39, 41—Yosevu na Meli nĩmaendaa kĩla mwaka na syana syoo kuma Nasaleti nginya Yelusaleme kwondũ wa mboka ya Vasaka
-
Nĩkĩ nĩ ũndũ wa vata kũmanyĩsya syana ũndũ itonya kũmwendeesya Yeova?
Nth 1:8, 9; 22:6
O na ĩngĩ sisya 2Ti 3:14, 15
-
Ngewa syĩ Mbivilianĩ itonya kũũtethya:
-
1Sa 2:18-21, 26; 3:19—Asyai ma Samueli nĩmamũnenganie athũkũmae ĩeemanĩ ya kũmbanĩa, ĩndĩ nĩmamũthokeaa mavinda kwa mavinda na nĩmatetheeasya kwĩanĩsya mavata make; Samueli nĩweanie amwendete Yeova na aendeea kũmũthũkũma e mũĩkĩĩku
-
Luk 2:51, 52—Yesũ nĩwaendeeie kũmenyivĩsya asyai make o na kau maĩ andũ me na naĩ
-
Nĩ va asyai matonya kũkwata ũtao ũtonya kũmatetheesya kũea syana syoo?
Kũt 6:4-9; Aev 6:4; 2Ti 3:14-17
O na ĩngĩ sisya Sav 127:1; Nth 16:3
-
Ngewa syĩ Mbivilianĩ itonya kũũtethya:
-
Asi 13:2-8—Yĩla Manoa wataviwʼe kana nĩvekwĩkĩka kyama mũka aitave na aisyaa, nĩwakũlilye anengwe ũtao mwingangĩ ĩũlũ wa ũndũ mekũea mwana woo
-
Sav 78:3-8—Yeova endaa asyai mamanyĩsye syana syoo maũndũ ala memanyĩĩtye kuma Mbivilianĩ
-
Nĩkĩ syana imwe ĩtonya kwelelũka ikaeka kũmũthũkũma Yeova o na ethĩwa isyaĩwe mũsyĩnĩ ũmwendete Ngai?
Esek 18:1-13, 20
-
Ngewa syĩ Mbivilianĩ itonya kũũtethya:
-
Mwa 6:1-5; Yuta 6—Ve alaĩka aingĩ manyuvie kũtwʼĩka alei o na kau nĩmekalĩte ĩvinda ĩasa ĩtunĩ me na Yeova
-
1Sa 8:1-3—O na kau Samueli aĩ mwathani mũĩkĩĩku na mũlũngalu, ana make nĩmatwʼĩkie andũ mate aĩkĩĩku na alũsani
-
Asyai maĩlĩte kwambĩĩa kũmanyĩsya syana syoo kwenda kwa Ngai ĩndĩĩ?
-
Ngewa syĩ Mbivilianĩ itonya kũũtethya:
-
Kũt 29:10-12, 29; 31:12; Esa 10:1—Yĩla Aisilaeli moombana memanyĩsye ĩũlũ wa Yeova, mayatiaa syana syoo ĩtina nĩ kana o nasyo syĩmanyĩsye
-
Luk 2:41-52—Kĩla mwaka, Yosevu na Meli nĩmaendaa na Yesũ na syana ila ingĩ masyaanĩwʼe ĩkalũnĩ yĩla yaĩ Yelusaleme kwondũ wa mboka ya Vasaka
-
Nĩ ngelekanyʼo syĩva itonya kũtetheesya asyai kũmanya ũndũ matonya kũsũvĩa syana syoo iikaũmĩwʼe nĩ andũ ala matonya kũsyĩka maũndũ mathũku?
-
Ngewa syĩ Mbivilianĩ itonya kũũtethya:
-
Kuma 19:4; Kũt 32:11, 12—Yeova eyĩelekanĩtye na ndiũ, ĩla ĩkuaa maswii mayo, na o na ĩkamatetea na kũmasũvĩa
-
Isa 49:15—Yeova athĩte athũkũmi make kũmathĩnĩkĩa na kũmasũvĩa e na wendo mwingĩ o na kwĩ ũla inyia ũkwongya wĩthĩawa nawʼo kwa mwana wake
-
Mt 2:1-16—Satani nĩwatatie kũaa Yesũ e kaũkenge. Nĩwatongoeisye asomi ma ndata nginya kwa Mũsumbĩ Elote, ũla waĩ mũthũku mũno, ĩndĩ Yeova eeĩaĩa Yosevu akĩĩe Misili vamwe na mũsyĩ wake nĩ kana asũvĩe mwana wake
-
Mt 23:37—Yesũ nĩwatũmĩie ngelekanyʼo ya ngũkũ ĩkũmbanyʼa tũswii twayo na ĩitũseseea na nthwau syayo kwonanyʼa wendi ũla wĩthĩawa nawʼo wa kũtetheesya andũ make
-
Nĩkĩ asyai maĩlĩte kũneenea na syana syoo maũndũ makonetye kũmanyana kĩ-mwĩĩ?
-
Ngewa syĩ Mbivilianĩ itonya kũũtethya:
-
Ali 15:2, 3, 16, 18, 19; Kũt 31:10-13—Mĩao ya Mose nĩyaneeneete ũtheinĩ maũndũ makonetye kũmanyana kĩ-mwĩĩ, na Yeova nĩweeĩaĩte syana syĩthĩwe vo yĩla mĩao ĩsu ĩkũsomwa na wasya mũnene
-
Sav 139:13-16—Mũandĩki wa Savuli, Ndaviti, nĩwamũtaĩie Yeova nũndũ wa kũmba mwĩĩ wa mũndũ wĩ wa kũsengyʼa na kũmũnenga ũtonyi wa kwĩthĩwa na syana
-
Nth 2:10-15—Ũĩ na ũmanyi ũla umaa kwa Yeova no ũtũsũvĩe tũikawʼe nĩ andũ ala mekaa maũndũ mathũku na akengani
-
Nĩkĩ asyai maĩlĩte kũnenga syana syoo ũkanyʼo kwa nzĩa ya wendo?
Nth 13:24; 29:17; Yel 30:11; Aev 6:4
O na ĩngĩ sisya Sav 25:8; 145:9; Ako 3:21
-
Ngewa syĩ Mbivilianĩ itonya kũũtethya:
-
Sav 32:1-5—O na kau Mũsumbĩ Ndaviti nĩweewʼaa ũkanyʼo wa Yeova wĩ mũito, nĩwakiakĩiwʼe kũmanya kana Yeova nũekeaa ala melilĩte kuma ngoonĩ nũndũ wa naĩ syoo
-
Yona 4:1-11—Mwathani Yona nĩwaneenisye Yeova athatĩte na ate na ndaĩa; ĩndĩ Yeova nĩwamũmĩĩisye na amũmanyĩsya ĩsomo ya vata ĩũlũ wa tei wake
-
Nĩkĩ tũtonya kwasya kana yĩla asyai meũnenga syana syoo ũkanyʼo methĩawa maisyonyʼa kana nĩmasyendete?
Nth 3:11, 12; 13:24
O na ĩngĩ sisya Nth 15:32; Ũvu 3:19