Ababuti
Ebighuma by’oko byaleka Yehova inyatsukisya endwa ni byahi?
Ababuti batolere ibalangira bati abana babo?
Esy 127:3-5; 128:3
Lebaya na “Abana; Abalwana n’Abambesa”
-
Eby’erileberyako ebiri omo Biblia:
-
Enz 33:4, 5—Yakobo mwabugha ati abana biwe ni muyisa wa Yehova
-
Eri 1:15, 16, 22; 2:1-4; 6:20—Amuramu na Yokebedi mubabuta Musa, kandi mubahira esyongebe syabo omo bwiko batoke erimuteya
-
Litolere ababuti ibakolera abana babo b’emyatsi yahi?
Ebi 6:6, 7; 11:18, 19; Emi 22:6; 2Ko 12:14; 1Tm 5:8
Eribegherya abana eryowa Yehova kiri na ndundi yahi?
Emi 1:8, 9; 22:6
Lebaya n’omo 2Tm 3:14, 15
-
Eby’erileberyako ebiri omo Biblia:
-
1Sa 2:18-21, 26; 3:19—Ababuti ba Samweli mubamutwala abye akakolera oko hema y’erihindanamo. Aliwe ibakabya ibanemumulenderera n’erimutwalira ebyo alaghireko. Mwakula, amabya mundu w’obunyakirimu
-
Luk 2:51, 52—Ababuti ba Yesu sibabya bahika-hikene, nomo bine, Yesu iniakowabo
-
Ababuti bangabana hayi h’obusondoli bw’erikulya abana?
Ebi 6:4-9; Efe 6:4; 2Tm 3:14-17
Lebaya n’omo Esy 127:1; Emi 16:3
-
Eby’erileberyako ebiri omo Biblia:
-
Aba 13:2-8—Omumalaika abere abibwira Manoa ngoko Yehova akendikola ekitiko-tiko mukali wiwe iniabuta omwana, Manoa mwasaba Yehova y’obusondoli bw’erisyalembera omwana oyo
-
Esy 78:3-8—Yehova akasaba ababuti erikangirirya abana babo emyatsi eyo babiryigha
-
Busanaki oko sindi ndambi omwana anganaghana erikolera Yehova, nomo angabya omo kihanda ekyanzire Yehova?
Eze 18:1-13, 20
-
Eby’erileberyako ebiri omo Biblia:
-
Enz 6:1-5; Yud 6—Abamalaika balebe mubayisamumbula oko Yehova nomo banabya ibabiribugha emyaka n’emyaka haghuma na Yehova omo lubula
-
1Sa 8:1-3—Omuminyereri Samweli abya mutaleghula kandi mutunganene, aliwe abana biwe mubatabya bakakola omo kwenene kandi mubabya bakasaba ekyutuliro
-
Ababuti batolere ibatsuka erikangirirya abana babo mughulu wahi?
-
Eby’erileberyako ebiri omo Biblia:
-
Ebi 29:10-12, 29; 31:12; Ezr 10:1—Abaisraeli ibakabya bakahindana batoke erigha oko Yehova, ibakasa na bana babo nabo batoke erigha
-
Luk 2:41-52—Obuli mwaka Yozefu na Maria ibakaghenda n’abana babo oko hekalu e Yerusalema oko kiro kikulu kye Pasaka, erihirako na Yesu
-
Ababuti batolere ibakwama eky’erileberyako kyandi oko mwatsi w’eriteya abana babo oko bandu babi?
-
Eby’erileberyako ebiri omo Biblia:
-
Eri 19:4; Ebi 32:11, 12—Yehova akayisosekanaya n’erisamba erikaheka n’eriteya ebyana byaryo, n’erisulubirirabyo
-
Isa 49:15—Yehova abirilagha eriteya n’erisulubirira abaghombe biwe kwilaba nibya ngoko mama akanza olumekeke lwiwe
-
Mt 2:1-16—Sitani mwasonda eriita Yesu iniakine mwana kundi mwasondola abapagani abakalaghula omw’ilebya esyongununu eriya eyiri omwami mubi ye Herode. Aliwe Yehova mwateya omwana wiwe, amabwira Yozefu ati ahumiraye ekihanda kye Misiri
-
Mt 23:37—Yesu mwayisosekania n’eributi ry’engoko erikakuma-kuma n’eriteya ehipyeghe (ehyana) hyaryo omo bipupa byalyo erikangania ngoko anzire eriwatikya abandu biwe
-
Busanaki litolere ababuti ibahana abana babo oko myatsi y’engyingo?
-
Eby’erileberyako ebiri omo Biblia:
-
Law 15:2, 3, 16, 18, 19; Ebi 31:10-13—Emighambo ya Musa iyikabugha burora-rora oko myatsi y’engyingo, kandi Yehova mwabugha ati abana ibabya ibaneho Emighambo ikasomwa omo mulenge
-
Esy 139:13-16—Omuhandiki w’esyonyimbo ye Daudi mwapipa Yehova busana n’eribumba omundu omo nzira eyikaswekaya n’erihirako obutoki bw’eributa abana
-
Emi 2:10-15—Amenge n’eriminya ebyo Yehova akatuha , byanganatuteya oko bandu abakakola emyatsi mibi n’ey’obutebya
-
Busanaki litolere ababuti ibabya n’olwanzo bakakunga abana babo?
Emi 13:24; 29:17; Yer 30:11; Efe 6:4
Lebaya n’omo Esy 25:8; 145:9; Kol 3:21
-
Eby’erileberyako ebiri omo Biblia:
-
Esy 32:1-5—Omwami Daudi abere abikola erilolo, Yehova mwamusuyira. Aliwe Daudi mwatulera abiminya ngoko Yehova akaghanyira abakabinduka n’erileka amalolo
-
Yon 4:1-11—Omuminyereri mwabugha na Yehova omo buhitane kandi butsir’isikya; aliwe, Yehova mwakania naye omo bwolo kandi inianatulere. N’ekyo mukyaleka Yona iniaminya ngoko Yehova ni mughanyiri
-
Busanaki kyangabuwa kiti ababuti abanzire abana babo, bakakungabo?
Emi 3:11, 12; 13:24
Lebaya n’omo Emi 15:32; Erb 3:19