Roagdbã
Bõe yĩng t’a Zeova lugl kãadem?
Roagdbã tagsg segd n yɩɩ wãn ne b kambã?
Ges-y “Kamba; Kom-bɩɩse.”
-
Biiblã kibay sẽn tõe n sõng-yã:
-
Sɩng. 33:4, 5: A Zakoob ra geta a kambã wa kũun sẽn yit a Zeova nengẽ.
-
Yik. 1:15, 16, 22; 2:1-4; 6:20: A Amram ne a Zokebɛɛd sẽn da yaa a Moyiiz roagdbã gẽnega b yõyã, sẽn na yɩl n kogl-a.
-
Bõe la roagdbã segd n maan b kambã yĩnga?
Tõo. 6:6, 7; 11:18, 19; Yel. 22:6; 2 Kor. 12:14; 1 Tɩm. 5:8
-
Biiblã kibay sẽn tõe n sõng-yã:
-
1 Sãm. 1:1-4: A Ɛlkana ra tallda a zakã rãmb n kẽnd Sɩlo n waoogd a Zeova, la a sõngd a kambã fãa tɩ b kẽesd b toog n waoogd a Zeova.
-
Luk 2:39, 41: A Zozɛf ne a Maari ra minim n tallda b kambã n yit Nazarɛt n kẽnd Zerizalɛm n maand Pakã tigri.
-
Bõe yĩng tɩ tar yõod tɩ roagdbã zãmsd b kambã tɩ b sakd a Zeova noyã?
Ges-y 2 Tɩm. 3:14, 15.
-
Biiblã kibay sẽn tõe n sõng-yã:
-
1 Sãm. 2:18-21, 26; 3:19: A Sãmwɛll roagdbã rɩk-a lame n kẽng sɛk-roogẽ wã, t’a na n tɩ tʋmd a Zeova tʋʋmã, la b ra kẽnd n get-a yʋʋmd fãa, n sõngdẽ t’a paamd bũmb nins sẽn yaa tɩlɛ ne-a wã. A Sãmwɛll wa n bɩɩme n nong a Zeova la a tũud-a ne a sũur fãa.
-
Luk 2:51, 52: A Zeezi kell n saka a roagdbã, baa ne b sẽn da pa zems zãngã.
-
Yɛ la roagdbã tõe n paam sagls sẽn na n sõng-b tɩ b tõog n wub b kambã?
Tõo. 6:4-9; Efɛɛ. 6:4; 2 Tɩm. 3:14-17
Ges-y Yɩɩn. 127:1; Yel. 16:3.
-
Biiblã kibay sẽn tõe n sõng-yã:
-
Bʋ. 13:2-8: Malɛkã sẽn wa n togs a Manowa tɩ yẽ ne a pagã na n paama bi-riblã, a Manowa kosa a Zeova n na n bãng a sẽn tõe n wub biigã to-to.
-
Yɩɩn. 78:3-8: A Zeova ratame tɩ roagdbã zãms b kambã Gʋls-sõamyã sẽn yet bũmb ninsã.
-
Baa biig roagdb sã n tũud a Zeova, bõe yĩng tɩ biigã tõe n wa pa rat n tũ a Zeova?
-
Biiblã kibay sẽn tõe n sõng-yã:
-
Sɩng. 6:1-5; Ziid 6: Baa ne malɛgsã sẽn zĩnd saasẽ ne a Zeova na maan yʋʋm kõn bãng n sõdã, b wʋsg yãka yam n kɩɩs a Zeova.
-
1 Sãm. 8:1-3: Baa ne no-rɛɛs a Sãmwɛll sẽn da sakd Wẽnnaam la a yaa nin-tɩrgã, a kom-dibli wã wa n lebga zãmb-dãmba, la b ra reegd noor-madgre.
-
Bõe yĩng tɩ roagdbã segd n zãms b kambã a Zeova noyã?
