Baledi
Mmalu kayi avua masake Yehowa bua kuenza dibaka?
Mmunyi mudi baledi ne bua kumona bana babu?
Bala kabidi tshiena-bualu tshia “Bana; Bansonga”
-
Tshilejilu tshia mu Bible:
-
Gen 33:4, 5—Yakoba uvua umona bana bende bu mapa a kudi Yehowa
-
Eks 1:15, 16, 22; 2:1-4; 6:20—Amalama ne Yokebede ke bavua baledi ba Mose. Bakaditeka mu njiwu bua kumukuba
-
Ntshinyi tshidi baledi ne bua kuenzela bana babu?
Bua tshinyi mbimpe kulongesha bana bua batumikile Yehowa?
Bala kabidi 2Tm 3:14, 15
-
Tshilejilu tshia mu Bible:
-
1Sm 2:18-21, 26; 3:19—Baledi ba Samuele bakamufila ku ntenta wa tshitendelelu bua kuenzelaku Yehowa mudimu, bavua ne tshibidilu tshia kuya kumumona bua kumukumbajila majinga ende; pakakolaye wakalua muntu uvua munange Yehowa ne umuenzela mudimu ne lulamatu
-
Luk 2:51, 52—Yezu uvua ukokela baledi bende nansha muvuabu bapange bupuangane
-
Mmuaba kayi udi baledi mua kupetela malu abambuluisha bua kulongesha bana babu?
Dut 6:4-9; Ef 6:4; 2Tm 3:14-17
Bala kabidi Mis 127:1; Nsu 16:3
-
Tshilejilu tshia mu Bible:
-
Bal 13:2-8—Pavua muanjelu muambile Manoa ne: Yehowa neamupeshe yeye ne mukajende muana wa balume, Manoa wakebeja Yehowa muvuaye mua kumukolesha
-
Mis 78:3-8—Yehowa mmusue bua baledi balongeshe bana babu malu a mu Bible adibu balonge
-
Nansha muana yeye mukolele mu dîku didi dinange Nzambi, bua tshinyi udi anu mua kubenga kuenzela Yehowa mudimu?
-
Tshilejilu tshia mu Bible:
-
Gen 6:1-5; Yuda 6—Nansha muvua banjelu ne Yehowa mu diulu bidimu bungi kabuyi kubala, ba bungi ba kudibu bakamutombokela
-
1Sm 8:1-3—Nansha muvua Samuele muprofete muakane wa lulamatu, bana bende bakadinyanga bapetela bintu mu njila mibi
-
Ndîba kayi didi baledi ne bua kubanga kulongesha bana babu mikenji ya Nzambi?
-
Tshilejilu tshia mu Bible:
-
Dut 29:10-12, 29; 31:12; Ezl 10:1—Pavua bena Isalele badisangisha bua kulonga malu a Yehowa, bavua baya ne bana babu bua baalonge pabu
-
Luk 2:41-52—Tshidimu tshionso, Jozefe ne Mariya bavua baya ne bana babu pamue ne Yezu ku ntempelo uvua ku Yelushalema bua tshibilu tshia Pasaka
-
Mbilejilu kayi bidi baledi ne bua kulonda bua kukuba bana babu kudi bantu badi mua kubenzela bibi?
-
Tshilejilu tshia mu Bible:
-
Eks 19:4; Dut 32:11, 12—Yehowa udi udifuanyikija ne nyunyi wa mukanku utu wambula bana bende, ubalama, ne ubatabalela
-
Yes 49:15—Yehowa mmulaye bua kutabalela batendeledi bende ne kubalama kupita too ne mamu utu ne luse bua muanende utshidi wamua dibele
-
Mat 2:1-16—Satana wakalombola bena lubuku lua mitoto kudi Helode mukalenge mubi bua baye kushipa Yezu utshivua muana, kadi Yehowa wakakuba Muanende, kuambilaye Jozefe bua amuangale ne dîku diende, baye mu Ejipitu
-
Mat 23:37—Yezu wakafuanyikija dijinga diende dia kuambuluisha bantu bende ne mushindu utu nzolo usangisha bana bende mu mapuapua ende ne ubakuba
-
Bua tshinyi mbimpe baledi balongeshe bana babu malu a dimanyangana dia mulume ne mukaji?
-
Tshilejilu tshia mu Bible:
-
Lew 15:2, 3, 16, 18, 19; Dut 31:10-13—Mikenji ya Mose ivua ileja patoke malu a dimanyangana dia mulume ne mukaji. Yehowa uvua mulombe bana bua bikale bateleja pabu pavuabu bayibala
-
Mis 139:13-16—Mufundi wa misambu Davidi wakatumbisha Yehowa bua mudiye muenze mubidi wa muntu mu mushindu wa dikema, mumupeshe kabidi bukole bua kulela bana
-
Nsu 2:10-15—Dimanya ne meji bia kudi Yehowa bidi mua kutukuba kudi bantu ba malu makonyangale ne bena bibenda
-
Bua tshinyi mbimpe baledi bikale banyoka bana babu ne dinanga?
Nsu 13:24; 29:17; Yel 30:11; Ef 6:4
Bala kabidi Mis 25:8; 145:9; Kls 3:21
-
Tshilejilu tshia mu Bible:
-
Mis 32:1-5—Yehowa wakanyoka Davidi pavuaye muenze mpekatu, kadi wakakoleshibua pakamanyaye ne: Yehowa utu ubuikidila bantu badi banyingalala ne muoyo mujima
-
Yna 4:1-11—Muprofete Yona wakakula ne Yehowa mu tshiji kayi umunemeka, kadi bu muvua Yehowa ne lutulu, wakamulongesha bua ikale ne luse
-
Bua tshinyi tudi tuamba ne: padi baledi banyoka bana babu bidi bileja mudibu babanange?
Bala kabidi Nsu 15:32; Bua 3:19
Mona bikuabu:
TABULUKAYI!
Mêku a disanka—Ikala tshilejilu
Wewe musue bua mêyi ebe alenge bana, adi ne bua kuikala apetangana ne malu audi wenza.
TSHIBUMBA TSHIA NSENTEDI
Udi mua kulua muledi muimpe mushindu kayi?
Mmunyi muudi mua kukolesha bana bimpe?
TSHIBUMBA TSHIA NSENTEDI (TSHIA KULONGA)
Baledi wetu, longeshayi bana benu kubangila ku buana
Ndîba kayi didibu ne bua kutuadija kubalongesha? Mmalu kayi adibu ne bua kubalongesha?
MALU ETU
Lomba bua balue kukutangila
Tata lukonko lua malu a mu Bible, anyi longa malu a bungi adi atangila Bantemu ba Yehowa.
