Mvuaji
Mukunda natshi Yehowa walondele ulo?
Luholo lutshi mvuaji jiana tadila an’awo?
Ngi 127:3-5; 128:3
Tala nji “Ana; Mavuala”
-
Ifezegeselo idi mu Biblia yajiya gugukuatesa:
-
Gis 33:4, 5—Yakoba wakhalele mumona an’enji gifua kado ga Yehowa
-
Guz 1:15, 16, 22; 2:1-4; 6:20—Amelame nu Yokebede avualele Moize, ahagele monyo wawo mu gingonza ha gumubamba
-
Itshi mvuaji jidi naye gutshita mukunda nu an’awo?
Mikh 6:6, 7; 11:18, 19; Ish 22:6; 2Kol 12:14; 1Tm 5:8
-
Ifezegeselo idi mu Biblia yajiya gugukuatesa:
-
1Sam 1:1-4—Elekana wayile nu fami yenji gu Shilo ha gukombelela Yehowa, wayile nu an’enji agasue guene
-
Luk 2:39, 41—Yozefe nu Madiya akhalele mukatuga gu Nazaleta nu an’awo ha guya gu Yelusalema mukunda nu gukalagala Wano wa Pake
-
Mukunda natshi idi nu ndando ha gulongesa ana ha gutumagela mikhuala ya Yehowa?
Ish 1:8, 9; 22:6
Tala nji 2Tm 3:14, 15
-
Ifezegeselo idi mu Biblia yajiya gugukuatesa:
-
1Sam 2:18-21, 26; 3:19—Mvuaji jia Samuele jiahanele mun’awo gudi Yehowa ha gumukalegela mudimo gu inzo ya tenta; uvi akhalele muya muavula ha gumutala, akhalele gumuhana ima yakhalele naye muene funu; hakhalele mukula muene, wakhalele muzumba Yehowa, wamukombelele nji nu gujinginyina guagasue
-
Luk 2:51, 52—Yesu wakhalele mutumagela mvuaji jienji, ngatshima akhalelego athu atagana
-
Gui mvuaji jiajiya guheta malongo ajiya guakuatesa ha gulongesa an’awo?
Mikh 6:4-9; Ef 6:4; 2Tm 3:14-17
Tala nji Ngi 127:1; Ish 16:3
-
Ifezegeselo idi mu Biblia yajiya gugukuatesa:
-
Manz 13:2-8—Tangua muanjelo wawambelele Manowa egi mukaji’enji mbawuvuala mona mu luholo lua gushimana, Manowa wahudile Yehowa luholo lua gusansa mona muene
-
Ngi 78:3-8—Yehowa wana tshigina egi mvuaji jilongese an’awo ndaga jialongugile ene mu Biblia
-
Ngatshima mona wavualewe mu fami ya akombeledi a Nzambi, mukunda natshi matangua ako wajiya guzula desizio dia gutuna gukombelela Nzambi?
Ezek 18:1-13, 20
-
Ifezegeselo idi mu Biblia yajiya gugukuatesa:
-
Gis 6:1-5; Yud 6—Ngatshima anjelo abalegesele ivo yavula mu dilu nu Yehowa, uvi avula mukatshi diawo alumbugile
-
1Sam 8:1-3—Samuele wakhalele profete wabonga, uvi an’enji akhalelego mukalagala ndaga nu giamatshidia
-
Tangua ditshi mvuaji jidi naye gusendesa gulongesa an’awo giamatshidia?
-
Ifezegeselo idi mu Biblia yajiya gugukuatesa:
-
Mikh 29:10-12, 29; 31:12; Ez 10:1—Tangua enya Isalele akhalele gudibungisa ha gukombelela Yehowa, akhalele mubata nji an’awo ha gualongesa ndaga jiatadila Yehowa
-
Luk 2:41-52—Yozefe nu Madiya akhalele nu khadilo dia guya nu an’awo, nu Yesu, gu Wano wa Pake gu tempelo gu Yelusalema
-
Ifezegeselo itshi mvuaji jiajiya gulandula ha gubamba an’awo gudi athu anyi ajiya guatshita gubola?
-
Ifezegeselo idi mu Biblia yajiya gugukuatesa:
-
Guz 19:4; Mikh 32:11, 12—Yehowa wana gudifuanesa nu njila ya khuyi inyi yana disa an’enji nu guabamba
-
Yesh 49:15—Yehowa wana laya egi mbawukuatesa akombeledi enji, nu mbawaabamba gubalega guzumba gunu mama wana monesela mun’enji wa gitebe
-
Mat 2:1-16—Satana wakambele gushiya Yesu hakhalele muene mona wa gitebe, tangua diatumile muene athu ana tala themua ha guya gudi Helode Fumu wabola, uvi Yehowa wabambele mun’enji hawambelele muene Yozefe ha guya nu fami yenji gu Ejipitu
-
Mat 23:37—Yesu wazuelele egi wana khala nu nzala ya gukuatesa athu gifua luholo susua yana bungisa an’enji mu mahambu
-
Mukunda natshi mvuaji jidi naye gulongesa an’awo ndaga yatadila gubungisa muila?
-
Ifezegeselo idi mu Biblia yajiya gugukuatesa:
-
Lev 15:2, 3, 16, 18, 19; Mikh 31:10-13—Mukhuala wa Moize wazuelele haphelo ndaga yatadila gubungisa muila, Yehowa wazuelele egi ana adi naye nji gukhala hene tangua adi mutanga mukhuala wene mu dijui diakola
-
Ngi 139:13-16—Davidi watumbuishile Yehowa luholo wafugile athu mu luholo lua gushimana, nu luholo waafugile nu luendu lua guvuala ana
-
Ish 2:10-15—Ujiyi nu ndunge jiana gutuhana Yehowa jiana gutubamba hagula athu abola atukalagalago gubola
-
Mukunda natshi mvuaji jidi naye guhana an’awo disipline nu guzumba guagasue?
Ish 13:24; 29:17; Yel 30:11; Ef 6:4
Tala nji Ngi 25:8; 145:9; Kol 3:21
-
Ifezegeselo idi mu Biblia yajiya gugukuatesa:
-
Ngi 32:1-5—Yehowa wahanele Fumu Davidi ndola mukunda nu gubola guakalegele muene, uvi Davidi wakotelesele egi Yehowa wana totesela athu ana balumuna diago mutshima
-
Yona 4:1-11—Profete Yona wawambelele Yehowa ndaga nu khabu jiagasue nu ginaga; uvi Yehowa wamulongesele nu guhuiminyina guagasue ndaga yatadila guvila athu khenda
-
Mukunda natshi tudi muzuela egi disipline diana monesa egi mvuaji jiana zumba an’awo?
Ish 3:11, 12; 13:24
Tala nji Ish 15:32; Gum 3:19
Tala Malongo ako Ajiya Gugusuanguluisa
NDAGA JIATUTADILA
Toga Egi Temue wa Yehowa Mumoshi Aze Agutale
Muajiya guzuelela mihu ya Biblia, nga gulonguga ndaga jiavula jiatadila Matemue a Yehowa.
