Bashemi
Ki kabakalañi Jehova hanaalukisize kuli kube ni linyalo?
Bashemi baswanela kuunga cwañi bana babona?
Mubone ni taba yeli, “Bana; Babanca”
-
Mitala ya mwa Bibele yekona kulutusa:
-
Gen. 33:4, 5—Jakobo uunga bana bahae sina mpo yezwa ku Jehova
-
Exo. 1:15, 16, 22; 2:1-4; 6:20—Amirami ni Jokebedi bapepa Mushe, mi babeya bupilo bwabona mwa lubeta kuli bamusileleze
-
Ki buikalabelo mañi bobanani bona bashemi kwa bana babona?
Deut. 6:6, 7; 11:18, 19; Liprov. 22:6; 2 Makor. 12:14; 1 Tim. 5:8
-
Mitala ya mwa Bibele yekona kulutusa:
-
1 Sam. 1:1-4—Elikana uya ni lubasi lwahae kwa mikiti kwa Shilo, mi ubona teñi kuli mwana ni mwana waabana mwa mikiti yeo
-
Luka 2:39, 41—Josefa ni Maria kamita batama musipili ni bana babona kuzwa kwa Nazareta kuya kwa Jerusalema kwa mukiti wa Paseka
-
Ki bufi bunde bwa kuluta bana linzila za Jehova?
Mubone ni 2 Tim. 3:14, 15
-
Mitala ya mwa Bibele yekona kulutusa:
-
1 Sam. 2:18-21, 26; 3:19—Bashemi ba Samuele bafana mwanaa bona kuli asebeleze kwa tabernakele, kono bapotela mwanaa bona wamushimani yo nako kaufela ni kumutusa kufumana lika zatokwa; kacwalo, Samuele uhula kuba muuna yalata Jehova mi umusebeleza ka busepahali
-
Luka 2:51, 52—Jesu uzwelapili kuipeya kwatasaa bashemi bahae kusina taba kuli habasika petahala
-
Bashemi bakona kufumana kai ketelelo ya mwakuhuliseza bana babona?
Deut. 6:4-9; Maef. 6:4; 2 Tim. 3:14-17
Mubone ni Samu 127:1; Liprov. 16:3
-
Mitala ya mwa Bibele yekona kulutusa:
-
Baat. 13:2-8—Hamulaho wa kutalusezwa kuli musalaa hae ukapepa mwana wamushimani ka makazo, Manoa ukupa ketelelo ya mwakahuliseza mwana yo
-
Samu 78:3-8—Jehova ubata kuli bashemi baikabele zibo ya mwa Mañolo yebanani yona ni bana babona
-
Mwana niha ka hulisezwa mwa lubasi lolulata Mulimu, ki kabakalañi hakona kutuhela kusebeleza Jehova?
-
Mitala ya mwa Bibele yekona kulutusa:
-
Gen. 6:1-5; Juda 6—Kusina taba kuli batandile lilimo zeñata-ñata ni Jehova kwa lihalimu, bana ba Mulimu ba moya babañata baiketela kumukwenuhela
-
1 Sam. 8:1-3—Samuele niha li mupolofita yalukile ni yasepahala, bana bahae bona bakalisa kusasepahala ni kueza lika zemaswe
-
Ki lili bashemi fobaswanela kukaliseza kuluta bana babona linzila za Mulimu?
-
Mitala ya mwa Bibele yekona kulutusa:
-
Deut. 29:10-12, 29; 31:12; Ezira 10:1—Banana ni bona bafumaneha kwa mikopano yeeziwa kulapela Mulimu ilikuli baitute za linzila za Jehova
-
Luka 2:41-52—Josefa ni Maria kamita bayanga ni bana babona, kukopanyeleza cwalo ni Jesu, kwa mukiti wa Paseka kwa tempele mwa Jerusalema
-
Ki mitala ifi yebaswanela kulatelela bashemi hakutaha kwa kusileleza bana babona kwa batu babakona kubaeza maswe?
-
Mitala ya mwa Bibele yekona kulutusa:
-
Exo. 19:4; Deut. 32:11, 12—Jehova uibapanya kwa mbande yeshimba, kusileleza, ni kubabalela bana bayona
-
Isa. 49:15—Jehova usepisa kubabalela ni kusileleza batanga bahae ka nzila yefitela kwahule nihaiba makeke abonisanga me yaanyisa ku mwanaa hae
-
Mat. 2:1-16—Satani ulika kubulaya Jesu yali mbututu ka kuetelela baana babanuha ka linaleli ku mulena yamaswe Heroda, kono Jehova usileleza mwanaa Hae ka kutaluseza Josefa kuli aise lubasi lwahae kwa Egepita
-
Mat. 23:37—Jesu ubapanya takazo yanani yona ya kutusa batu kwa nasikuku moikubukanyezanga ni kusileleza tuzwinyani twayona mwa mafufa ayona
-
Ki kabakalañi bashemi habaswanela kuluta bana babona ka za somano?
-
Mitala ya mwa Bibele yekona kulutusa:
-
Liv. 15:2, 3, 16, 18, 19; Deut. 31:10-13 —Mulao wa Mushe ubulela ka kunonga fa litaba za somano, mi Jehova ulaela kuli banana babeteñi litaba zeo halinze libaliwa ka kutumusa
-
Samu 139:13-16—Muñoli wa samu Davida ulumbeka Jehova kabakala mo mubili wa mutu ubupehezi ka nzila yekomokisa, kukopanyeleza cwalo ni lilama zaona za lupepo
-
Liprov. 2:10-15—Zibo ni butali bobuzwa ku Jehova zakona kulusileleza kwa batu bababulela litaba zesika luka ni bapumi
-
Ki kabakalañi kalimelo haiswanela kufiwa ka nzila yelilato?
Liprov. 13:24; 29:17; Jer. 30:11; Maef. 6:4
Mubone ni Samu 25:8; 145:9; Makolo. 3:21
-
Mitala ya mwa Bibele yekona kulutusa:
-
Samu 32:1-5—Mulena Davida niha ikutwa kuli kalimelo yamufile Jehova ibuima, uomba-ombiwa ki taba ya kuli Jehova waswalela batu bababakela libi zabona habuniti
-
Jona. 4:1-11—Mupolofita Jonasi uambola ku Jehova ka kuhalifa ni ka kashwau; nihakulicwalo, Jehova ka pilu-telele uluta mupolofita yo kuba ni makeke
-
Ki kabakalañi halukona kubulela kuli kalimelo ki nzila yeo bashemi babonisa lilato kwa bana babona?
Mubone ni Liprov. 15:32; Sin. 3:19
Hape Mwendi Mwakona Kutabela Litaba Ze
MUZUHE!
Kutoma Mutala Omunde
Haiba mubata kuli bana bamina baeze zemubababulela, muswanela kueza zemubulela bamina kuli balieze.
TAWALA YA MULIBELELI
Kiñi Zekona Kumitusa Kuba Mushemi Yomunde?
Mukona kuuta cwañi hande bana bamina?
TAWALA YA MULIBELELI—HATISO YA KUITUTA
Bashemi—Mu Lute Bana ba Mina ku Zwa Kwa Bumbututu Bwa Bona
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
