ماں پیو
یہوواہ نے شادی دا بندھن کیس وجہ توں قائم کیتا اے؟
پیدائش 1:27، 28؛ 2:18، 20-24
بچیاں بارے ماں پیو دی کیہہ سوچ ہونی چاہی دی اے؟
زبور 127:3-5؛ 128:3
”بچے/نوجوان“ نُوں وی ویکھو۔
-
پاک کلام چوں کجھ مثالاں:
-
پیدائش 33:4، 5—یعقوب اپنے بچیاں نُوں یہوواہ وَلّوں اِک برکت سمجھدا سی۔
-
خروج 1:15، 16، 22؛ 2:1-4؛ 6:20—موسیٰ دے ماں پیو عمرام تے یوکبد نے اوہنوں بچان لئی اپنی جان دی پرواہ نئیں کیتی۔
-
ماں پیو دِیاں کیہہ ذمےداریاں نیں؟
اِستثنا 6:6، 7؛ 11:18، 19؛ اَمثال 22:6؛ 2-کُرنتھیوں 12:14؛ 1-تیمُتھیُس 5:8
-
پاک کلام چوں کجھ مثالاں:
-
1-سموئیل 1:1-4—القانہ ہر سال اپنے گھرانے نُوں سیلا چ عیداں منان لئی لجاندا سی۔ اوہ چاہندا سی کہ اوہدے بچے وی یہوواہ دی عبادت کرن۔
-
لُوقا 2:39، 41—یوسف تے مریم اپنے بچیاں سمیت باقاعدگی نال فسح دی عید منان لئی ناصرت توں یروشلم جاندے سن۔
-
بچیاں نُوں بچپن توں ای یہوواہ دی فرمانبرداری سکھان دا کیہہ فائدہ ہوندا اے؟
اَمثال 1:8، 9؛ 22:6
2-تیمُتھیُس 3:14، 15 نُوں وی ویکھو۔
-
پاک کلام چوں کجھ مثالاں:
-
1-سموئیل 2:18-21، 26؛ 3:19—سموئیل دے ماں پیو نے اپنے پُتر نُوں خیمۂاِجتماع چ خدمت کرن لئی گھل دِتا۔ پر اوہ باقاعدگی نال اوہنوں مِلن جاندے سن تے اوہدیاں ضرورتاں دا خیال رکھدے سن۔ سموئیل وڈا ہو کے وی وفاداری نال یہوواہ دی خدمت کردا رہیا۔
-
لُوقا 2:51، 52—یسوع دے ماں پیو عیبدار سن۔ پر یسوع فیر وی اوہناں دا فرمانبردار رہیا۔
-
ماں پیو اپنے بچیاں دی تربیت کرن لئی مدد کتھوں لے سکدے نیں؟
اِستثنا 6:4-9؛ اِفسیوں 6:4؛ 2-تیمُتھیُس 3:14-17
زبور 127:1؛ اَمثال 16:3 نُوں وی ویکھو۔
-
پاک کلام چوں کجھ مثالاں:
-
قُضاۃ 13:2-8—جدوں اِک فرشتے نے منوحہ نُوں دَسیا کہ اوہدی بیوی اِک پُتر جمے گی تے اوہنے بچے دی تربیت کرن بارے اوہدے کولوں ہور وی گلاں پچھیاں۔
-
زبور 78:3-8—یہوواہ چاہندا اے کہ ماں پیو اپنے بچیاں نُوں اوہ ساریاں گلاں سکھان جیہڑیاں اوہناں نے اوہدے کلام چوں سکھیاں نیں۔
-
بھانویں کہ اِک بچہ ایہو جہے گھرانے چ پلیا ہووے جتھے سارے یہوواہ دی عبادت کردے نیں، پر فیر وی شاید اوہ یہوواہ دی خدمت کیوں نہ کرے؟
حِزقیایل 18:1-13، 20
-
پاک کلام چوں کجھ مثالاں:
-
پیدائش 6:1-5؛ یہوداہ 6—فرشتے اِک لمے عرصے توں اسمان تے یہوواہ دے نال سن۔ پر فیر وی اوہناں نے یہوواہ دے خلاف بغاوت کیتی۔
-
1-سموئیل 8:1-3—سموئیل یہوواہ دا وفادار نبی سی۔ پر اوہدے دونویں پُتر بھیڑے کم کردے سن تے بےایمان سن۔
-
ماں پیو نُوں کدوں بچیاں نُوں یہوواہ بارے سکھانا شروع کرنا چاہی دا اے؟
2-تیمُتھیُس 3:15
-
پاک کلام چوں کجھ مثالاں:
-
