Baboti
Wapi mwa bantina oyo Yehova abandisaki libala?
Ndenge nini baboti basengeli kotalela bana na bango?
Talá mpe “Bana mpe bilenge”
-
Bandakisa ya Biblia oyo ekoki kosalisa:
-
Eb 33:4, 5—Yakobo atalelaki bana na ye lokola lipamboli ya Yehova
-
Kob 1:15, 16, 22; 2:1-4; 6:20—Amirame ná Yokebede, boboti ya Moize, batyaki bomoi na likama mpo na kobatela ye
-
Baboti bazali na mokumba nini epai ya bana?
Mib 6:6, 7; 11:18, 19; Mas 22:6; 2Ko 12:14; 1Ti 5:8
-
Bandakisa ya Biblia oyo ekoki kosalisa:
-
1Sa 1:1-4—Elekana amemaki libota na bafɛti na Shilo, mpe amindimisaki ete mwana nyonso azali kosambela Yehova
-
Lk 2:39, 41—Mbala mingi Yozefe ná Maria elongo na bana na bango bazalaki kolongwa na Nazarete mpe kokende na Yerusaleme mpo na fɛti ya Elekeli
-
Mpo na nini ezali na ntina koteya bana básepelisa Yehova?
Talá mpe 2Ti 3:14, 15
-
Bandakisa ya Biblia oyo ekoki kosalisa:
-
1Sa 2:18-21, 26; 3:19—Baboti ya Samwele bapesaki mwana na bango mpo asala na tabernakle, kasi bazalaki kotala ye mbala na mbala mpe kokokisa bamposa na ye; ntango akolaki azalaki makasi na elimo
-
Lk 2:51, 52—Yesu atosaki baboti na ye atako bazangaki kokoka
-
Epai wapi baboti bakoki kozwa litambwisi mpo na kobɔkɔla bana na bango?
Mib 6:4-9; Ef 6:4; 2Ti 3:14-17
Talá mpe Nz 127:1; Pr 16:3
-
Bandakisa ya Biblia oyo ekoki kosalisa:
-
Bas 13:2-8—Ntango bayebisaki ye ete mwasi na ye akozwa zemi na ndenge ya likamwisi, Manoa atunaki mpo ayeba ndenge ya kobɔkɔla mwana yango
-
Nz 78:3-8—Yehova alingi ete baboti báteya bana makambo oyo bayekoli na Biblia
-
Ata soki mwana akolá na libota oyo elingaka Nzambe, mpo na nini akoki koboya kosalela Yehova?
-
Bandakisa ya Biblia oyo ekoki kosalisa:
-
Eb 6:1-5; Yd 6—Atako balekisaki bambula ebele mpenza na likoló elongo na Yehova, baanzelu ebele batombokaki
-
1Sa 8:1-3—Atako Samwele azalaki mosakoli ya sembo mpe ya boyengebene, bana na ye bakómaki na bizaleli ya mabe
-
Ntango nini baboti basengeli kobanda koteya bana banzela ya Nzambe?
-
Bandakisa ya Biblia oyo ekoki kosalisa:
-
Mib 29:10-12, 29; 31:12; Ezr 10:1—Bayisraele bazalaki komema bana na bango na mayangani mpo bango mpe báyekola banzela ya Yehova
-
Lk 2:41-52—Mbula na mbula, Yozefe ná Maria bazalaki komema bana na bango, ezala mpe Yesu, na fɛti ya Elekeli na tempelo ya Yerusaleme
-
Bandakisa nini baboti basengeli kolanda ntango esɛngi bábatela bana na baoyo bakoki kosala bango mabe?
-
Bandakisa ya Biblia oyo ekoki kosalisa:
-
Kob 19:4; Mib 32:11, 12—Yehova amikokanisi na mpongo oyo ememaka bana na yango, ebatelaka mpe eleisaka yango
-
Yis 49:15—Yehova alaki ete akoleisa mpe akobatela basaleli na ye koleka ndenge oyo mama amonisaka mawa epai ya mwana na ye oyo azali komɛlisa
-
Mt 2:1-16—Satana alukaki koboma Yesu ntango abotamaki ndenge asalaki ete banganga-minzoto bákende epai ya Mokonzi Erode, kasi Yehova abatelaki mwana na ye ndenge asalaki ete Yozefe ná libota na ye bákende na Ezipito
-
Mt 23:37—Yesu akokanisi mposa na ye ya kosalisa bato na ye na ndenge nsoso ya mwasi esangisaka mpe ebatelaka bana na nse ya mapapu na yango
-
Mpo na nini baboti basengeli koteya bana makambo ya kosangisa nzoto?
-
Bandakisa ya Biblia oyo ekoki kosalisa:
-
Le 15:2, 3, 16, 18, 19; Mib 31:10-13—Mibeko ya Moize elobeli polele makambo ya kosangisa nzoto, mpe Yehova asɛngaki ete bana bázala wana ntango ezali kotángama na mongongo makasi
-
Nz 139:13-16—Davidi, mokomi ya Nzembo, akumisaki Yehova na ndenge nzoto ya moto esalemá, ezala mpe likoki ya kobota
-
Mas 2:10-15—Boyebi mpe bwanya ya Yehova ekoki kobatela biso na basali-mabe mpe bakosi
-
Mpo na nini baboti basengeli kopesa bana disiplini na bolingo?
Mas 13:24; 29:17; Yir 30:11; Ef 6:4
Talá mpe Nz 25:8; 145:9; Kol 3:21
-
Bandakisa ya Biblia oyo ekoki kosalisa:
-
Nz 32:1-5—Atako Mokonzi Davidi ayokaki mpasi ntango Yehova apesaki ye disiplini, kasi abɔndisamaki ndenge ayebaki ete Yehova alimbisaka baoyo babongoli mpenza motema
-
Yon 4:1-11—Mosakoli Yona alobaki na Yehova na nkanda mpe na limemya te; kasi Yehova amoniselaki ye motema molai mpe ateyaki ye motema mawa
-
Mpo na nini kopesa bana disiplini ezali lolenge baboti bamonisaka ete balingaka bango?
Talá mpe Mas 15:32; Em 3:19