Batswadi
Mabaka a ileng a etsa hore Jehova a thehe lenyalo ke afe?
Batswadi ba lokela ho ikutlwa jwang ka bana ba bona?
Sheba le “Bana; Batjha”
-
Mehlala ya batho ba ka Bibeleng e ka o thusang:
-
Ge 33:4, 5—Jakobo o ne a nka bana ba hae e le dimpho tse tswang ho Jehova
-
Ex 1:15, 16, 22; 2:1-4; 6:20—Ka mora hore Moshe a tswalwe, batswadi ba hae e leng Amrame le Jokebede ba ile ba beha bophelo ba bona kotsing e le hore ba mo sireletse
-
Batswadi ba lokela ho etsang ha ba ntse ba hodisa bana ba bona?
De 6:6, 7; 11:18, 19; Pr 22:6; 2Ko 12:14; 1Ti 5:8
-
Mehlala ya batho ba ka Bibeleng e ka o thusang:
-
1Sa 1:1-4—Elkana o ne a tlwaetse ho isa lelapa la hae meketeng e neng e tshwarelwa Shilo mme o ne a etsa bonnete ba hore bana ba hae ba etsa dintho tsohle tse etswang meketeng eo
-
Lu 2:39, 41—Josefa le Maria ba ne ba tlwaetse ho tsamaya le bana ba bona ha ba tloha Nazaretha ba ya Jerusalema moketeng wa Paseka
-
Ke hobaneng ha ho le bohlokwa ho kwetlisa bana ba hao hore ba mamele Jehova?
Sheba le 2Ti 3:14, 15
-
Mehlala ya batho ba ka Bibeleng e ka o thusang:
-
1Sa 2:18-21, 26; 3:19—Batswadi ba Samuele ba ile ba fana ka yena hore a sebetse tabernakeleng. Ba ne ba dula ba mo tjhakela e le hore ba mo thuse ka dintho tseo a di hlokang mme o ile a hola a rata Jehova
-
Lu 2:51, 52—Jesu o ile a dula a mamela batswadi ba hae le hoja ka dinako tse ding ba ne ba etsa diphoso
-
Ke keletso efe ya Bibele e ka thusang batswadi hore ba hodise bana ba bona ka tsela e nepahetseng?
De 6:4-9; Ef 6:4; 2Ti 3:14-17
-
Mehlala ya batho ba ka Bibeleng e ka o thusang:
-
Bhl 13:2-8—Ka mora hore lengeloi le bolelle Manowa hore mosadi wa hae o tla ba le mora, Manowa o ile a botsa lengeloi leo hore na ba hodise ngwana eo jwang
-
Ps 78:3-8—Jehova o batla hore batswadi ba rute bana ba bona dintho tseo ba ithutang tsona Bibeleng
-
Ke hobaneng ha ngwana a ka kgaotsa ho sebeletsa Jehova le hoja a holetse lelapeng la batho ba ratang Modimo?
-
Mehlala ya batho ba ka Bibeleng e ka o thusang:
-
Ge 6:1-5; Ju 6—Mangeloi a mangata a ile a fetohela Jehova le hoja a qetile dilemo tse ngata a ena le yena lehodimong
-
1Sa 8:1-3—Samuele o ne a tshepahala ebile e le moprofeta ya lokileng empa bara ba hae ba ne ba sa tshepahale ba bile ba qhekella batho
-
Batswadi ba lokela ho qala neng ho ruta bana ba bona ka Jehova?
-
Mehlala ya batho ba ka Bibeleng e ka o thusang:
-
De 29:10-12, 29; 31:12; Esd 10:1—Ha Baiseraele ba ne ba kopana ha mmoho e le hore ba ka ithuta ka Jehova, ba ne ba tsamaya le bana ba bona e le hore le bona ba ka ithuta ka yena
-
Lu 2:41-52—Selemo le selemo Josefa le Maria ba ne ba tlwaetse ho tsamaya le bana ba bona ho akarelletsa le Jesu ha ba ya moketeng wa Paseka o neng o tshwarelwa tempeleng e Jerusalema
-
Ke mehlala efe eo batswadi ba ka e etsisang ho sireletsa bana ba bona?
-
Mehlala ya batho ba ka Bibeleng e ka o thusang:
-
Ex 19:4; De 32:11, 12—Jehova o itshwantsha le ntsu e jarang, e sireletsang le ho hlokomela madinyane a yona
-
Esa 49:15—Jehova o tshepisa hore o tla hlokomela bahlanka ba hae ho feta ka moo mme a hlokomelang ngwana wa hae ya anyang
-
Mat 2:1-16—Satane o ile a leka ho bolaya Jesu ha e ntse e le lesea ka hore a etse hore balepi ba dinaledi ba bolelle Morena Heroda ya kgopo ka Jesu. Empa Jehova o ile a sireletsa mora wa hae ka hore a laele Josefa hore yena le lelapa la hae ba fallele Egepeta
-
Mat 23:37—Jesu o ile bontsha ka moo a batlang ho thusa batho ka teng ka hore a itshwantshe le kgoho e bokellang ditsuonyana tsa yona tlasa mapheo a yona
-
Ke hobaneng ha batswadi ba lokela ho ruta bana ba bona ka thobalano?
-
Mehlala ya batho ba ka Bibeleng e ka o thusang:
-
Le 15:2, 3, 16, 18, 19; De 31:10-13—Molao oo Modimo a neng a o file Baiseraele a sebedisa Moshe o ne o bontsha hore na o ikutlwa jwang ka thobalano. Jehova o ne a batla hore bana le bona ba tsebe Molao ona, ke ka hoo a ileng a laela hore le bona ba be teng ha o balwa
-
Ps 139:13-16—Mopesaleme Davida o ile a rorisa Jehova ka tsela e hlollang eo mmele wa motho o entsweng ka yona le bokgoni boo batho ba nang le bona ba ho ba le bana
-
Pr 2:10-15—Jehova o re fa tsebo le bohlale tse ka re sireletsang ho batho ba kgopo le ba etsang dintho tse mpe
-
Ke hobaneng ha batswadi ba lokela ho kgalemela bana ba bona ka tsela e bontshang hore ba a ba rata?
Pr 13:24; 29:17; Jer 30:11; Ef 6:4
Sheba le Ps 25:8; 145:9; Kol 3:21
-
Mehlala ya batho ba ka Bibeleng e ka o thusang:
-
Ps 32:1-5—Jehova o ile a fa Morena Davida kotlo ka lebaka la sebe sa hae le ha ho le jwalo Davida o ile a kgothatswa ke ho tseba hore Jehova o tshwarela batho ba bakelang dibe tsa bona
-
Jon 4:1-11—Moprofeta Jonase o ile a halefa mme a bua le Jehova ka tsela e se nang tlhompho empa Jehova o ile a bua le yena ka mosa e leng se ileng sa ruta Jonase hore Jehova o mohau
-
Ha batswadi ba kgalemela bana ba bontsha jwang hore ba a ba rata?
O ka Nna wa Rata le Tsena
FADIMEHANG!
Mohlala—wa Malapa a Atlehileng
Etsa hore diketso tsa hao di dumellane le seo o se buang haeba o batla hore bana ba hao ba o mamele.
MABAPI LE RONA
Kopa Hore Dipaki Tsa Jehova di o Etele
Buisana le Dipaki Tsa Jehova ka sehlooho sa Bibele, kapa o ithute Bibele le rona.