اِستثنا 29:10-12، 29؛ 31:12؛ عزرا 10:1—اِسرائیلی جدوں وی عبادت لئی جمع ہوندے سن، اوہ اپنے بچیاں نُوں نال لجاندے سن تاکہ اوہ وی یہوواہ بارے سکھن۔
-
لُوقا 2:41-52—یوسف تے مریم ہیکل چ فسح دی عید منان لئی ہر سال یسوع تے اپنے باقی بچیاں نُوں یروشلم لے کے جاندے سن۔
-
کیہڑیاں مثالاں ماں پیو دی مدد کر سکدیاں نیں تاکہ اوہ اپنے بچیاں نُوں ایہو جہے لوکاں توں بچا سکن جیہڑے اوہناں نُوں نقصان پونچا سکدے نیں؟
-
پاک کلام چوں کجھ مثالاں:
-
خروج 19:4؛ اِستثنا 32:11، 12—یہوواہ نے اپنے آپ نُوں اِک عقاب وانگوں کہیا جیہڑا اپنے بچیاں دا خیال رکھدا اے تے اوہناں نُوں خطریاں توں بچاندا اے۔
-
یسعیاہ 49:15—یہوواہ اپنے بندیاں دا جِنّاں خیال رکھدا اے اوناں تے دودھ پیان والی اِک ماں وی اپنے بچے دا نئیں رکھدی۔
-
متی 2:1-16—شیطان نے نجومیاں نُوں بھیڑے بادشاہ ہیرودیس کول گھلیا تاکہ اوہ یسوع نُوں قتل کرا دَوے۔ پر یہوواہ نے اپنے پُتر نُوں بچان لئی یوسف تے مریم نُوں مصر گھل دِتا۔
-
متی 23:37—یسوع نے کہیا کہ جیویں اِک مُرغی اپنے چوچیاں نُوں پَراں تھلے لُکا کے اوہناں دی حفاظت کردی اے، اوہنے وی اوسے طرحاں لوکاں دی مدد کرن دی کوشش کیتی اے۔
-
ماں پیو نُوں اپنے بچیاں نُوں جنسی معاملیاں بارے تلیم کیوں دینی چاہی دی اے؟
-
پاک کلام چوں کجھ مثالاں:
-
احبار 15:2، 3، 16، 18، 19؛ اِستثنا 31:10-13—موسیٰ دی شریعت چ جنسی معاملیاں بارے کُھل کے گل کیتی گئی سی تے یہوواہ نے حکم دِتا سی کہ جدوں شریعت اُچی آواز چ پڑھی جائے اوہدوں بچے وی اپنے ماں پیو دے نال ہون۔
-
زبور 139:13-16—داؤد نے یہوواہ دی تعریف کیتی کہ اوہنے انسان دے جسم نُوں بڑا ای شاندار بنایا اے جدے چ اولاد پیدا کرن دی صلاحیت وی شامل اے۔
-
اَمثال 2:10-15—یہوواہ دی تلیم تے حکمت مطابق چلن دی وجہ توں اَسی بھیڑے تے دھوکھےباز لوکاں توں بچ جانے آں۔
-
ماں پیو نُوں اپنے بچیاں دی درستی پیار نال کیوں کرنی چاہی دی اے؟
اَمثال 13:24؛ 29:17؛ یرمیاہ 30:11؛ اِفسیوں 6:4
زبور 25:8؛ 145:9؛ کُلسّیوں 3:21 نُوں وی ویکھو۔
-
پاک کلام چوں کجھ مثالاں:
-
زبور 32:1-5—جدوں یہوواہ نے بادشاہ داؤد دے گُناہ دی وجہ توں اوہدی درستی کیتی تے اوہنوں تکلیف چُکنی پئی۔ پر داؤد نُوں ایس گل توں بڑی تسلی ملی کہ یہوواہ دِلوں توبہ کرن والیاں نُوں معاف کر دیندا اے۔
-
یُوناہ 4:1-11—اِک وار یُوناہ نے غصے چ یہوواہ نال گل کیتی تے اوہدے لئی عزت نہ وکھائی۔ پر یہوواہ نے صبر نال اوہنوں رحم دی اہمیت بارے سکھایا۔
-
درستی محبت دا ثبوت کیوں ہو سکدی اے؟
اَمثال 3:11، 12؛ 13:24
اَمثال 15:32؛ مُکاشفہ 3:19 نُوں وی ویکھو۔
ایہہ وی ویکھو
ساڈے بارے معلومات
یہوواہ دے گواہواں نُوں مِلن لئی درخاست گھلو
بائبل چوں کسے سوال تے گلبات کرو یاں فیر یہوواہ دے گواہواں بارے ہور جانو۔
