Bansemi
Ñanyi bintu byalengejile Yehoba kubikako masongola?
Bansemi bafwainwa kumonanga byepi baana babo?
Kabiji monai “Baana; Banyike”
-
Mashimikila a mu Baibolo:
-
Nt 33:4, 5—Yakoba wamonanga baana banji amba bupe bwafuma kwi Yehoba
-
Lup 1:15, 16, 22; 2:1-4; 6:20—Amulamu ne Yokebeda basemene Mosesa. Kabiji bepaine kufwa pa kuba’mba bazhikijile mwanabo
-
Ñanyi bintu bansemi byo bafwainwa kubilanga baana babo?
Mambo ka o kyawamina kufunjisha baana kubanga bintu bitokesha Yehoba ku muchima?
Kabiji monai 2Ti 3:14, 15
-
Mashimikila a mu Baibolo:
-
1Sa 2:18-21, 26; 3:19—Bansemi ba kwa Samwela bapaine mwanabo kuba’mba atendeke kwingijila ku nzubo ya Lesa. Kabiji bayanga na kumumona pa mwaka pa mwaka. Bamukwashishe kutemwa Yehoba ne kumwingijila mu bukishinka
-
Luk 2:51, 52—Yesu wakookelanga bansemi banji nangwa kya kuba kechi bajinga baoloka ne
-
Bansemi bafwainwa kutaana kwepi mikambizho ya kwibakwasha kufunjisha baana babo?
Mpi 6:4-9; Ef 6:4; 2Ti 3:14-17
Kabiji monai Sl 127:1; Man 16:3
-
Mashimikila a mu Baibolo:
-
Mit 13:2-8—Malaika byo abuujile Manowa amba aye ne mukazhanji bakasema mwana wamulume, Manowa walombele kwi Yehoba kuba’mba bamufunjishe byo afwainwe kukomesha uno mwana
-
Sl 78:3-8—Yehoba ukeba bansemi kufunjishanga baana babo bintu byo bafunda mu Baibolo
-
Mambo ka baana bamo o babujila kufukuulapo kwingijila Yehoba nangwa kya kuba bakomena mu kisemi kyatemwa Yehoba?
Ñanyi kimye bansemi kyo bafwainwa kutendeka kufunjisha baana babo bintu Lesa byo akeba’mba bobenga?
-
Mashimikila a mu Baibolo:
-
Mpi 29:10-12, 29; 31:12; Eze 10:1—Kimye bena Isalela kyo bapwilanga pamo na kufunda pe Yehoba, basendanga ne baana babo
-
Lu 2:41-52—Pa mwaka pa mwaka, Yosefwa ne Maliya basendanga Yesu ne baana babo bakwabo pa kuya ku Kijiilo kya Lupitailo ku Yelusalema
-
Bansemi bafwainwa kuzhikijila byepi baana babo ku bantu bakonsha kubika bumi bwabo mu kizumba?
-
Mashimikila a mu Baibolo:
-
Lup 19:4; Mpi 32:11, 12—Yehoba wiesakanya aye mwine ku mpungu usenda, uzhikijila ne kuta muchima twana twanji
-
Is 49:15—Yehoba uzhikijila ne kuta muchima bakalume banji kukila byuba mwanamukazhi pa kuzhikijila mwananji mucheche
-
Mat 2:1-16—Satana wakebelenga kwipaya Yesu saka ajitu lukeke byo atangijile bashayuka batubangabanga ku mfumu watama aye Heloda. Pano bino, Yehoba wabuujile Yosefwa kuya ku Ijipita pamo na kisemi kyanji kuba’mba azhikijile mwananji
-
Mat 23:37—Yesu waesakenye byo akebesha kukwasha bantu banji ku byuba kyaje byo akonkanya twana twanji mu byapi
-
Mambo ka bansemi o bafwainwa kufunjishisha baana babo pa mutwe wa kwilaala?
-
Mashimikila a mu Baibolo:
-
Le 15:2, 3, 16, 18, 19; Mpi 31:10-13—Mizhilo ya Mosesa yaamba pe Yehoba byo amona kwilaala. Kabiji Yehoba wibakambizhe kuba’mba bafwainwa kutanganga ino mizhilo ne baana babo saka bateleka
-
Sl 139:13-16—Davida wasanchijile Yehoba pa byo alenga mubiji wa muntu ne pa bupe bwa kusema baana
-
Man 2:10-15—Milangwe ne maana bipana Yehoba byafwainwa kwituzhikijila ku bantu boba bintu byatama kabiji bongola bakwabo
-
Mambo ka bansemi o bafwainwa kololangako baana babo mu butemwe?
Man 13:24; 29:17; Ye 30:11; Ef 6:4
Kabiji monai Sl 25:8; 145:9; Kol 3:21
-
Mashimikila a mu Baibolo:
-
Sl 32:1-5—Yehoba wakambwile Davida pa mambo o alengele. Pano bino, watundaikilwe bingi byo ayukile’mba Yehoba ulekelako mambo bantu balapila kya kine
-
Yon 4:1-11—Ngauzhi Yona wisambile ne Yehoba saka azhingila ne kwamba kwa kubula mushingi. Pano bino, Yehoba wamutekenyejile ne kumubila lusa
-
Mambo ka o twafwainwa kwambila’mba kololako baana kumwesha’mba bansemi batemwa baana babo?
Kabiji monai Man 15:32; Lum 3:19