Aavali
Omolwomatompelo gamwe geni Jehova a tota po ondjokana?
Gen 1:27, 28; 2:18, 20-24
Aavali oye na okutala ko ngiini oyana?
Eps 127:3-5; 128:3
Tala wo oshitopolwa: “Aanona; Aagundjuka”
Iiholelwa yopaMbiimbeli mbyoka tayi vulu oku ku kwathela:
Gen 33:4, 5 — Jakob okwa li a tala ko oyana ye li eyambeko lya za kuJehova
Eks 1:15, 16, 22; 2:1-4; 6:20 — Aavali yaMoses, Amram naJokebed, oya li ya ilongekidha okutula oomwenyo dhawo moshiponga, opo ya gamene okanona kawo
Aavali oye na okuningila shike oyana?
Deut 6:6, 7; 11:18, 19; Omayel 22:6; 2Kor 12:14; 1Tim 5:8
Iiholelwa yopaMbiimbeli mbyoka tayi vulu oku ku kwathela:
Okuputudha aanona ya kale haya vulika kuJehova, ohaku eta uuwanawa wuni?
Omayel 1:8, 9; 22:6
Tala wo enyolo tali landula: 2Tim 3:14, 15
Iiholelwa yopaMbiimbeli mbyoka tayi vulu oku ku kwathela:
1Sam 2:18-21, 26; 3:19 — Manga Samuel a li okamatyona, aavali ye oye mu gandja a ka longe ketsalihangano, ihe oya li haye ke mu talela po pandjigilile noku mu kwathela noompumbwe dhe; naasho a koko okwa kala e hole Jehova nomudhiginini kuye
Luk 2:51, 52 — Jesus okwa li ha vulika kaavali ye, nonando kaya li ya gwanenena
Openi aavali taya vulu okwaadha omayele ge na ko nasha nokuputudha oyana?
Deut 6:4-9; Ef 6:4; 2Tim 3:14-17
Tala wo omanyolo taga landula: Eps 127:1; Omayel 16:3
Iiholelwa yopaMbiimbeli mbyoka tayi vulu oku ku kwathela:
Aatok 13:2-8 — Konima sho omuyengeli a lombwele Manoak kutya omukulukadhi gwe ota ka vala okanona okamati pashikumithalonga, okwa li a pula Jehova kutya otaye ke ka putudha ngiini
Eps 78:3-8 — Jehova okwa hala aavali ya longe oyana shoka yi ilonga mOmbiimbeli
Nonando okanona oka putukila muukwanegumbo wu hole Kalunga, omolwashike tashi vulika ka tokole kaaka longele Jehova?
Hes 18:1-13, 20
Iiholelwa yopaMbiimbeli mbyoka tayi vulu oku ku kwathela:
Gen 6:1-5; Jud 6 — Nonando aayengeli oya kala megulu omimvo odhindjidhindji pamwe naJehova, oyendji yomuyo oya li ya tokola oku mu tukulila oshipotha
1Sam 8:1-3 — Nonando Samuel okwa li omuhunganeki omudhiginini nomuyuuki, oyanamati oya li ye na uulingilingi nokaya li aanashili
Uunake aavali ye na okutameka okulonga oyana shoka Kalunga a hala ya ninge?
2Tim 3:15
Iiholelwa yopaMbiimbeli mbyoka tayi vulu oku ku kwathela:
Deut 29:10-12, 29; 31:12; Esra 10:1 — Aaisraeli oya li haya ka gongala pamwe noyana, opo yi ilonge kombinga yaJehova
Luk 2:41-52 — Josef naMaria oya li haya yi pandjigilile koshituthi shOpaasa kotempeli muJerusalem pamwe noyana, mwa kwatelwa Jesus
Aavali oye na okulandula iiholelwa yini, ngele tashi ya pokugamena oyana kwaamboka tashi vulika ye ya etele oshiponga?
Iiholelwa yopaMbiimbeli mbyoka tayi vulu oku ku kwathela:
Eks 19:4; Deut 32:11, 12 — Jehova oti ifaathanitha nontsa ndjoka hayi humbata uudhilona wayo, hayi wu gamene noku wu sila oshimpwiyu
Jes 49:15 — Jehova okwa uvaneka okusila oshimpwiyu nokugamena aapiya ye, shi vulithe nokuli momukalo moka omuvalakadhi ha ulukile okahanona ke olukeno
Mat 2:1-16 — Satana okwa li a kambadhala okudhipaga okahanona Jesus, mokuwilika aayanekeli yoonyothi aapagani ya ye komukwaniilwa omukolokoshi Herodes, ihe Jehova okwa li a gamene Omwana, sho a lombwele Josef a tembukile kuEgipiti naanegumbo ye
Mat 23:37 — Jesus okwa li a yelekanitha omukalo moka a hala okukwathela oshigwana shawo nankene ondjuhwa hayi gamene uuyuhwena wayo kohi yomawawa gayo
Omolwashike aavali ye na okulonga oyana kombinga yiinima yopamilalo?
Iiholelwa yopaMbiimbeli mbyoka tayi vulu oku ku kwathela:
Lev 15:2, 3, 16, 18, 19; Deut 31:10-13 — Ompango yaMoses oya popya sha yela kombinga yiinima yopamilalo, na Jehova okwa li a popi kutya aanona opo ye na okukala, uuna tayi leshwa muule
Eps 139:13-16 — Omukwaniilwa David okwa li a pandula Jehova, sho a shiti olutu lwomuntu momukalo omukumithi, mwa kwatelwa sho halu vulu okuvala aanona
Omayel 2:10-15 — Ontseyo nuunongo mboka Jehova he tu pe, otayi vulu oku tu gamena kwaamboka ya hala oku tu ningila uuwinayi noku tu kengelela
Omolwashike aavali ye na okupukulula oyana momukalo gwopahole?
Omayel 13:24; 29:17; Jer 30:11; Ef 6:4
Tala wo omanyolo taga landula: Eps 25:8; 145:9; Kol 3:21
Iiholelwa yopaMbiimbeli mbyoka tayi vulu oku ku kwathela:
Eps 32:1-5 — Nonando David okwa li e uvite a gwililwa po sho a pukululwa kuJehova omolweyono lye, okwa li a pepelelwa sho e shi kutya Jehova oha dhimine po mboka ye iyela ombedhi shili
Jona 4:1-11 — Omuhunganeki Jona okwa li a popi naJehova a geya nokee na esimaneko, ihe nando ongawo, Jehova okwe mu longo neidhidhimiko a kale e na ohenda
Omolwashike okupukululwa tu na oku ku tala ko ku li euliko lyohole?
Omayel 3:11, 12; 13:24
Tala wo omanyolo taga landula: Omayel 15:32; Eh 3:19
Opu na ishewe uuyelele mbuka
PENDUKA MO!
Opo aanegumbo ya pondole, aanona oya pumbwa okutulilwa po — Oshiholelwa
Ngele owa hala shoka to popi shi thike momitima dhaamwoye, kala ho ningi shoka ho ya lombwele ya ninge.
OSHUNGOLANGELO YOKUKONAKONWA
Aavali — Dheuleni aanona yeni okuza kuunona
Mbela okanona oke na okudheulwa kuyele sho ke thike peni? Edheulo ndika oli na okukala lya kwatela mo shike?
KOMBINGA YETU
Pula ekonakonombiimbeli
Kundathaneneni epulo lyopaMbiimbeli nenge wu ilonge oshindji kombinga yOonzapo dhaJehova.
