Anyakubala (pai na mai)
Ndi mathangwi api adacitisa Yahova kucita banja?
Anyakubala asafunika kuona tani anawo?
Pontho onani “Anang’ono; Aphale na atsikana.”
-
Pitsandzo pya m’Bhibhlya pyakuti pinatiphedza:
-
Gen 33:4, 5—Yakobe akhaona anace ninga muoni udabuluka kuna Yahova.
-
Eks 1:15, 16, 22; 2:1-4; 6:20—Amiramu na Yokebhedhi abala Mose, pontho aikha umaso wawo pangozwi toera kuntsidzikiza.
-
Anyakubala asafunika kucitanji kuna anawo?
Dhe 6:6, 7; 11:18, 19; Mis 22:6; 2Ak 12:14; 1Ti 5:8
-
Pitsandzo pya m’Bhibhlya pyakuti pinatiphedza:
-
1Sa 1:1-4—Pyaka pyonsene Elkana akhakwata banja yace mbaenda nayo ku phwando ku Silo, pontho akhacita pyonsene pikhakwanisa iye toera anace agumanikembo kweneko.
-
Luk 2:39, 41—Zuze na Mariya pabodzi na anawo akhali na nsambo wakubuluka ku Nazareti mpaka ku Yerusalemu toera kugumanika pa phwando ya Paskwa.
-
Thangwi yanji ndi pyakufunika kupfundzisa anang’ono toera abvere Yahova?
Pontho onani 2Ti 3:14, 15.
-
Pitsandzo pya m’Bhibhlya pyakuti pinatiphedza:
-
1Sa 2:18-21, 26; 3:19—Anyakubala a Samweli apereka mwanawo toera atumikire pa tabhernakulo, mbwenye iwo akhaenda kamuona kazinji kene toera kuntsalakana; Samweli akula mbafuna Yahova na kuntumikira.
-
Luk 2:51, 52—Yezu apitiriza kubvera anyakubalace maseze iwo akhali akusowa ungwiro.
-
Anyakubala anagumana kupi pitsogolero toera kupfundzisa anawo?
Dhe 6:4-9; Aef 6:4; 2Ti 3:14-17
Pontho onani Mas 127:1; Mis 16:3.
-
Pitsandzo pya m’Bhibhlya pyakuti pinatiphedza:
-
Ato 13:2-8—Pidadziwa Manowa na nkazace kuti mwacirengo mbadakhala na mwana, Manowa aphemba citsogolero ca Mulungu toera adziwe kuti anakuza tani mwanawo.
-
Mas 78:3-8—Yahova asafuna kuti anyakubala apfundzise anawo pinthu pidapfundza iwo m’Bhibhlya.
-
Thangwi yanji mwana anakwanisa kusankhula kukhonda kutumikira Yahova, maseze akuzwe pabanja inatumikira Yahova?
-
Pitsandzo pya m’Bhibhlya pyakuti pinatiphedza:
-
Gen 6:1-5; Yud 6—Ngakhale aanju amala pyaka pizinji kudzulu na Yahova, mbwenye azinji nee abvera Mulungu.
-
1Sa 8:1-3—Maseze Samweli akhali mprofeta wakukhulupirika na wakulungama, anace adzakhala akukhonda kulungama, pontho akhatawira kudyekerwa.
-
Ndi ndzidzi upi unafunika anyakubala kutoma kupfundzisa anawo thangwi ya Yahova?
-
Pitsandzo pya m’Bhibhlya pyakuti pinatiphedza:
-
Dhe 29:10-12, 29; 31:12; Esd 10:1—Aizraeli angagumanyikana toera kupfundza pya Yahova, akhakwatambo anawo toera apfundzembo.
-
Luk 2:41-52—Zuze na Mariya akhali na nsambo wa kukwata anawo kuphatanizambo Yezu, mbaenda nawo ku phwando ya Paskwa mu templo ya ku Yerusalemu.
-
Ndi pitsandzo pipi pyakuti anyakubala anakwanisa kupitowezera pakutsidzikiza anawo kuna anthu akuti ali na pifuno pyakuipa?
-
Pitsandzo pya m’Bhibhlya pyakuti pinatiphedza:
-
Eks 19:4; Dhe 32:11, 12—Yahova alandanisika na capungu wakuti asakwata, asatsalakana na kutsidzikiza anace.
-
Iza 49:15—Ngakhale mama aduwale mwanace, mbwenye Yahova apikira kuti cipo anaduwala atumiki ace, pontho iye anaatsalakana na kuatsidzikiza.
-
Mat 2:1-16—Toera kuyesera kupha khombwani Yezu, Sathani atsogolera anyakudziwisa pya nyenyezi mpaka kuna Mambo wakuipa Herodhi, mbwenye Yahova atsidzikiza mwanace mbapanga Zuze na banja yace toera afulukire ku Ejitu.
-
Mat 23:37—Yezu alandanisa cifuno cikhali na iye toera kuphedza mbumba yace na njira inagumanya nkhuku anapiye m’maphapido ace.
-
Thangwi yanji anyakubala asafunika kupfundzisa anawo thangwi yakupita m’mabonde?
-
Pitsandzo pya m’Bhibhlya pyakuti pinatiphedza:
-
Lev 15:2, 3, 16, 18, 19; Dhe 31:10-13—Mwambo wa Mose ukhalonga pakweca thangwi yakupita m’mabonde, pontho Yahova alonga kuti anapiana akhafunika kugumanika mu ndzidzi unalerwi mwambo mwakugaluza.
-
Mas 139:13-16—Nyamasalmo Dhavidhi asimba Yahova thangwi ya njira yakudzumisa idacitwa manungo a munthu, kuphatanizambo njira inabalwa munthu.
-
Mis 2:10-15—Udziwisi na luso ya Yahova inakwanisa kutitsidzikiza kuna anthu anacita pyakuipa na kuna anthu ananyengeza andzawo.
-
Thangwi yanji anyakubala asafunika kulanga anawo mwaufuni?
Mis 13:24; 29:17; Yer 30:11; Aef 6:4
Pontho onani Mas 25:8; 145:9; Akl 3:21.
-
Pitsandzo pya m’Bhibhlya pyakuti pinatiphedza:
-
Mas 32:1-5—Maseze Mambo Dhavidhi akhagopa kulanga kwa Yahova, iye akhurudzika pidadziwa iye kuti Yahova asalekerera ale anatcunyuka na ntima onsene.
-
Yon 4:1-11—Mprofeta Yona akhali wakuipirwa kakamwe mpaka kulonga mwakusowa cilemedzo na Yahova; mbwenye mwakupirira, Yahova ampfundzisa kufunika kwa kukhala wa ntsisi.
-
Thangwi yanji tinakwanisa kulonga kuti anyakubala analanga anawo asaafuna?
Pontho onani Mis 15:32; Apo 3:19.
Panango Munakomerwa Kudziwa Ipi
LAMUKANI!
Mabanja Akutsandzaya—Kupangiza Citsandzo Cadidi
Khala musafuna kuti ananu abve pinalonga imwe, imwe musafunika kucita pinthu mwakubverana na mafala anu.
PYA IFE
Phembani Toera Mucedzerwe
Cedzani pinalonga Bhibhlya, peno pfundzani pizinji thangwi ya Mboni za Yahova.