-
Biiblã kibay sẽn tõe n sõng-yã:
-
Tõo. 29:10-12, 29; 31:12; Ɛsd. 10:1: Israyɛll nebã sã n da rabd n na n tɩ zãms a Zeova noyã, b tallda b kambã n kẽng tɩ bãmb me tɩ naag n zãmse.
-
Luk 2:41-52: A Zozɛf ne a Maari ra minim n tallda a Zeezi la b kamb a taabã n kẽnd Zerizalɛm, Pakã tigr yĩnga.
-
Ãnd dãmb togs-n-taar la roagdbã tõe n dɩke, b kambã koglg wɛɛngẽ?
-
Biiblã kibay sẽn tõe n sõng-yã:
-
Yik. 19:4; Tõo. 32:11, 12: A Zeova yeelame t’a kogenda a nin-buiidã wa sɩlg sẽn kogend a kamb la a get b yell to-to wã.
-
Eza. 49:15: A Zeova pʋlmame t’a na n kogla a nin-buiidã la a ges b yelle, wa pag sẽn get a bi-pɛɛlg yell to-to wã.
-
Mat. 2:1-16: A Sʋɩtãan makame n na n tũnug ne ãds-bagbã n kɩt tɩ rĩm-wẽng a Erood paam n kʋ a Zeezi. La a Zeova kogla a Zeezi, a sẽn yeel a Zozɛf t’a yik ne a zakã rãmb n kẽng Ezɩptã.
-
Mat. 23:37: A Zeezi wilgame t’a rata ne a sũur fãa n kogl a nebã wa no-yãang sẽn tigimd a no-bi a pɩgs tẽngr to-to wã.
-
Bõe yĩng tɩ roagdbã segd n gomd ne b kambã pag ne rao lagengã yelle?
-
Biiblã kibay sẽn tõe n sõng-yã:
-
Maan. 15:2, 3, 16, 18, 19; Tõo. 31:10-13: A Moyiiz tõogã pʋgẽ, b gomda pag ne rao lagengã yell vẽeneg-vẽenega. La a Zeova ra kõo noor tɩ kambã segd n zĩnda tõogã kareng sasa.
-
Yɩɩn. 139:13-16: Yɩɩn-gʋlsd a Davɩɩd pẽga a Zeova, a sẽn naan ninsaal yĩngã to-to wã, la a kõ-d tõog tɩ d tõe n dog kambã.
-
Yel. 2:10-15: Bãngr la yam ning sẽn yit a Zeova nengẽ wã tõe n kogl-d-la ne nin-wẽnsã la zãmb-dãmbã.
-
Bõe yĩng tɩ roagdbã segd n kibind b kambã ne nonglem?
Yel. 13:24; 29:17; Zer. 30:11; Efɛɛ. 6:4
Ges-y Yɩɩn. 25:8; 145:9; Kolo. 3:21.
-
Biiblã kibay sẽn tõe n sõng-yã:
-
Yɩɩn. 32:1-5: Baa ne a Zeova sẽn sɩbg rĩm a Davɩɩd a yel-wẽndã yĩngã, a sẽn bãng t’a Zeova kõta neb nins sẽn tekd yamã sugrã, kõ-a-la raoodo.
-
Zon. 4:1-11: No-rɛɛs a Zonaas sũur yikame t’a pa gom ne a Zeova ne waoogr ye. La baa ne rẽ, a Zeova talla sũ-mar n sõng-a t’a bãng t’a segd n yɩɩ nimbãan-zoɛta.
-
Bõe yĩng tɩ d tõe n yeel tɩ f sã n kibl biiga, wilgdame tɩ f nong-a lame?
Ges-y Yel. 15:32; Vẽn. 3:19.
Découvrez aussi…
SOGSG BIIBLÃ SẼN LEOKDE
Wãn to la roagdbã tõe n gom pag ne rao lagengã yell ne b kambã?
Biiblã tara sagls wʋsg sẽn tõe n sõng-y tɩ y tõog n gom pag ne rao lagengã yell ne y kambã, la y kogl-b ne nin-yoodã.
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
